Amics occitans, la cronica Ribon-Ribanha d’ancuei, titrada « La tapa Menton-Niça dau « Giro de França » dau 1950. », v’es prepauada da Francis ZUNINO adaptat au mentonasc da Joan-Lois CASERIO, president de la SAHM e au niçard da Joan-Pèire BAQUIÉ president de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
La tapa Menton-Niça dau « Giro de França » dau 1950
Lo diménegue 20 de julhet dau 1950, lo ciclista belgo Storns a abandonat, e doncas son 61 corsiers pilhan la partença davant de ma meria de Menton. La tapa Menton-Niça que passa per lu còls de Castilhon e de Turini es corteta, per aquò la partença es donada basta a una ora manco un quart. Súbito en lo Còl de Castilhon, Bobet e Robic s’escapan e laissan darrier d’elu lo peloton. Tot’ai doi passan en tèsta au sobran dau Turini emb’una minuta e mieja d’avança sus de Ockers e Kubler, qu’es lo premier dau general. En la calada devèrs Luceram, aquest repilha repilha lu òmes de tèsta e ganha au sprint sus la promenada dei Inglés, e consolida la malheta jauna que la simenerà fins au parc dei Princes de París per la victòria finala.
Mas l’istòria contunha e Marcéu Barneaud escriu dins « Nice-Matin » dau 4 d’Aost que M. Goddet, Director General dau « Giro de França », a rescontrat a Menton M. Bobba, Cònsol de Sant Remo qu’èra maucontent da la supression de l’arrivada dau « Giro » a Sant Remo perqué lu comerçant avian fach provistas de merç per aquela corsa e tanben lu òstes qu’avian mancat lu fits dei cambras. Alora M. Gaddet a prepauat d’organizar a Sant Remo una bèla corsa per la fin de setembre embé toi lu corsiers francés, italians, belgos… Tot aquò per restacar lu liames d’amistat tra toi lu grans campions. D’una autra part, lu italians faràn a Milan per lo 7 de setembre una acampada ciclista de nuech sus lo velodròmo Vigorelli per ressarcir e eclipsar lo marrit renembre dei incidents d’Aspin, embé la participacion dei equipas italiani dau Giro e de Robic, Bolet e Ockers convidats per marcar la reconoissença d’una bèla sportivitat e amistat per Gino Bartali.
(traduccion JP BAQUIE)
A tapa Mentan-Niça dou « Tour de France » 1950
Ou duménigue 30 de loulh 1950, ou ciclista belgican Storms ese retornà a casa, e dounca 61 coursìe pilhan a partença davant à merìa de Mentan. A tapa Mentan-Niça que passa per e couale de Castilhan e de Turini ese courteta, per acò, a partença n’ese dounacha qu’a un’oura menou un quart. Sùbitou ent’a couala de Castilhan, Bobet e Robic se scapan e laishan darraire da elu ou groumishe. Tout’ u dou passan en testa au soubran dou Turini dam’ una menuta 30 d’avança susa Ockers e Kubler, qu’es ou primou dou generale. Ent’a caràia verse Luceram aquestou repilha u ome de testa e gagna ou sprint s’a proumenada du Englese, e se serva ou malhò jaune que se rou menerà fint’au Parc du Prènchipe à Paris per a vitòria finala.
Mà a stòria countinùa e Marcéu Barneaud scrive ent’ou « Nice-Matin » dou 4 aoust que M. Goddet, Diretoù Generale dou « Tour de France », a scountrà à Mentan M. Bobba, Mera de San Remo qu’era marcountent da supressian de r’arrivou dou « Tour » à San-Remo perqué u coumerchante avìan fach de prouviste de marcancìe per aquela coursa e tamben u aubergiste qu’avìan mancà tant’u afitou de stàncie. Aloura M. Goddet a proupousà d’ourganisà à San Remo una béla coursa per a fen setembre dame tout’u coursìe francese, talian, bèlgican… Tout acò per restacà u legame d’amistà entra tout’u granne campioù. D’un’ autra part, u talià faran à Milan per ou 7 de setembre un’ acampada ciclista de nuech s’ou velodromou Vigorelli per reparà e sfaçà a marrìa remembrança da rounsàia de r’Aspin, dam’a partechipacian de squipe taliane dou Tour e de Robic, Bobet e Ockers envità per marcà a recounoushença d’una béla spourtività e amistà per Gino Bartali.
(revirada JL Caserio)
L’étape Menton-Nice du « Tour de France » 1950
Le dimanche 30 juillet 1950, le belge Storms ayant abandonné, ils sont 61 à se présenter au contrôle de départ situé devant la mairie de Menton. L’étape Menton-Nice par les cols de Castillon et de Turini étant très courte, le signal de départ n’est donné qu’à 12h 45. Dès les premières rampes de Castillon, Bobet et Robic attaquent et faussent compagnie au peloton. Ils franchissent en tête le sommet du Turini avec 1mn 30 d’avance sur Ockers et Kubler, le leader de l’épreuve. Dans la descente vers Lucéram celui-ci reviendra sur les hommes de tête et les règlera au sprint sur la promenade des Anglais, consolidant ainsi son maillot jaune qu’il portera d’ailleurs jusqu’à la victoire finale au Parc des Princes à Paris.
L’histoire eut une suite et un article de Marcel Barneaud paru dans le « Nice Matin » du 4 août 50, nous apprend que M. Goddet, Directeur Général du Tour de France, a rencontré à Menton M. Bobba, Maire de San Remo. Après avoir entendu les récriminations justifiées de M. Bobba sur la suppression de l’étape à San Remo où depuis plus de 15 jours toutes les chambres étaient retenues et où les commerçants, avaient fait le plein de marchandises en vue de l’affluence, M. Goddet propose l’organisation à San Remo d’une grande épreuve fin septembre qui réunira l’élite des coureurs français, italiens, belges, etc… cela afin de permettre de renouer des liens étroits de camaraderie et d’amitié qui sont le propre des grands champions. D’autre part, les Italiens organiseront à Milan le 7 septembre, une réunion cycliste nocturne au vélodrome Vigorelli destinée à effacer les souvenirs des incidents d’Aspin, avec la participation des équipes italiennes du Tour et de Robic, Bobet et Ockers invités en reconnaissance de l’esprit de sportivité dont ils ont fait preuve à l’égard de Gino Bartali lors du regrettable incident.
Francis Zunino