Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Guiu Rami sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Guiu Rami encuei dins l’edicion de « Nice-Matin » Grassa.
De pas mancar l’agenda en bas de pagina. Vos auguram de bònei fèstas de Calèndas.
Lo cachafuec.
Autre temps, dins lei campanhas, s’acampavan, de sera, lei familhas provençalas, lo 24 de decembre. Avans que de s’entaular, enflamavan la busca de Calèndas que si sonava « lo cachafuec ». Èra vertadierament de bòsc e representava simbolicament lei fuecs que si fasián, antant, per celebrar lo solstici d’invèrn. Si causissiá un tròç de rore ò d’oulivier. Aquesta busca èra tractada embé totplen de consideracion. Ansin, si pretendiá que, se quauqu’un, per galejar, s’assetèsse dessús, li seriá vengut un tafanari clafit de blavairòus ! En la Provença auta, lo cachafuec èra curat e remplit de lipetariás : castanhas e fruchas secas. Per lei faire tombar, picavan tres còps sus la busca avans que de l’enflamar. Si chalavan lei pichons.
L’avi e l’enfant mai joine garçavan fuec a la busca calendala : èra simbolic, l’annada vièlha s’acabava e l’annada novèla anava començar.Si destapava la familha tota. Fasián lo signe de la Crotz ; lo caganís recebiá dau grand un gòt de vin cuech. Tres còps, esposcava la busca abrandada en prononciant lei paraulas sacradas que lo grand li bofava a l’aurelha : « Alegre ! Dieu nos alegre ! Cachafuec vèn, tot vèn ben ! Dieu nos fague la gràcia de veire l’an que vèn. Se siam pas mai que siguem pas mens ! »
Puei, si partejava lo « gròs sopar ». Tres toalhas, lei mai polidas e sovent flamas nòvas curbián la taula. Sús èran alestits tretze panons parats de ramas de nèrta. Per lei tretze dessèrts, si levava la premiera toalha e si dispausavan lei calènas sus la segonda. Èra fòrça gaujosa la repaissuda : si contavan d’istòrias amusantas, si fasián de colhonadas… Après aver ben manjat, ben begut e ben ris, cadun anava a la messa de miejanuech.
Fin de faire lo bonur dei pastissiers, lo cachafuec encuei s’es tremudat en pasta, chocolat ò glacet, embé de personatges pichins au mitan d’un sapet de plastica, remembrança dau bòsc vertadier.
Guiu Rami.
La bûche de Noël.
Autrefois, dans les campagnes, le soir du 24 décembre, les familles provençales se rassemblaient. Avant de passer à table, on enflammait la bûche de Noël qu’on appelait « le cachafuec ». C’était vraiment du bois et cela représentait symboliquement les feux que l’on allumait, jadis, pour célébrer le solstice d’hiver. On choisissait un morceau de chêne ou d’olivier. Cette bûche était traitée avec beaucoup de considération. Ainsi, prétendait-on que, si quelqu’un, pour plaisanter, s’était assis dessus, il se serait retrouvé avec le derrière plein de boutons ! En Haute-Provence, la bûche était creusée et remplies de friandises : châtaignes et fruits secs. Pour les faire tomber, on frappait trois fois dessus avant de l’enflammer. Les enfants se régalaient.
L’aïeul et le plus jeune enflammaient la bûche de Noël : c’était symbolique, l’année ancienne s’achevait, la nouvelle allait commencer. Toute la famille se découvrait. On se signait ; le benjamin recevait de son grand-père un verre de vin cuit. Par trois fois, il aspergeait la bûche enflammée en prononçant les paroles sacrées que lui soufflait à l’oreille son grand-père : « Soyons joyeux ! Que Dieu nous rende joyeux ! Cachafuec vient, tout vient bien ! Dieu nous accorde la grâce de voir l’année prochaine. Si nous ne sommes pas plus nombreux que nous ne le soyons pas moins ! »
Puis, on partageait le « gros souper », le souper du réveillon. Trois nappes, les plus belles et souvent flambant neuves recouvraient la table. Treize petits pains étaient préparés dessus, ornés de branches de myrte. Pour les treize desserts, on retirait la première nappe et l’on disposait les desserts sur la seconde. Le repas était fort joyeux : on racontait des histoires amusantes, on faisait des bêtises. Après avoir bien mangé, bien bu et bien ri, chacun se rendait à la messe de minuit.
Pour faire le bonheur des pâtissiers, aujourd’hui, la bûche s’est transformée en pâte, chocolat ou glace, décorée de petits personnages au milieu d’une sapinière en plastique, souvenir du bois véritable.