Sièis mes fa, lo 3 de febrier dau 2008, l’IEO-06 creèt un otís novèu embé « Google Maps » en partenariat embé l’IEO Nacionau.
Lo projèct èra la publicacion de la mapa de toi lu luecs dont si debanan un cors de lenga publics per adults. Començat emb’ai cors de la nòstra region Provença-Aups-Còsta d’Azur avèm cubèrt a pauc a pauc, l’ensems de l’espaci occitan, sensa denembrar Val d’Aran e li valadas d’Itàlia. Mai de 250 cors fuguèron recampats. Aquesta mapa foguèt ja visitada 10 000 còups, pròva de la sieu utilitat e de l’interés portat a la lenga. Es una mena de complement, au document papier, publicat per l’ieo-nacionau, li a gaire de temps d’aquò :
« Aprenem l’occitan ! L’occitan, je m’y mets ! ».
Per ben legir la mapa, dins lo sieu entier, basta clicar sus « Agrandir le plan ». Per aver de rensenhaments sus lo cors, clicatz sus lu ponchs blus (blaus).
Podètz n’ajudar a melhorar la mapa, s’avèm denembrat quauqua ren, ò s’avèm fach un esbalh. Per aquò faire, laissatz lo vòstre messatge en bas de pàgina.
Podètz tanben mandar lo liame a d’amics que son en cerca d’un cors de lenga.