Amics occitans, la cronica Ribon-Ribanha d’ancuei, titrada « VACANCAS EN OCCITANIA. », v’es prepauada da Choaseta CLEMENT, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : » ribonribanha@yahoo.fr »
La garderem ribon-ribanha, nòsta rebèla lenga d’Òc !
VACANCAS EN OCCITANIA
Ma maigrana paterna èra naissuda en lo 1886 a Limogne en Querci, en lo Lòt, au centre de l’Occitania e de la sieu istòria tant vasta. Aquesta annada, ai augut envuèia de faire de recercas genealogiqui e d’en profitar per visitar aquesta region.
Lo projèct èra finda de festar lu 4X20 ans de Gérald a cò de Bras a Laguiole dins Aveiron en passant per la cauma de l’Aubrac e lo camin de Compostèla qu’avèm croisat mai d’un còup dins lo nòstre periple.
Èra un gran plasir de descurbir doi departiments diferents entre l’Aveiron agricòlo, lu estròps de vacas de l’Aubrac e lo Lot totplen embosquissit, li Grandi Causses, lu barris de pèiras sequi, li vinhas alentorn de Caors.
Es una pròpi bèla region, de vilas e vilatges de l’atge-mejan, de glèias embé de torres carradi, de castèus numerós, li valadas du Lòt e lo manhific vilatge de Sant Circ Lapopia, de l’Aveiron, dau Tarn e la catedrala d’Albi. Aquesta annada embé li pluèias li rivieras èran ben auti per lo plasir dei vacanciers que faían de paddle e per li crosieras. De païtsages totplen variats, de pichins camins sinuós embé de tractors vos obligan a ralentir, de gents assolutament aimables que vos respòndon « embé plasir » après tota demanda.
Descurberta dins un vilatge de dessenhs «art per carriera » sus li façadas dei sieu maions per una jova agricoltora.
Descurberta de la trífola per lo nòstre proprietari que possede de rores trifoliers e nen donèt d’explicacions totplen expliciti, ligadi a de tasts ben segur ! Brèu un país de cocanha, lu mercats totplen animats, la vianda de l’Aubrac, lo vedèu dau Segala, li ànedas, lo fetge gras, lu fromais, lo mèu e lo vin.
La meteo siguèt capricioa, de pluèia, d’aversas entrecopadi de rais de soleu, siam passat de 30°a 15° en quauqui oras mas es mai facil a suportar que 40° sus la rota dau retorn.
Siam anats a la maìon dau cònsol de Limogne demandar l’act de naissança de ma maigrana Maria Marty e nos siam renduts au cementeri per trovar una tomba. Mas n’i a pas plus de familha Marty, ma maigrana, la sieu sòrre e lu sieus doi fraires si son exilats a París dins li annadas 1900 dont l’i avìa mai de travalh que dins lo Lòt. Maria a rescontrat lo mieu paigran Emili Lemoigne a Arromanches (Calvados) que èra fustier-ebenista coma son paire, coïnchidença !!!!!
Siáu naissuda a París mas li mieu raïç occitani son ben aià, entre lo Querci e lu Aups-Maritimes. La tapa venenta serà de faire de recercas du costat materno, entre Provença (Lo Broc) per ma maigrana e lo Comtat de Niça per lo mieu paigran Valerga. Pensi d’aver dei raïç sardi dau temps dont lo Comtat de Niça èra Savòia-Pimont-Sardenha, de gents de Sant Martin de Var auguent ja fach de recercas.
Bessai un viatge venent en Sardenha dont siam ja anats. Cu viurà, veirà !!!!!!!!!!!!!!!
Choaseta Clement Julhet dau 2021
NOS AN ESCRICH :
Françon Dalbera : Totplen intéressant Choaseta.
Hélène Geiser : Bravo Choaseta pour ce beau texte…..
VACANCES EN OCCITANIE
Ma grand-mère paternelle est née en 1886 à Limogne en Quercy, au coeur de l’Occitanie et de son histoire si vaste ! Cette année, j’ai eu envie de faire des recherches généalogiques et d’en profiter pour visiter cette région.
Le projet était aussi de fêter les 4X20 ans de Gérald à Laguiole dans l’Aveyron en passant par le plateau de l’Aubrac et le Chemin de Compostelle que nous avons croisé plusieurs fois dans notre périple.
Ce fut un grand plaisir de découvrir deux départements très différents entre l’Aveyron agricole, les troupeaux de vaches sur l’Aubrac et le Lot beaucoup plus boisé, les Grandes Causses, les murs en pierre sèche et les vignes autour de Cahors. Très belle région, des villes et des villages moyenâgeux, des églises avec des tours carrées, de nombreux châteaux, les vallées du Lot, de l’Aveyron, du Tarn, des paysages très variés, des routes sinueuses avec des tracteurs qui vous obligent à ralentir, des gens absolument aimables qui vous répondent “avec plaisir” quand on dit “merci” . Trouvaille: dans un village des dessins “street art” d’une jeune agricultrice sur les façades des maisons.
Découverte de la truffe par notre propriétaire qui possède des chênes truffiers et donne des conférences très explicites suivies de dégustation, bien sûr !
La météo a été capricieuse, de la pluie, des averses entrecoupées de rayons de soleil, nous sommes passés de 30° à 15° en quelques heures mais c’est plus facile à vivre que la canicule à 40° comme sur la route du retour.
Nous sommes allés à la mairie de Limogne en Quercy demander l’acte de naissance de ma grand-mère Maria Marty et nous nous sommes rendus au cimetière pour trouver une tombe. Mais il n’y a plus de famille Marty à Limogne en Quercy. Ma grand-mère, sa sœur et ses 2 frères étaient “montés” à Paris dans les années 1900 où il y avait plus de travail que dans le Lot. Elle y a rencontré mon grand-père Emile Lemoigne né à Arromanches en Normandie qui était menuisier-ébéniste comme son père, coïncidence !
Je suis née à Paris mais mes racines occitanes sont bien là, entre le Quercy et les Alpes maritimes. La prochaine étape sera de faire des recherches du côté maternel en demandant l’acte de naissance de ma grand-mère à la mairie du Broc et celui de mon grand-père à celle de Saint Martin du Var, je crois avoir des racines sardes….
Peut-être un prochain voyage en Sardaigne où nous sommes déjà allés !
Qui vivra, verra !!!!!!!!!!!!!!!!!!
Françoise Clement Juillet 2021