Article bilingue
Siáu vertadierament urós de la capitada d’aquest projèct que naissèt en seguida dei rapresentacions de l‘ISTÒRIA DE JANA, LA PICHINA MESTRESSA DE LAS MARMÒTAS.
Cau dire qu’es pas un pichin afaire de metre en vista la lenga dins li peadas dei autors e dei comedians famós qu’escrivèron e que juguèron de PASTORALAS despí de centenaus d’annadas, èra una escomessa fòla, dau bòn.
fòto JP SPIES
Pilhèt fòrma, la peça, e, lo 23 de novembre dau 2019, veguèt la Premiera a Pelhon cancelada doi oras denant la debuta de la rapresentacion, lu comedians estent ja costumas e prompts a jugar, en causa dau marrit temps, lo prefèct auguent ordonat l’evacuacion dei salas d’espectacle, que la chavanassa èra en camin !
La creacion si faguèt doncas en Bergier lo 8 de decembre dau 2019, seguida d’una rapresentacion a Pelha lo 14 de decembre.
La grana pandemia si metèt pi en travèrs dau camin, quasi doi ans de temps.
fòto JP SPIES
Mas una escomessa novela qu’aviavam desirada èra a n’asperar, la venguda, lo dissabta 11 de decembre dau 2021, de la chorma au Teatre Francis Gag, luec emblematic de la cultura nòstra, au rescòntre dau public niçard. Siguèt una bèla serada tant per lu comedians coma per lo public numerós qu’èran venguts veire la PASTORALA.
fòto Mathilde CONTI
Passeriam pi en lo 2022, sensa saupre, en causa de la situacion, se si porrian assegurar li doi darrieri rapresentacions previsti, qu’afortisseriam pura e que lo public, tant a Pelhon lo 15 de genoier coma a Menton lo 16 de genoier foguèron finda conquists dai tableus, dai cançons, dai imatges, dai messtages que l’i siguèron porjuts dins lo debanament de la peça.
fòto JP SPIES
Fin finala, siguèron cinq cents personas que faguèron lo desplaçament per assistre a la nòstra PASTORALA PER LO NÒSTRE TEMPS, que jugueriam dins mantun luecs dau despartament, dau costat Grassenc en Bergier, a Niça en Vila Vièlha, dau costat levantin a Menton, e en valada de Palhon doi viatges, a Pelha e a Pelhon.
fòto Mathilde CONTI
Un còup mai, embé lo teatre, l’IEO-06 si mostrèt fedel a la sieu vocacion (l’IEO, remembratz-vos, es una associacion d’Educacion Populara reconoissuda da la República francea per lo Ministèri de la Cultura) en anant doncas au rescòntre dau monde per despartir una lenga viva, juguèt a gratis cada còup qu’èra aculhida a gratis, ò per un prètz laugier de cinq euros quora la sala èra da pagar, un espectacle bilingüe que permetèt au monde de retrovar ò de descurbir la lenga sensa exclusion.
fòto Rémi TOURNIER
Siáu urós, au nom de l’IEO-06 finda, e fièr, d’aquesta capitada, de l’imatge que dona l’associacion, tra aquest projèct, de dubertura, de tolerança e de vitalitat de la lenga.
