Amics occitans, la cronica Ribon-Ribanha d’ancuei, titrada « Balalin-balalan ! Balin-balant …», v’es prepauada da Joan Glaudi PUECH, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Balalin-balalan ! Balin-balant …
Lo mèstre de pòsta ne’n foguèt bravament espantat ; èra a mand de li prepausar lo chivau lo melhor qu’aviá a posita dins l’estable quand Marciau destaquèt lo rossin cort de cambas e larg au galet. Lo foncionari crosèt son regard e li agradèt mai de se crompar un chut. Maugrat lo bilhet de requisicion firmat de la man pròpria dau prefèct, l’òme veniá de causir la vielha carna, dins gaire promesa a la reforma. E en mai d’aquò li demandava se la bèstia aviá un nom. “Jòus ! … Jupitèr se volètz.” Marciau siblèt de suspresa e de contentament, s’i esperava pas, de costuma lei chivaus de pòsta an ges de nom. E qunte nom ! “ Que lo tròn de Dieu me cure s’es pas d’ironia aquò !”
Causissiá pas la velocitat ò l’elegància, li fasiá de besonh un “cadieràs ambulant” que tant lèu vist tant lèu seriá oblidat.
Un còp passat lei sota-bòscs, enregat de draiòus peiregós entre de matas d’euses pas mai autas qu’un òme sus sa montura, Marciau se benastruguèt de la soplesa de Jòus. Soplesa pacana que s’endeveniá ben ambé la còla.
Lo chivau chaurilhava. L’ombra calheta d’un fau, sei rebats movedís, verdaus e sorns, lei fasián venir invisibles a la fòga acampada en còntrabàs sus lo planet de l’anciana abadiá. D’autrei, de familhas ambé sei dròlles, èran installats un a pauc a l’escart sota lei telhs, sus una èrba encara verda en aqueu quinge d’avost. Marciau se pensèt que l’i aviá d’aiga, aquí, dessota.
Aviá pas montat per lei camins de l’adrech ; tròp de monde qu’anavan a la celebracion de Nòstra Dòna de la còla. La velha, mai aut sus l’autura, aviá bivacat a un jaç abandonat qu’èra marcat pasmens sus la carta d’estat-majorn e se posquèt faire una idèa de l’encontrada ansin porgida a la vista. Aviá puei davalat vèrs l’abadiá per la comba de Morteiron onte de faus gigants fasián coma una nau de catedrala gotica. Un chivau autre que Jòus auriá de lònga resquilhat dins la penda d’aqueu tapís de fuelhas moflas.
Aquest, tant coma son mèstre, semblava d’espinchar lo rebaladís deis òmes mai leis aurilhas tibladas vèrs l’avau mostravan qu’èran puslèu lei bruchs que l’interessavan e mai que l’escarrabilhavan ; cris, cacalàs, lo vonvonejar dei charradissas, de dròlles que se chaupinhan. Fèsta mai que celebracion religiosa. E puei un chivau qu’endilha, un autre que li respònd ; son estacats a una barra lòng d’un abeurador. Dins una esclarzida granda, un pauc en amont de l’abadiá, es tot un dètz-e-uech de carriòlas desataladas.
Balalin-balalan ! Aquelei pèiras anticas tenián encara campanas galhardas ! Jòus chaurilhèt que mai e dau morre toquèt la bòta drecha dau cavalier qu’alora sarrèt a pena lei genolhs per dire que consentiá a la fin de la pausa. Jòus s’avancèt quietament, abandonant l’ombra, aviá la delicadesa de pas se mostrar tròp despacientat.
Balalin-balalan ! E balin-balant l’anar dau cavalier e de sa montura. Comedian en mai d’aquò lo vièlh rossin ! Marciau li flatejèt lo còl : “ Lo premier rampèu, mon bèu, n’auràs un autre, una miejoreta après, e puei un autre encara, e après faràn messa. As rason, d’aise d’aise, laissa-me veire tot çò que pòdi veire !” E sus son cadieràs ambulant, balin-balant, Marciau se laissèt menar au pas de la muòla d’un papa.
Avián tornat a la catedrala de fuelhas. Ren de mai a agachar que lei brondas. Per gastar lo temps Marciau passèt a çò que li disiá, eu, l’exercici dau “centaure” ; lo cavalier aviá de faire còrs ambé la montura, de se mesclar a ela per que s’escambièsson lei sensacions, de la bèstia a l’òme, de l’òme a la bèstia, e aquò dins una lentor exasperada. Es la femna que li aviá ensenhat d’aqueu biais de faire, un bandèu sus leis uelhs. Aquesta lo levava de caçòla per çò que tocava l’equitacion. Èra eu pasmens que l’aviá arrestada, èra estat pivelat per la cavaliera ; una èrsa d’energia entre leis euses, un ulhauç sus la landa, mai son èga aviá pas l’endurança d’un cavau de gendarmariá e lo capitani de brigada que foguèt, eu, en aqueu temps, aviá d’experiénça. S’èran maridats fin finala. Ara, la femna l’esperava a Dinha dins leis apartaments dau prefèct. Aquest li aviá porgit l’ospitalitat per amistat anciana ambé son òme. Ostatge tacit benlèu ben. Lo parèu aviá espepidonat lei cartas e convengut d’un luòc. En cas. Ne’n tornava, eu.
