Amics occitans, la cronica Ribon-Ribanha d’ancuei, titrada » L’as vist lo lamp? « , v’es prepauada da Marc Waltzer, segretari-ajonch de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
L’as vist lo lamp ?
Mi sembla ben que de temps en temps, la natura, ò vai-ti saupre cu, nen mandan un messatge, un pichin sinhau, per fin que non denembressiam cu siam e dont venèm.
L’estiu s’acabava. Era un d’aquestu moments benedits de nòstre país, quora lu barris encara cargats de la calor de la jornada s’adòban a receupre lo fresc de la nuech. Un d’aquestu moments quiets, quora fa tant bòn de s’assetar sota li estèlas lo gòto en man e la música ai aurelhas.
Despí doi jorns, la pluèia avia negat lu camps gerps a l’entorn de l’ostau, l’arèndola que si preparava au gran viatge virevolava sensa repaus per alestir li sieu provistas. Li nèblas anonçavan la chavana en un juec sensa fin, coma pichoi que si garolhan ‘mé lume e bosin.
De luenh en luenh èran zebradi de mile colors que lo soleu que venia de tracolar e la luna que s’enauçava rendion encà pus maestós.
Mi cresii marinier sus la grana blu, lo mieu pensier barrotlava sensa saupre dont volia anar, quora audèri una votz jovineta en darrier de ieu :
– As vist lo lamp ?
Sus lo còup mi siáu retrovat quaranta ans en arrier.
En aqueu temps mi calia anar fins a Canas per travalhar ‘mé lo mieu mestre.
Li jornadas èran ben cargadi, mas lo sera, per s’entornar, coma doi pelegrins que cercan a oblidar fatiga e crucis, aviavam costuma de faire un giro en riba de mar.
Menavi la veitura e mai d’un còup mi pilhava l’envuèia de m’entornar ben lèu au mieu, mas non, l’i calia anar.
Audi encà ancuei la votz dau mèstre, quora lo det levat vers lu marrons e l’uèlh espalancat, mi diía :
– Ve lo lamp !!!
Mas cen que volia dire ? Per non faire l’estassi, non m’encalavi lo li demandar.
Per ieu que calavi dau país aut, es estat lo gran misteri dau principi de la mieu vida de travalhor.
Passeron ensinda quauqu mes, pi, briga a briga la paròla s’es liberada e ai capit qu’èra pescaire apassionat e que non podia acabar la sieu jornada sensa anar veire, estudiar e causir lo luec ajustat per assadolar la sieu passion en fin de setmana.
Era pròpi seriós, calia ben carcular e non s’enganar, trobar la sosta ben protejada dau còup de vent. Ni lo lebech, ni lo ponent ò aqueu que venia dau levant e encara manco lo marrit mistrau que regitava lu peis ben luenh, non lo devion empedir de mandar la mosclà en boca dei peis.
Veï encà lo sieu gaug quora l’esquina d’un múgel, d’un lobàs ò d’una daurada belugava dins lu darniers rais dau soleu.
– L’as vist lo lamp ?
Ai jamai ren vist, èri solament alegre per eu qu’èra emplit de mile esperanças.
Li annadas si son escapadi ‘mé lo mieu vielh amic.
De temps en autre m’en vau en riba de mar, cerqui totjorn, mas veï jamai ren.
Es bessai per aquò que, de d’amont, mi manda, a cada borrasca un ulhauç e qu’audi la sieu gròssa votz mi dire :
– Alora, lo vees aüra lo lamp ?
Marc waltzer
L’as vist lo lamp ? « As-tu vu l’éclair ? »
Je pense que de temps en temps, la nature ou je ne sais qui, nous envoient un message, un petit signal pour que nous n’oublions pas qui nous sommes et d’où nous venons.
L’été se terminait. C’était un de ces moments bénits de notre pays, quand les murs encore chargés de la chaleur de la journée s’apprêtent à recevoir la fraicheur de la nuit. Un de ces moments tranquilles où il fait si bon s’asseoir sous les étoiles un verre à la main et la musique aux oreilles.
Depuis deux jours, la pluie avait noyé les champs autour de la maison, l’hirondelle qui se préparait au grand voyage volait sans repos pour préparer ses provisions. Les nuages annonçaient l’orage en un jeu sans fin comme des enfants qui se disputent en son et lumière.
De loin en loin ils étaient zébrés de mille couleurs que le soleil qui venait de se coucher et la lune qui apparaissait rendaient encore plus majestueuses.
J’avais l’impression d’être un marin sur la mer, mes pensées voyageaient sans savoir où elles allaient quand j’entendis une voix d’enfant derrière moi me dire:
Tu as vu l’éclair ?
A l’instant je me suis retrouvé quarante ans en arrière
En ce temps-là, j’allais travailler à Cannes avec mon patron.
Les journées étaient bien chargées, mais le soir pour le retour, comme deux pèlerins qui cherchent à oublier fatigue et soucis nous avions pris l’habitude de faire un petit tour au bord de mer.
Je conduisais la voiture et bien souvent j’avais envie de rentrer bien vite à la maison, mais non il fallait absolument y aller.
J’entends encore aujourd’hui la voix de mon patron, qui, le doigt levé vers les vagues et l’œil écarquillé me disait :
Regarde l’éclair !!!
Mais que voulait-il dire ? Pour ne pas faire l’imbécile je n’osais pas le lui demander
Pour moi qui venait de la montagne ce fut le plus grand mystère du début de ma vie de travailleur.
Quelques mois passèrent, puis, miette par miette la parole s’est libérée et je compris que c’était un pécheur passionné et qu’il ne pouvait pas terminer sa journée sans aller voir, étudier et choisir l’endroit approprié pour, en fin de semaine, assouvir sa passion.
C’était vraiment sérieux, il fallait bien calculer et ne pas se tromper, trouver l’abri bien protégé du coup de vent. Ni le vent entrant, celui du sud, le vent d’est en encore moins le terrible mistral qui repoussait au loin les poissons, ne devaient l’empêcher d’envoyer son hameçon dans la bouche des poissons.
Je vois encore son bonheur quand le dos d’un mulet, d’un loup ou d’une daurade étincelait dans les derniers rayons du soleil.
Tu l’as vu l’éclair ?
Je n’ai jamais rien vu, j’étais seulement content pour lui qui était plein d’espérances.
Les années se sont échappées avec mon vieil ami.
De temps en temps je retourne au bord de la mer, je cherche toujours mais ne vois jamais rien.
C’est peut-être pour ça, que, de là-haut il m’envoie à chaque orage un éclair et que j’entends sa grosse voix me dire :
Alors, tu le vois maintenant l’éclair ?