En aquest 26 de decembre siam anats si passejar a la Capèla Sant Antòni partent dau Cròs d’Utèla, au Cròs d’Uels, coma si ditz d’amont en Vesubia. Una passejada dont 10 pas ti manjan lo valor en calorias d’una òstrega, 200 pas, un pichin bocon de fetge gras… Es dire s’avèm deugut caminar per eliminar tot cen aviavam manjat per Calenas…
Durada : 3 oras anar-venir
Dificultat : una puada de 45 minutas, pi encara 45 minutas sensa gaire de denivelat.
Partent de Niça, cau pilhar la nacionala n°202 de la comba de Var. Quora sortètz de Plan de Var, viratz après lo Pònt, a drecha per la valada de la Vesubia. Tres-quatre quilomètres mai luenh pilhatz a seneca la rota que se’n pua au Cròs d’Utèla. Podètz laissar la veitura au parc dau vilatge. La camin es marcat de color jaune, pi mai luenh blanc e roge.
La capèla data dau 1648. Lo jorn que li siam anats èra dubèrta. Fins en lo 1995 una messa li èra celebrada cada annada per lo canonge Francés HUS.
P.E. 1 : Es una passejada da faire puslèu de prima ò d’estiu e que si pòu continuar fins a Utèla.
P.E. 2 : Li es una bèla vista sus la valada de’n Vesubia e sus la beal dau meme nom que mena l’aiga fins en Rimier a l’usina de tractament e de purificacion de l’aiga.
