Amics occitans, la cronica Ribon-Ribanha d’ancuei, titrada « Lo tren dei vacanças », v’es prepauada da Quiquí BAILLY sòcia de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo tren dei vacanças
Un, doi, tres, quatre ……lu animators non devon denembrar un pichon !!!!
Nautres, lu enfants siam sus lo cai de la gara de Niça per pilhar lo tren que nos menerà en Savòia Auta a Sallanches en colonia de vacanças per un mes.
Si siam preparadi ma sòrre e ieu despí un mes ! Embé mamà, siam anadi crompar li cauçuras per caminar en montanhas, toti nòvi, lo capèu per lo soleu, lu vestits per la pluèia, mamà a fach li bràias corti e lu ensacarges, li malhetas… enfin tot cen que cau per de filhetas per un mes de vacanças.
Siam uroï de s’en anar, bessai que retroverem d’amics que venon de París, Lion, e autres cantons de França qu’avèm laissat l’anada passada !!!
Mas aüra, pilham lo tren, es un tren de nuech, partirem a uèch oras d’après-dinnar e arriberem lo lendeman de matin a l’entorn de noù ò dètz oras. Es una grana aventura per nautres, lu viatges non si faïan pas de tròup en aquestu temps !!!
Li gents que menan lu enfants, paire, maire son un pauc inquiets sobretot aqueu qu’a d’enfants que s’en van per lo premier còup !!
Aquestu pichoi, lu mai joves an de mau au moment de laissar la familha e li cau tota la persuasion e la gentilhessa dei animators per que non plorèsson en puant en lo tren !!
En aquesta época non faiavam de viatges coma ancuei !! lo viatge per la colonia èra una vertadiera aventura !
Toi : enfants, baüls, saquetons son en lo tren. Lo cap de gara subla, li pòrtas si barran, lo tren fa bramar lo sieu sublet : es un tren a vapor embè una gròssa locomotiva negra impressionanta ! Partèm…. Cadun a un pichin còup au còr en veent li gents s’alunhar e disparèisser au luenh !
Ma sòrre e ieu non es la premiera fes que partèm alora avèm pas paur e sabèm qu’au passatge sus lo Pònt de Var, mamà serà a la fenèstra embé un lançòu per nos dire »a si reveire » : lo tren passa davant la maion qu’es l’usina de la Companhia de l’aiga a cinquanta mètres dau camin de ferre !!
Après, per un mes escriurem una fes per setmana per donar de nòvas ! Aí, aviavam pas de telefonet, telaranha e autri cauas e s’en passavam ben !!!
Lo tren de nuech es pas coma aüra, lo vagon es divisat en compartiments per uèch personas, es pas un vagon-liech e pura passerem la nuech dintre, alora avèm una organisacion.
Au principi siam toi assetats e fèm conoissença emb’ai autres enfants e animators : si siam vist a la visita medicala qu’èra obligatòria, per d’unu son de retrovalhas : li conversacions s’abrivan e cadun conta la sieu annada : l’escòla, l’espòrt, la vida de toi lu jorns e l’ambient devent conviviau :
lu animators, Josy, Daniel, Bernard son atentius ai mai pichoi que son pas acostumats e son un pauc tristes e inquiets.
Après la merenda, aquò es tanben una aventura a la descuberta de cen que la maire a alestit per l’escotisson, si preparam per la nuech, per fin que lo viatge sigue mai confortable, Daniel e Bernard meton lu baüls tra li banquetas per faire de liecharias, un mena de liech dont si duerme tèsta-coa !! Lu mai pichoi son mes en lu filets dont si plaçan de costuma lu paquets e lu baüls aquò fa coma de brandas, e barlica-barlòca tot lo monde va passar una bòna nuech desvelhat de temps en temps en una gara dont si crida : »Tolon ! Marsilha !Valença ! Grenoble ! La balançada dau tren fa coma lo breç rassegurant de la maire e lèu lèu cadun s’enduerme.
Lo temps passa e de matin Josy, Daniel, Bernard nos desvelhan per nen preparar a l’arribada. Farem lo dejunar a la colonia.
Aquí en regarjant per la fenèstra : lu nòstres uelhs plen de sòm descuerbon de sorpresas : pas plus de mar, pas plus de ròcas rogi, pas plus de pins !!! de bèli montanhas, d’aubres de Calènas, li maions son pas coma au nòstre, li taulissas son ponchudi, lu barcons son de bòsc tot ben obratjat e lo mai bèu paisatge : lo Mont Blanc, meravilhós, grand, imposant e totplen de nèu lusanta !!
Per un mes, lo veirem en lo blu dau ciel lo matin e lo sera, en l’orange e lo roge au calabrun !!!
Si metèm li cauçuras, la vèsta, lu baüls son portats en lo corredor a costat de la pòrta per anar fòra e asperam l’estacion dont una gròssa votz anoncerà :
SALLANCHES ! COMBLOUX ! MEGEVE e aquí serem arribats.
