Cara amiga, car amic, cars sòcis,
Venèm d’emparar embé tristum, la despartida dau nòstre sòci e amic Jeanòt PINNA.
Jeanòt èra sòci de l’IEO-06 despí d’annadas e trevava lo cors de lenga de Bòn-Viatge, e l’atalier comèdia de Sant Ròc bailejat da Quiquí BAILLY. Era un òme discret, calorós, qu’aimava li gents e la convivialitat. Mancava pas jamai de faire d’imor e èra conoissut per li sieu blagas. Era sempre present ai nòstri activitats fins a la sieu rentrada en maion per retirats un an fa. Ancuei es anat retrovar la sieu Josie, ela tanben sòcia de l’IEO-06 e que li mancava tant despí la sieu despartida.
Qu’aquelu que l’an conoissut augon una pensada per eu e Josie.
Una ceremonia si debanerà au crematorium de la comba de Var divendres lo 28 de junh dau 2024 a miegjorn.
Adieu Jeanòt, adieu l’amic, seràs per sempre en lu nòstres pensiers.
Jeanòt en blu a drecha sus la fòto.