Lo prefèct èra estat son coronèu dau temps de la campanha de Mexic. Marciau li aviá sauvat la vida, lo portava en gropa quand se roncèron mai, tèsta sota, dins una autra emboscada, son chivau faguèt d’esperèu la vòuta qu’aviá de faire per escapar a la descarga. Aviá anticipat, aquelei bèstias an mai d’aurelhas que leis òmes. Una vòuta qu’en equitacion espanhòla se ditz una “ressorsa”.
L’ancian coronèu l’aviá fach mandar e reçauput dins son burèu de la prefectura, pòrtas sarradas. Champsaur e Vaugaudemar tenián plus gaire de lobatàs e aquò dempuei que Berta fielava, sa sòlda de comandant de lobatariá, a Marciau, costava mai car a l’estat que lo servici rendut. Servici de polícia de còps, rai, e mai foguèsse de son biais a eu, lo de l’ancian capitani qu’èra estat e lo de l’ancian dragon de Napoleon lo pichòt. I aviá una bèstia dins Lura, tres cadabres, gargantas en bolhaca.
“Fai de temps, te’n sovenes m’èri apassionat per l’afaire de la bèstia de Gavaudan. Legiguèri tot çò que posquèri trobar dessús, mai t’aviáu jamai demandat çò que ne pensavas, tu …”
“Un lobatàs que li agrada mai lei pastressas que non pas les fedas aquò se sòna un òme, li respondèt Marciau, I a agut de chaples dins leis avers ?
“Non !”
Lo prefèct aviá atubat un cigare e li aviá porgit : “De Cuba, coma dau temps de nòstre paure Maximilan ! Auràs afaire amb un mòstre, sas. Es pas necite que lo monde siegon assabentats d’aquò …”
Balalin-balalan ! Lo centaure que formavan totei dos s’aplantèt quand e quand e Marciau durbiguèt leis uelhs. Auriá jurat que Jòus aviá fach parier. Lo camin de la comba desbocava darrier lo còr de la glèisa, pròche l’abeurador. Balin-balant, lo rossin s’i gandiguèt, Marciau l’estaquèt a la barra e se desborchadiguèt lèu fach. Après doas nuechs a la serena, e sensa son “negre dau Niger” que se passava de temps en quora sus lei peus blancs de la mostacha e dei tempes, èra plus l’òme que de costuma marcava tant ben. Ne’n riguèt. “Nos prendràn per quauquei barrutlaires en quista d’una favor de nòstra Bòna Dòna de la còla, è, Jòus ? ”
Joan Glaudi PUECH
Ding Dong ! Ding Dong ! Cahin-caha …
Le maître de poste en fût étonné ; il allait lui proposer le meilleur cheval qu’il avait à disposition dans l’écurie quand Marcial détacha le vieux cheval court de jambes et large au garrot. Le fonctionnaire croisa son regard et préféra se taire. Malgré le billet de réquisition signé de la main même du préfet, l’homme venait de choisir la vieille carne, dans guère de temps promise à la réforme. Il lui demanda même si la bête avait un nom. “ Jòus ! … Jupiter si vous voulez.” Martial siffla de surprise et de contentement, il ne s’y attendait pas, d’habitude les chevaux de poste n’ont pas de nom. Et quel nom ! “ Que le tonnerre de Dieu me foudroie si c’est pas d’ironie ça !”
Il ne choisissait pas la vélocité ou l’élégance, il avait besoin d’un “fauteuil ambulant” qui aussitôt vu serait aussitôt oublié.
Une fois passé les sous-bois et pris des sentiers caillouteux entre des touffes de chênes verts pas plus hautes qu’un homme sur sa monture, Martial se félicita de la souplesse de Jòus. Souplesse paysanne qui s’accordait bien avec la colline.
Le cheval dressait les oreilles. L’ombre mordorée d’un hêtre, ses reflets mouvants, verdâtres et sombres, les rendait invisibles à la foule rassemblée en contrebas sur le terre-plein de l’ancienne abbaye. D’autres, des familles avec leurs enfants, étaient installés un peu à l’écart, sous les tilleuls, sur une herbe encore verte en ce quinze du mois d’août. Martial se dit qu’il y avait de l’eau, ici, dessous.
Il n’était pas monté par les chemins de l’adret, trop de monde qui allaient à la célébration de Notre Dame de la colline. La veille, plus haut sur les hauteurs, il avait bivouaqué à une bergerie abandonnée qui était marquée pourtant sur la carte d’état-major et il put se faire une idée de l’étendue ainsi offerte à sa vue. Il était ensuite descendu vers l’abbaye par la combe de Morteiron où des hêtres gigantesques faisaient comme une nef de cathédrale gothique. Un cheval autre que Jòus aurait sans cesse glissé dans la pente de ce tapis de feuilles molles.
