Lo CREO-Provença, que recampa toi lu IEO de la nòstra region, organiza una jornada de rescòntre dei professors de cors per adultes lo diménegue 18 de mai. Demandam ai professors e animators de lenga de notar la data e de li participar. Mandam tanben una crida ai personas que vodrion crear un cors dins lo sieu relarg de si marcar. Demandam tanben au monde qu’an de materiau pedagogic : metòdo, gramàtica, lexico, juecs de lenga, eca… d’adurre lo sieu materiau.
Dimenge 18 de mai
LE VAL (83) (5Km de Brignoles). Sala de la Confrariá
Jornada de rescòntre dei professors de cors per adultes
Per tot aquelei :
●qu’animan e/o organizan cors per adultes;
● aquelei qu’aurian dins l’idèia de ne’n faire un…
per escambiar, metre experiéncias e problèmas en comun e veire, trobar solucions o melioracions…
Pre-programa :
► 9h30 Acuelh
► 10h-12h Escambis :
● chascun se presenta ambé la configuracion de son cors (nombre, temps, çò que venon cercar lo monde, coma trabalha)…
● lei problèmas rescontrats; quinei solucions son trobadas o de trobar…
► 12h : aperitiu.
Repais : adurre la biaça.
► 14h-16h : Intervencion sus l’interès de se fixar un objèctiu d’ajónher, adonc de faire una evaluacion deis acquisicions…
Presentacion dau cadre europenc comun de referéncia CECR…
Necessitat d’una politica coerenta de l’aprendissatge de la lenga…
► 16h-16h30 : Sintèsi de la jornada.
Entressenhas e inscripcions : ieopaca@club-internet.fr / 04 42 59 43 96.