Au nom de l’IEO-06, vòli aremerciar fòrça toi aquelu que participèron an aqueu succès :
fòto Mathilde CONTI
lo Conseu d’Administracion de l’IEO-06 qu’aportèt de lònga lo sieu sosten au projèct
fòto Rémi TOURNIER
lo nòstre cambarada menaire de la chorma Gilbe Combe, embé lo sieu investiment e la sieu fé sensa manca dins lo projèct e dins la chorma
fòto Rémi TOURNIER
li comedianas e lu comedians de la premiera ora coma aqueli e aquelu que lu rajonhèron, qu’auguèri lo plaser de jugar emb’elu : Joan-Piè Aiperto, Jennifer Baret, Gilbe Combe, Guiu Duffey, Choasèta Ferranti, Ricard Ferranti, Romieg Garcia, Crestiana Minighetti, Misoun Nassan Agha, Viviana Nervo, Arlèta Pastor, Jocelina Pisano, Carlòta Rubini, Anna-Maria Sgaravizzi
fòto JP SPIES
la nòstra amiga Miquèla Combe, sempre presenta e disponibla e que n’ajuda per tot, vestits, accessòris… e coïna
fòto JP SPIES
la nòstra amiga antibolenca de l’IEO-06 Veronica Champollion per li maròtas
lo nòstre amic saorgian de l’IEO Crestian Desrumeaux per la regia dau lume a Niça
lu tecnicians que donèron la man a cada rapresentacion
toti li sòcias, toti li amigas, toi lu sòcis, toi lu amics que si desplacèron per descurbir la peça, que sensa public ren de teatre
Nathalie Combe, Mathilde Conti, Jean-Baptiste Conti, Rémi Tournier, Rémi Garcia, Jean-Louis Casério, que nen mandèron de fòtos ò de videos
fòto JP SPIES
li comunas de Pelha e lo sieu cònsol Cyril Piazza, de Pelhon e lo sieu cònsol Jean-Marc Rancurel, de Còntes e lo sieu cònsol Francis Tujague, que metèron de salas a la nòstra disposicion per travalhar la peça
li comunas d’En Bergier e lo sieu cònsol Gérald Lombardo, de Pelha e lo sieu cònsol Cyril Piazza, de Pelhon e lo sieu cònsol Jean-Marc Rancurel, que nen prestèron un pontin per jugar
li comunas de Niça e lo sieu cònsol Christian Estrosi, de Menton e lo sieu cònsol Yves Juhel que nen donèron a fit una sala de teatre
fòto JL CASERIO
lu nòstres partenaris e interlocutors per la mesa en plaça dei rapresentacions, dins toi lu luecs dont siam anats
fòto Rémi TOURNIER
Fac copies, lo nòstre partenari per estampar lu documents e li afichas.
fòto Mathilde CONTI
Aüra, la chorma de l’IEO-06 son a encaminar un projèct noveu, e la pòrta es duberta a toi aquelu que vòlon portar la sieu pèira au clapier, per faire viure e créisser la chorma, sigue que sigue la sieu competença, lo sieu voler, lo sieu pantais. E qu’aqueu que trantalha sigue assegurat d’èstre aculhit amistosament dins una còla, que semblan una familha, qu’obrejan per la lenga , la cultura e la convivença. Minga condicion prealabla, senon desirar despartir lo plaser d’emparar, de jugar, de trasmetre, despartir finda, quora lo travalh si cala, lo rire, lo manjar e lo beure…
fòto Mathilde CONTI
Viva !
Joan-Pèire Spies
President de l’IEO-06
fòto Rémi TOURNIER
RETOUR SUR LA PASTORALE POUR LE TEMPS PRESENT 2019-2022
Je suis très heureux de la réussite de ce projet que nous avons initié à la suite des représentations de l’HISTOIRE DE JEANNE, LA PETITE MAITRESSE DES MARMOTTES.
Il faut dire que ce n’est pas rien de mettre en avant la langue dans les traces des auteurs et des comédiens fameux qui ont écrit et qui ont joué des PASTORALES depuis des centaines d’années, c’était un défi vraiment fabuleux.
La pièce a pris forme et, le 23 novembre 2019, elle vit la Première à Peillon annulée deux heures avant le début de la représentation, les comédiens étant déjà en costume et prêts à monter sur scène, à cause du mauvais temps, le préfet ayant ordonné l’évacuation des salles de spectacle car la tempête s’annonçait !
La création eut donc lieu au Rouret le 8 décembre 2019, suivie d’une représentation à Peille le 14 décembre.
Puis la grande pandémie fit son oeuvre, pendant presque deux ans.
Mais un nouveau défi, que nous avions choisi, nous attendait, la venue, le samedi 11 décembre 2021, de la troupe au Théâtre Francis Gag, lieu emblématique de notre culture, à la rencontre du public niçois. Ce fut une belle soirée aussi bien pour les comédiens que pour le public venu en nombre voir la PASTORALE.
2022 est arrivé, sans que nous sachions, la situation étant tellement incertaine, si nous pourrions assurer les deux dernières représentations prévues, que nous avons finalement confirmées et dont le public, aussi bien à Peillon le 15 janvier qu’à Menton le 16 janvier a été conquis par les tableaux, les chansons, les images, les messages qui leur ont été proposés tout le long de la pièce.
