Amics occitans, la cronica Ribon-Ribanha d’ancuei, titrada » Lo pan-banhat. « , v’es prepauada da Rogier Gilli, Sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Lo pan-banhat
« Lo mes de mai es arribat, lo pus bèu, es aüra Anèm culhir la flor dei prats e la frucha madura… »
Bèla cançon nè ? Per nautres, lu niçards, cançon de seson segur, que d’un temps lu òmes si contentavan de plasers simples.
Mai dau 2019… L’an passat èravam mai de quaranta, sota para-soleu, a si merendar lo pan-banhat tra vesins. Dins l’immòble, dont estèm, l’i son que vint-a-quatre lòtjaments solament e un gran jardin embé juec de bòchas e una taulassa d’esquasi dètz mètres de lòng. A l’ora de l’apontament lo luec èra clafit de monde, lecons despacients de tastar li meravilhas alestidi dai fremas de redriç d’aquí, pans-banhats pròpi de tria. Lo promier en aquesta annada, pas ren mancava, liumes dau canton : cebetas, archicòtas, apis, rifòrts talhats fin-fin, oulivas negri de Pelhon, favetas, balicò, ò per d’unu riqueta. Tomatis de dont sabi, òus dau galinier d’un amic contés, òli d’òulivas dei Berguéas e pan redon d’un fornier que saup encara faire lo sieu mestier. En mai d’aquò, per acabar lo cap d’òbra, de ton de la Mar Nòstra, d’Itàlia, e per lu lecons niçards e forestiers (son quists mas n’i a) d’amploas de Carràs en samoira.
La beutat dau monde de regarjar li filanhas de pans redons ben colorits, pauats sus de sietons de carton blanc sus d’una bèla toalha roja, qu’asperavan d’èstre engolats da una chorma de mòrts de fam après lu aperitius mai que numerós.
Jorn de fèsta, jorn de tampona, pròch dau juec de bòchas dont lu tòmos de vin rosat ben fresc, assostats sota d’un olivieret, anavan deslegar li lengas, nen donar l’envueia de cantar e faire rire li bèli damas.
« Bèli partidas de Santa Margarida, sus l’er dei tendres passerons Faguèm retentir de cançons, faguèm, faguèm retentir de cançons… »
Mai dau 2020…. L’anèm faire aquest’an ? Sabi pas, cu lo saup ? M’en tornan dei remembres joiós, urós, coma aquelu dau temps de l’enfança mieua quora anavam si manjar sus l’erbeta, en lu prats de Cimiers, en Mont Boron ò sus la grava de la Palhòla, aquesto real past.
M’en tornan, tanben, dei remembres negres, aquesto jorn que tanta Chiqueta n’a raubat un amic dau pan banhat, un òme de la bòna, esquiçat sus la rota un marrit matin de genoier d’aquest’an, en cu vòli dedicar aquesti quauqui regas.
Annada de làgrimas, de crespon, d’embarrament e l’i siam que a la mitan…
Rogier GILLI mai dau 2020
NOS AN ESCRICH :
Patricia Jouve : Volieu gramaciar ribon ribanha per tot aquestei tèxtes que me n’ servi tota l’anada au cos de lenga de la sanha de mar ! Fan mestier!
Joan Pèire : Es un plaser per l’IEO-06 de publicar cada setmana (per lo mens) una cronica Ribon-Ribanha (bon gré mal gré). Son de tèxtes mandats per de sòcis e amics de l’IEO-06 que nos fan l’amistat de nos mandar li sieu « òbras ». Cadun embé lo sieu gaubi pòrta sa pèira au clapier per portar mai luenh la lenga occitana. Avèm ja publicat 5 libres partent dei cronicas nòstri. Es sempre una bòna nòva quora emparam que lu tèxtes siervon per de cors de lenga. Lo libre a venir serà aqueu de Roger Gilli autor de la cronica d’ancuei. Siam a metre la darniera man ai correccions denant de la publicacion.
Girtane Platogne Que d’émotions en lisant ça ( dans les deux langues, excusez-moi ainsi que de commenter en français ) Une lecture en Niçois pour le plaisir et la joliesse des mots, Une lecture en français pour une totale compréhension. Les émotions sont la photo d’un bout du jardin de Lou Magistre que je connais bien,, la recette du Pan Banhat que je revendique aimer dans sa recette traditionnelle car je suis un peu niçoise pour les saveurs et odeurs ( les bonnes ! ) de ce pays. Peut-être ou sans doute à cause de mes origines ancestrales dont les goûts, les couleurs, les parfums sont enfouis en moi et refont surface quand je reviens en ces lieux et enfin la fierté d’être apparentée à l’auteur qui pour moi est plus frère que beau … Comprenne qui pourra …lui il comprendra c’est l’essentiel. Merci Monsieur Gilli pour cet agréable moment de lecture et paix pour celui à qui il est dédié. Baietas.
Suzanne Cassan Joli texte, plein d’émotion pour l’ami qui est parti !💗💗💗
Le pan-banhat
« Le mois de Mai est arrivé, le plus beau, c’est maintenant, Allons cueillir les fleurs des prés et les fruits mûrs… »
Jolie ritournelle n’est-ce-pas ? Pour nous, niçards, une chanson de saison qui se chantait quand les hommes se contentaient de choses simples.
Mai 2019… L’an passé nous étions une quarantaine, abrités sous de grands parasols, à se régaler entre voisins d’un bon pan-banhat. L’immeuble dans lequel nous résidons ne comporte que vingt-quatre logements mais possède un grand jardin, un jeu de boules et une immense table de presque dix mètres de long. A l’heure du rendez-vous cet endroit était copieusement garni de gourmands impatients de goûter cette merveille préparée par les spécialistes locales : un pan -banhat dans les règles de l’art. Le premier de cette année, rien n’y manquait : légumes primeurs du coin, cébettes, radis, artichauts, céleris coupés fin, olives noires, févettes, basilic ou roquette, tomates d’on ne sait d’où, œufs du poulailler d’un amis contois, huile d’olive de Borghéas et petits pains ronds d’un boulanger qui sait encore travailler. Et pour couronner ces chefs-d’œuvre du thon de Méditerranée d’Italie et pour les vrais amateurs niçois et quelques étrangers, des anchois de Carras en saumure.
La beauté du monde de regarder ces alignements de pains ronds, colorés, déposés sur des serviettes en papier blanc, sur une belle nappe rouge et qui attendaient d’être dévorés par une équipe d’affamés par les nombreux apéritifs.
Jours de fête, jours de bamboche, près du jeu de pétanque où les bonbonnes de vin rosé bien frais attendaient patiemment, abritées sous un grand troène, de pouvoir délier les langues, faire chanter ce beau monde et rire les belles dames.
« Belles parties, à Sainte Marguerite, sur l’air des tendres passereaux Faisons retentir des chansons, faisons, faisons retentir des chansons… »
Mai 2020…Allons-nous le faire cette année ? Je ne sais pas, qui sait ? Mais j’ai en mémoire, des souvenirs de ces moments de bonheur, comme ceux de mon enfance quand nous allions, sur les prés de Cimiers, au Mont Boron ou sur la plage de la Paillole, nous régaler de ce royal repas.
Puis aussi souvenirs sombres, ce jour où la Camarde nous a volé un ami du pan-banhat, écrasé sur la route en ce méchant mois de Janvier, à qui je veux dédier ces lignes.
Année de larmes, de deuil, de confinement et nous n’en sommes qu’à la moitié.