QUIQUÍ BAILLY
Le train des vacances
Un, deux, trois, quatre….. les animateurs ne doivent pas oublier un enfant !!!!
Nous, les enfants, sommes sur le quai de la gare de Nice pour prendre le train qui nous amènera en Haute Savoie, en colonie de vacances pour un mois.
Nous nous sommes préparée ma sœur et moi depuis un mois ! Avec maman, nous sommes allées acheter les chaussures pour marcher en montagne, toutes neuves, le chapeau pour le soleil, les vêtements pour la pluie, maman a fait les shorts et les salopettes, les chemisettes…. enfin tout ce qu’il faut pour des fillettes pour un mois de vacances. Nous sommes heureuses de partir,peut-être retrouverons-nous des amis qui viennent de Paris, Lyon et autres coins de France que nous avons laissés l’année passée !!!
Mais à présent nous prenons le train, c’est un train de nuit, nous partirons à huit heures du soir et arriverons le lendemain matin aux alentour de neuf ou dix heures.
C’est une grande aventure pour nous, les voyages ne se faisaient pas trop en ce temps-là !!! Les parents qui amenaient les enfants, père, mère, sont un peu inquiets, surtout ceux dont les enfants partent pour la première fois !! Ces petits, les plus jeunes ont du mal au moment de laisser la famille et il faut toute la persuasion et la gentillesse des animateurs pour qu’ils ne pleurent pas en montant dans le train !!
A cette époque nous ne faisions pas de voyage comme aujourd’hui !! le voyage pour la colonie de vacances était une réelle aventure !
Tout, les enfants,les valises, les sacs sont dans le train. Le chef de gare siffle, les portes se ferment, le train fait hurler sa sirène, c’est un train à vapeur, avec une énorme locomotive toute noire impressionnante, nous partons… Chacun a un petit pincement au cœur en voyant les parents s’éloigner et disparaître au loin !
Ma sœur et moi, ce n’est pas la première fois que nous partons alors nous n’avons pas de peur et nous savons qu’au passage sur le Pont du Var, maman sera à la fenêtre avec un drap pour nous dire »au revoir » : le train passe devant la maison qui est l’usine de la Compagnie des eaux à cinquante mètre de la voie ferrée !!
Après, pendant un mois, nous écrirons une fois par semaine pour donner des nouvelles ! Oui, nous n’avions pas de téléphone, ordinateur et autres et nous nous en passions bien !!!
Le train de nuit n’est pas comme à présent, le wagon est divisé en compartiments pour huit personnes, ce n’est pas un wagon-lit et pourtant nous y passerons la nuit, alors nous avons une organisation ! Au début, nous sommes tous assis et faisons connaissance avec les autres enfants et animateurs : nous nous sommes vus à la visite médicale qui était obligatoire, pour certains se sont des retrouvailles : la conversation va bon train et chacun raconte son année : l’école, le sport, la vie de tous les jours et l’ambiance devient conviviale : les animateurs, Josy, Daniel, Bernard sont attentifs au petits qui n’ont pas l’habitude et sont tristes et inquiets.
Après le casse-croûte, c’est aussi une aventure de découvrir ce que la mère a préparé pour le pique-nique, nous nous préparons pour la nuit et pour que le voyage soit plus confortable, Daniel et Bernard mettent les valises entre les banquettes pour faire des couchettes, sortes de lit où l’on dort tête-bêche !! les plus petits sont mis dans les filets où l’on met d’habitude les paquets et les valises, cela fait comme des hamacs et tant bien que mal tout le monde va passer une bonne nuit réveillés de temps en temps dans une gare ou l’on crie : »Toulon ! Marseille ! Valence ! Grenoble… »
La balancement du train fait comme le bercement rassurant de la mère avec son tacatac, tacatac régulier et bientôt chacun s’endort..
Le temps passe et au matin, Josy, Daniel et Bernard nous réveillent pour nous préparer à l’arrivée. Nous déjeunerons à la colonie.
Là, en regardant par la fenêtre : nous découvrons des surprises : plus de mer, plus de rochers rouges,plus de pins !!! de belles montagnes, des arbres de Noël, les maisons ne sont pas comme chez nous, le toits sont pointus, les balcons sont en bois bien ouvragés et le plus beau paysage : le Mont Blanc merveilleux, grand, imposant et plein de neige luisante !! Pendant un mois, nous le verrons dans le bleu du ciel le matin et le soir dans l’orange et le rouge du coucher de soleil !!!
Nous mettons nos chaussures, la veste, les valises sont portées dans le couloir à côté de la porte pour sortir et nous attendons la station où une grosse voix annoncera :
SALLANCHES ! COMBLOUX ! MEGEVE !
Et alors nous serons arrivés !