Es un libre de coïna un pauc particular, e quora dii aquò es pas una critica. Es dedicat a 18 fremas famoí de l’istòria occitana e aquest’idea m’agrada ben. Caduna embé la sieu istòria a inspirat un menú que li receptas venon de l’occitania tota. Avètz lo menú Comtessa de Dia, Alienòr d’Aquitània, Maria Roanet, Regina Joana, Rosina de Pèira, Julieta Lanteri, eca…deis Alps ai Pirenèus e dau sègle XIIen fins au sègle XXIen.
Lo menú Julieta Lanteri (naissuda en 1873 a la Piaja « Piaggia » que vivèt a La Briga (06) pi en Argentina dont foguèt la premiera frema quirurjana) nos prepaua per exemple :
– Amploas au verd (Valadas occitani)
– Pissaladiera de Niça
– Blanqueta de vedèu (Provença)
– Soflat de castanhas (Lengadoc)
Lo libre es quadrilengas : occitan, italian, francés e inglés, es lo signe d’una volontat de dubertura vorguda dai conceptors, podrètz passar d’una lenga a l’autra sensa problema.
Edicions : Chambra d’òc.
Contact : chambradoc@chambradoc.it