Celui-ci, à l’instar de son maître, semblait observer le remue-ménage des hommes mais les oreilles tendues vers l’avant montraient que c’était les bruits qui l’intéressaient, qui l’excitaient même ; cris, rires, le bourdonnement des discussions, des enfants qui se chamaillent. Fête plus que célébration religieuse. Et puis un cheval qui hennit, un autre qui lui répond ; ils sont attachés à une barre le long d’un abreuvoir. Dans une grande clairière, un peu en amont de l’abbaye, c’est tout un désordre de charrette dételées.
Ding Dong ! Ding Dong ! Ces antiques pierres avaient encore cloches vaillantes ! Jòus dressa encore plus les oreilles et du museau toucha la botte droite du cavalier qui alors serra à peine les genoux pour dire qu’il consentait à la fin de la pose. Jòus s’avança tranquillement, abandonnant l’ombre, il avait la délicatesse de ne pas se montrer trop impacient.
Ding Dong ! Ding Dong ! Et cahin-caha le rythme du cavalier et de sa monture. Comédien en plus de cela le vieux roussin ! Martial lui flatta l’encolure : “ Le premier rappel, mon beau, tu en auras un autre, une petite demi-heure après, et puis un autre encore, et après ce sera la messe. Tu as raison, doucement, doucement, laisse-moi voir tout ce que je peux voir !” Et sur son fauteuil ambulant, clopin-clopant, Martial se laissa mener au pas de la mule d’un pape.
Ils étaient revenus à la cathédrale de feuilles. Rien de plus à regarder que les frondaisons. Pour tuer le temps Martial passa à ce qu’il appelait l’exercice du “centaure” ; le cavalier devait faire corps avec sa monture, se mélanger à elle pour que puissent s’échanger les sensations, de la bête à l’homme, de l’homme à la bête, et cela dans une lenteur exaspérée. C’était sa femme qui lui avait enseigné cette façon de faire, un bandeau sur les yeux. Elle était meilleure que lui pour tout ce qui touchait l’équitation. C’est lui qui l’avait arrêtée pourtant, il avait été subjugué par la cavalière ; une vague d’énergie entre les chênes, un éclair sur la lande, mais sa jument n’avait pas l’endurance d’un cheval de gendarmerie et le capitaine de brigade qu’il avait été en ce temps-là possédait l’expérience. En fin de compte ils s’étaient mariés. Maintenant elle l’attendait à Digne dans les appartements du préfet. Celui-ci lui avait offert l’hospitalité par amitié ancienne avec son mari. Otage tacite peut-être bien. Le couple avait étudié les cartes et convenu d’un lieu. Au cas. Il en venait, lui.
Le préfet avait été son colonel du temps de la campagne du Mexique. Martial lui avait sauvé la vie et le portait en croupe quand ils se précipitèrent une fois de plus, tête baissée, dans une autre embuscade, son cheval exécuta de lui-même la volte qu’il devait faire pour esquiver la décharge. Il avait anticipé, ces bêtes ont plus d’oreille que les hommes. Une volte qu’en équitation espagnole on appelle une “ressource”.
L’ancien colonel l’avait convoqué et reçu dans son bureau de la préfecture, portes fermées. Champsaur et Valgaudemar n’avaient plus guère de loups et cela depuis que Berthe filait, sa solde de commandant de louvèterie, à Martial, coûtait plus chèr à l’état que le service rendut. Service de police parfois, bien sûr, et même si c’était à sa façon, celle de l’ancien capitaine qu’il avait été et de l’ancien dragon de Napoléon le petit. Il y avait une bête dans Lure, trois cadavres, gorges en charpie.
“Il y a longtemps, je ne sais pas si tu t’en souviens, je m’étais passionné pour l’histoire de la bête du Gévaudan. J’ai lu tout ce que je pouvais trouver dessus mais je ne t’avais jamais demandé ce que tu en pensais, toi …”
“Un loup qui préfère les bergères aux brebis ça s’appelle un homme, répondit Martial, il y a eu des carnages dans les troupeaux ?”
“Non !”
Le préfet avait allumé un cigare et le lui avait tendu : “ De Cuba, comme au temps de notre pauvre Maximilien ! Tu auras affaire à un monstre. Il n’est pas nécessaire que les gens soient au courant de ça …”
Ding Dong ! Ding Dong ! Le centaure qu’ils formaient tous deux s’arrêta brusquement et Martial ouvrit les yeux. Il aurait juré que Jòus avait fait pareil. Le chemin de la combe débouchait derrière le coeur de l’église, tout près de l’abreuvoir. Cahin-caha, le roussin s’y dirigea, Martial l’attacha à la barre et se débarbouilla vite fait. Après deux nuits à la belle étoile, et sans son “nègre du Niger” qu’il se passait de temps en temps sur les poils blancs de la moustache et des tempes, il n’était plus l’homme qui d’habitude présentait si bien. Il en rit. “ Ils nous prendront pour quelques vagabons en quête d’une faveur de notre Bonne Dame de la colline, hein, Jòus ?”