En fin de compte, ce sont cinq cents personnes qui ont fait le déplacement pour assister à notre PASTORALA PER LO NÒSTRE TEMPS, que nous avons jouée dans différents endroits du département, du côté Grassois au Rouret, à Nice dans la Vieille Ville, vers l’est à Menton, et dans la vallée du Paillon deux fois, à Peille et à Peillon.
Avec le théâtre, l’IEO-06 s’est encore montré fidèle à sa vocation (l’IEO, rappelons-le, est une association d’Education Populaire reconnue par le Ministère de la Culture au nom de la République française) en allant ainsi à la rencontre de la population pour partager une langue vivante. La troupe a joué, gratuitement chaque fois qu’elle avait été accueillie gratuitement, et pour une somme modique de cinq euros quand nous devions payer la salle, un spectacle bilingue qui permettait au plus grand nombre de retrouver ou de découvrir la langue sans exclure personne.
Je suis heureux également au nom de l’IEO-06, et fier, de cette réalisation réussie, de l’image que donne l’association, au travers de ce projet, d’ouverture, de tolérance et de vitalité de la langue.
Au nom de l’IEO-06, je veux remercier chaleureusement tous ceux qui ont participé à ce succès :
le Conseil d’Administration de l’IEO-06 qui a toujours soutenu le projet
notre camarade animateur de la troupe Gilbert Combe, avec son investissement et sa confiance sans faille dans le projet et dans l’équipe
les comédiennes et les comédiens de la première heure comme celles et ceux qui les ont rejoints, avec qui j’ai eu le plaisir de jouer : Jean-Pierre Aiperto, Jennifer Baret, Gilbert Combe, Guy Duffey, Françoise Ferranti, Richard Ferranti, Rémi Garcia, Christiane Minighetti, Misoun Nassan Agha, Viviane Nervo, Arlette Pastor, Jocelyne Pisano, Charlotte Rubini, Anne-Marie Sgaravizzi
notre amie Michelle Combe, toujours présente et disponible, qui nous aide en toute circonstance, pour les costumes, les accessoires… et la cuisine
notre amie antiboise de l’IEO-06 Véronique Champollion pour les marottes
notre ami saorgien de l’IEO-06 Christian Desrumeaux pour la régie lumières à Nice
les techniciens qui nous ont aidés lors de chaque représentation
toutes les adhérentes, toutes les amies, tous les adhérents, tous les amis qui se sont déplacés pour découvrir la pièce, car sans public il n’y a pas de théâtre
Nathalie Combe, Mathilde Conti, Jean-Baptiste Conti, Rémi Tournier, Rémi Garcia, Jean-Louis Casério, qui nous ont envoyé des photos ou des vidéos
les communes de Peille et son maire Cyril Piazza, de Peillon et son maire Jean-Marc Rancurel, de Contes et son maire Francis Tujague, qui ont mis des salles à notre disposition pour travailler la pièce
les communes du Rouret et son maire Gérald Lombardo, de Peille et son maire Cyril Piazza, de Peillon et son maire Jean-Marc Rancurel,qui nous ont offert une scène pour jouer
les communes de Nice et son maire Christian Estrosi, de Menton et son maire Yves Juhel qui nous ont loué une salle de théâtre
nos partenaires et interlocuteurs pour la mise en place des représentations, dans tous les lieux où nous nous sommes produits
Fac copies, notre partenaire pour imprimer les documents et les affiches.
Et maintenant, la troupe de l’IEO-06 est en train de préparer un nouveau projet, et la porte est ouverte devant chacun de ceux qui souhaitent participer à faire vivre et agrandir le groupe, quelles que soient ses capacités, son désir, son rêve. Et que celui qui hésite soit assuré d’être accueilli amicalement dans une équipe, une famille pourrait-on dire, dans laquelle chacun agit pour la langue, la culture et la convivialité. Aucun pré-requis n’est exigé, à part l’envie de partager le plaisir d’apprendre, de jouer, de transmettre, de partager aussi, dans les moments de pause, le rire, de bonnes choses à manger et à boire…
Viva !
Jean-Pierre Spies
Président de l’IEO-06