Amics occitans, la cronica Ribon-Ribanha d’ancuei titrada « Pantais irlandés » v’es prepauada da Verònica MILARDI sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
« La garderem ribon-ribanha, nòsta rebèla lenga d’Òc ! »
Pantais irlandés
Bruscament, en una rivota dau flume Shannon, un d’aquelu mantu luècs dont lu rius s’infondon au ciel, dont v’arrapa l’estrencha d’aquesti immensitats blu-verdi, bruscament diíi, pareisson li torres medievali estremant un foisonament de passerons, un castelar e la vielha catedrala desganguilhada, environada a ofa de tombas e crotz celtiqui.
Mas dont s’atròvam, en un policier d’Agata Christie, en quauqua fadaria ò ben encara, una scena dau « Sinhór dei Anèus » ? Nani, siam au monastèri de Clonmacnoise, lo site monacau mai antic d’Irlanda e minga dubi d’Euròpa, estent que naissèt en lo 6en sècolo ! Bruscament, venèm garçats d’autra part, laissam tèrra : que seria un viatge intemporau, un rebomb de l’enfança escampada dai nòstres còrs mas torna sobrevivent en un bornigon segret dau còr e dau ment ?
Clonmacnoise 1
Aí, aquesto site, en mai d’assostar lu segrets de set sècolos e subla d’istòria medievala, en mai de rendre testimoniança dei contemporans de rei Artur e de Merlin l’encantator, dei istòrias d’amor cavaleresc mas tanben dei guèrras e batalhas sanguinoï d’un temps, aquesto site n’estirassa fatalament. Nen remanda ai nòstres sòmis e ai paurs d’enfança, nen faguent sentir mai que jamai chines, faça a la natura infinida e ai misteris de l’Istòria a l’entorn.
Clonmacnoise 2
L’Irlanda regorja d’aquelu cantons magics, l’Irlanda, tèrra soca de legendas, tèrra plagada, dai abitants arborant de tira lo sieu coratge e l’amor per la sieu pàtria. Mi calèsse vos conselhar, anatz-li. M’aquò mefi de non v’embarrar unicament dedintre li begudas de Dublin dont la cervesa raia a gorgoleta. Tanben pareissèsse necessari mesurar l’alegressa qu’esto pòble cascalhat per de sècolos curiosament saupèt conservar, encalatz-vos tanben d’escotar lo bisbís de la natura maestoa e de la respectar. Laissatz-vos esquilhar en lo passat tra lu alontanats pantais segrets de la vòstra enfança.
Clonmacnoise 3
Aí, l’Irlanda es tot aquò e mai encara. E singulierament nautres niçards e occitans en generau, provam fòrça afinitats emb’aquest pòble. Serà perqué si sentèm denembrats per una repùblica dau centralisme parisenc, coma l’Irlanda lo siguèt, mentre tant d’annadas, per la sieu perfida Albion de vesina ? Ò puslèu perqué lo sieu dialect d’origina, l’irlandés gaelic, tende a desparèisser per sempre, pròpi coma li nòstri lengas regionali ?
Posquèsson toi lu pòbles dichs “minoritaris” si tenir la man e si partir lo premier dei segrets : l’istòria legendaria de la sieu tèrra…
Rêve d’Irlande
Tout d’un coup, au détour du fleuve Shannon, un de ces innombrables endroits où les rivières se confondent avec le ciel, où l’on se sent happé par ces immensités bleues et vertes, tout d’un coup disais-je, paraissent les tours médiévales où nichent toutes sortes d’oiseaux, un château fort et la vieille cathédrale en ruine entourée de tombes et de croix celtes à profusion.
Mais où sommes-nous, dans un polar d’Agatha Christie, dans un conte de fées ou bien encore, dans une scène du « Seigneur des anneaux » ? Non, nous sommes au monastère de Clonmacnoise, le plus vieux site monastique irlandais, et sans doute européen puisqu’il a été fondé au 6è siècle ! Tout d’un coup on est projeté ailleurs, on n’est plus sur terre : est-ce un retour en arrière, est-on renvoyé dans notre enfance, celle qui a quitté notre corps mais subsiste toujours, dans un coin secret de notre cerveau et de notre cœur ?
Oui ce site, en plus d’abriter les secrets de plus de sept siècles d’histoire médiévale, en plus d’avoir connu les contemporains du roi Arthur et de Merlin l’enchanteur, les histoires d’amour chevaleresques, mais aussi les guerres et combats sanglants d’un autre âge, ce site nous parle, immanquablement. Nous renvoie à nos rêves et nos peurs enfantines, nous fait sentir plus petits que jamais, face à l’immensité de la nature, et aux mystères de l’Histoire qui nous entourent.
L’Irlande est pleine de ces coins magiques, l’Irlande, terre de légendes s’il en est, terre qui a tant souffert, mais dont les habitants n’ont cependant jamais renoncé à leur courage, et à l’amour de leur patrie. Si j’ai un conseil à vous donner : allez-y. Mais évitez de vous enfermer uniquement dans les pubs de Dublin, où la bière coule à flots. Même si cela s’avère indispensable pour vérifier que ce peuple malmené au cours des siècles a su, curieusement, conserver sa joie de vivre, sachez aussi écouter le murmure de la nature, majestueuse, et la respecter. Sachez aussi vous téléporter dans le passé, et dans les lointains rêves secrets de votre enfance.
Oui, c’est tout cela l’Irlande et bien plus encore. Et curieusement nous autres, Niçois et plus généralement Occitans, nous sentons plein d’affinités avec ce peuple. Serait-ce parce que nous nous sentons oubliés par une république parisienne centraliste, comme l’Irlande le fut, bien longtemps, par sa perfide Albion de voisine ? Ou bien parce que son dialecte d’origine, l’irlandais gaélique, a tendance à disparaître à jamais, exactement comme nos langues régionales ?
Que tous les peuples dits « minoritaires » se tiennent la main, et sachent partager le plus beau des secrets : l’histoire légendaire de leur terre…
