Amics occitans, la cronica Ribon-Ribanha d’ancuei, titrada « Vida citadina e evolucion », v’es prepauada da Miquèu BORSOTTO. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Vida citadina e evolucion
En mens de cinquanta ans la nòstra societat a totplen evoluat. Pas simplament ai nivèus economic e tecnic. Li valors que n’endraiavan, e de còup que l’i a nen frenavan, son estadi messi sota-sobre. S’es parlat dau crèis de l’individualismo . Embé d’aspècts negatius (replec sus si-meme, mesa en avant dau solet interès personal confront a la societat, basta per ne’n citar quauqu’uns) mas finda emb’ai sieus aspècts positius ( fet en si-meme, afirmacion dei sieu ideas, emancipacion dei fremas, evolucion dei relacions).
La familha, qu’èra lo luec dei trasmissions dei valors sociali, es venguda lo luec de defensa e de proteccion confront a l’agressivitat sentida de la societat. Coma en un grand moviment de balancier cadun s’enavisa ancuei que lo replec sus si-meme, dins un cocon, es pas plus sodisfasent. Maugrat lo telefonet e la telaranha nen manca l’escambi direct emb’ai autres. Sonam aquò lo liame social, endispensable en cadun.
Rescontrar lu autres, escambiar, mentar, agir, compartir, donar lo sieu avís…, es cen que nen rende uman, en lo nòstre besonh de reconoissença. Mi pensi que siam per arribar a bot de l’individualismo forsenat e que tornam descurbir lu plasirs dau viure ensems. Siáu encara meravilhat dau centenau de participants au darnier café-filò de Còntes, mas finda d’aquelu qu’assistion a la ceremonia dei vots a Coarasa, ai activitats de la Jòia, dau Quadran solari, a l’atalier Dança ò de la chorma de discutida dau vilatge per cen que conoissi. S’agisse pas de donar la leçon ò de faire mòstra per l’exemple. S’agisse basta de marcar un moment d’evolucion de la nòstra societat. Non es ni ben ni mau. Es.
Viure solet en lo sieu canton, non es bastant. A Coarasa una dinamica es istituïda tra l’equipa municipala e la populacion, en organizant de rescòntres pedagogics e citadins, en mai dei rescòntres festius, qu’expligan la situacion, recampan lu avís, permeton lo debat en lu diferents quartiers, per exemple.
En una societat en mutacion completa una vida citadina nòva es da inventar, non es innada. S’inventa, si bastisse, si congreja en lo caminament de cadun, de lònga, en evolucion.
Michel BORSOTTO
Vie citoyenne et évolution
En moins de cinquante ans notre société a énormément évolué. Pas seulement aux niveaux économique et technique. Les valeurs qui nous guidaient, et parfois nous bridaient, ont été bousculées. On a parlé de montée de l’individualisme. Avec ses aspects négatifs (repli sur soi, mise en avant du seul intérêt personnel face à la société, pour n’en citer que quelques-uns) mais aussi ses aspects positifs (confiance en soi, affirmation de ses idées, émancipation des femmes, évolution des relations).
La famille, qui était le lieu de transmission des valeurs sociales, est devenue le lieu de défense et de protection face à l’agressivité ressentie de la société. Comme dans un grand mouvement de balancier chacun se rend compte aujourd’hui que le repli sur soi, dans son cocon, n’est plus satisfaisant. Malgré le téléphone portable et Internet il nous manque l’échange direct avec les autres. On appelle ça le lien social, indispensable à chacun.
Rencontrer les autres, échanger, réfléchir, agir, partager, donner son avis…, c’est ce qui nous rend humains, dans notre besoin de reconnaissance. Je crois que nous sommes en train d’arriver au bout de l’individualisme forcené et que nous redécouvrons les plaisirs du vivre ensemble. Je suis encore émerveillé de la centaine de participants au dernier café-philo de Contes, mais aussi de ceux qui assistaient à la cérémonie des vœux à Coaraze, aux activités de La Jòia, du Cadran solaire, à l’atelier Danse ou au groupe de discussion du village pour ce que je connais. Il ne s’agit pas de faire la leçon ou de montrer un exemple. Il s’agit de pointer un moment d’évolution de notre société. Ce n’est ni bien ni mal. C’est.
Vivre seul dans son coin, ce n’est pas suffisant. À Coaraze une dynamique est instaurée entre l’équipe municipale et la population, en organisant des rencontres pédagogiques et citoyennes, en plus des rencontres festives, qui expliquent la situation, recueillent les avis, permettent le débat dans les différents quartiers, par exemple.
Dans une société en pleine mutation une vie citoyenne nouvelle est à inventer, elle n’est pas innée. Elle s’invente, se construit, s’élabore dans le cheminement de chacun, sans cesse, en évolution.