Amics occitans, la cronica Ribon-Ribanha d’ancuei titrada « La meleta de potina » v’es prepauada da Joan-Pèire BAQUIÉ, President de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr « La garderem ribon-ribanha, nòsta rebèla lenga d’Òc ! »
La Meleta de potina
Ancuei dimècres, en plaça Sant Ròc, èra jorn de mercat. Li siáu anat qu’avii da far en lo quartier. Ai vist un cartèu dont l’i èra escrich « potina » en francés. Mi siáu pensat au crit tradicionau dei molhers de pescadors. Un crit que gingina encara en la mieu tèsta : « A ! La bèla potina ! »
– Coma, l’i a ja de potina da vendre en genoier ? faguèri.
Mi siáu avesinat dau banc. Lo mèstre que vende, es un dau Cròs. Li demandèri de dont venia aquesta potina.
– D’Itàlia, mi respondèt, d’Itàlia. Aià la pescan esquasi tot l’an.
Cau saupre qu’au nòstre si pòu pescar la potina basta una sessantena de jorns, normalament en febrier e mars. Es un privilegi qu’an lu pescadors niçards fins a Canha de Mar e Antíbol e que remonta denant a l’annexion dau Comtat de Niça en lo 1860.
Donca mi siáu crompat doi èctos de potinas dins una barqueta per mi faire una meleta. Cau dire que siáu gromand e qu’un ècto e mieg basta per doi personas.
Se v’interessa vos pòdi donar la receta : 1,5 ècto de potina ben fresca, 4 òus dau galinier ò « bio » qu’amerita n’es vèr (1), un pauc de giverd (que si ditz finda « verdura »), òli d’òuliva esportinat, sau fina, pebre, 1 limon dei quatre sasons ò plat que li dion « mela-ròsa ».
Meleta de potina
Mefi ! La potina non si lava, perderia tot lo sabor. Basta levar li argas que porrion demorar tra lu peis.
Donca, après d’aquesta racomandacion comenci : « Metre dins lu òus batus la potina e lo giverd chaplat. Salar, pebrar coma vos sembla. Còire lo tot en una sartaia oncha d’òli, a pichin fuec. Servir en ajustant, se vos plas, lo jus de limon.»
Bòn apetit e bòn pron vos fague !
Lo 21 de genoier dau 2009
Joan-Pèire BAQUIÉ
Meleta de potina (2)
L’Omelette de poutine
Aujourd’hui mercredi, place Saint Roch, c’était jour de marché. J’y suis allé parce que j’avais à faire dans le quartier. J’ai aperçu un écriteau où était écrit « poutine » en français. J’ai repensé au cri traditionnel des épouses de pêcheurs. Un cri qui trotte encore dans ma tête : Ah ! La belle poutine ! »
– Comment, il y a déjà des « alevins de sardines » à vendre en janvier ? me suis-je dit.
Je me suis approché de l’étal. Le patron qui vend, c’est quelqu’un originaire du Cros de Cagnes. Je lui demandai d’où provenait cette poutine.
– D’Italie, me répondit-il, d’Italie. Là-bas, on la pêche presque toute l’année.
Il faut savoir que chez nous, à Nice, on peut pêcher la poutine seulement une soixantaine de jours, en février et mars. C’est un privilège que possèdent les pêcheurs niçois jusqu’à Cagnes-sur-Mer et Antibes et qui remonte avant l’annexion du Comté de Nice en 1860.
Donc, j’ai acheté deux hectogrammes de poutine dans une barquette pour faire une omelette. Il faut dire que je suis gourmand e qu’un hecto et demi, cela est suffisant pour deux personnes.
Si cela vous intéresse, je peux vous donner la recette : 1,5 hg (150 gr) de poutine bien fraîche, 4 œufs du poulailler ou « bio », ça le vaut bien n’est-ce pas, un peu de persil, de l’huile d’olive vierge, du sel fin, du poivre, un citron des quatre saisons ou bien plat appelé « mela-ròsa ».
Attention ! La poutine ne se lave pas, elle perdrait toute saveur. Il suffit d’enlever les algues qui pourraient rester au milieu des poissons.
Donc, après cette recommandation, je commence : « Mettre dans les œufs battus la poutine et le persil haché. Saler, poivrer à votre goût. Cuire le tout dans une poêle huilée, à petit feu. Servir en ajoutant, si cela vous plaît, le jus de citron. »
