Amics occitans, la cronica Ribon-Ribanha d’ancuei, titrada » Lo mieu Perigòrd de A a Z » v’es prepauada da Alexandra DESMOULIN, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo mieu Perigòrd de A a Z, pichina presentacion completament subjectiva
A – Aquitània. Perigòrd, qu’es ancuei lo departament de Dordonha, es dins la region Aquitània, au nord-èst d’aquesta region. En Aquitània, Perigòrd es vesin de Gironda e Òut e Garona, mas es tanben vesin de Charanta e Charanta Maritima (Peitau-Charantas), Nauta Vinhana e Corresa (Lemosin) e d’Òut (Miegjorn-Pirenèus).
B – Brageirac. Brageirac es la segonda vila de Perigòrd per lo nombre d’estatjants. Es tanben la capitala dau vin en Perigòrd. A l’entorn de Brageirac, i a de vins coma lo de Mont Basalhac, de Pech Armand ò de Mont Ravèl. Lu vins de Brageirac son descrichs en occitan sus lo site dau país de Brageirac : http://www.pays-de-bergerac.com/pages/occitan/vins-gastronomia/vins-13-apellacions.asp.
B – Bertran de Bòrn. Bertan de Bòrn (v. 1140 –v.1215) èra un trobador de Perigòrd. Aquel trobador viuguèt a l’epòca d’Alienòr d’Aquitània e de Ricard Còr de Leon. Foguèt d’alhors implicat dins li luchas dei filhs d’Alienòr d’Aquitània. D’autres trobadors foguèron dau Perigòrd : Arnaut Daniel de Rabairac, Giraut de Bornelh d’Eissiduelh ò Arnaut de Maruelh.
C – Castèu(ò Chastèu ò Castèl segon lo parlar). I a un molon de castèus en Perigòrd. De còps, parlem de mai d’un milier, mas aquò, es embé de maionassas qu’apelam tanben castèu. Pòdem citar de castèus coma Bainac ò Castèlnau, lu « enemics » (a mantuni epòcas mas pas tostemps) situats en riba de Dordonha, Bordelha (onte un audioguide en occitan existís), Mont Basalhac (onte pòdetz tastar lo vin en fin de visita), la torre de Miquèu Eiquèm de Montanha a Sent Miquèu de Montanha, eca.
D – Dordonha. Dordonha, per ieu, es sustot lo nom dau flume que traversa lo sud de Perigòrd. Es tanben lo nom dau departement creat sus lo territòri dau comtat de Perigòrd, mas aquel nom es sustot emplegat d’un biais administratiu, lo monde preferan lo nom de Perigòrd.
E – Eila. Eila es la riviera que passa a Perigüers. A sa fònt en Lemosin e troba Dordonha en Liborna en Gironda.
F – Sent Front. La catedrala de Sent Front de Perigüers es d’un estile que mescla li influéncias romaniqui e bizantini. Es una catedrala dau sègle XII renovada au sègle XIX per Paul Abadie, l’arquitècte de la basilica dau Sacré-Cœur de Montmartre. Despí 1998, la catedrala es inscricha au Patrimòni Mondial de l’Umanitat, au titre dau Pelegrinatge de Compostela.
G – Guèrra de cent ans. Dordonha (lo flume) foguèt (per moments) la frontiera entre França e Angletèrra, avans e pendant la guerra de cent ans (Perigòrd venguèt anglés après lo maridatge d’Alienòr d’Aquitània e de Enric Plantagenèst ò Enric II d’Angletèrra). Aquó pòt explicar lo nombre de castèus dins lo relarg. Pendant tota aquela perioda (despí lo maridatge d’Alienòr d’Aquitània e dusca a la fin de la guèrra), un molon de bastidas fuguèran fondadi en Perigòrd. Aqueli bastidas son de vilas nòvi embé de caracteristicas d’òrdre economic, politic e arquitectural. En Perigòrd, de bastidas fuguèron fondadi per lu reis d’Angletèrra (coma Mont Pasièr), per lu reis de Franças (coma Doma) ò per d’autres senhors (coma per Aimet fondada per lo comte de Tolosa Anfós de Peitieus).
H – Hautefort, que si ditz en occitan Autafòrt, es lo nom d’un vilatge de Perigòrd onte si tròba un castèu subrebèu d’estile classic, castèu cremat en 1958 e renovat despí. Es tanben lo vilatge dau trobabor Bertran de Bòrn e de l’escrivan Eugèni Le Roy.
I – Istòria. De testimoniatges preïstorics (coma li baumas, Las Caus es la mai conoissuda mas pas la soleta), de vestigis gallò-romans (coma li vestigis de Vesona a Perigüers), de castèus ò de carrieras medievaus, de maions privadi de la renaissença dins li vilas, de testimoniatges de mantuni epòcas de l’Istòria si pòdon descubrir en Perigòrd.
J – Jacon lo Crocant / Jacquou le Croquant. En Perigòrd, quora parlem de « croquant », lo monde pensan pas forçadament d’en primier a de pastissons. Lu crocants en Perigòrd son de monde qu’an participat a la revòlta dei crocants ai sègles XVI, XVII e XVIII (en Perigòrd, Carcin, Roergue, Lemosin). Jacon Lo Crocan es un roman d’Eugèni Le Roy publicat en 1899 e adaptat per la television en 1969 da Stellio Lorenzi. L’istòria d’aquel roman si debana entre 1815 e 1830.
L – Las Caus. Las Caus es la bauma la mai coneguda de Perigòrd, descuberta lo 12 de setembre de 1940 per quatre adolescents a la recerca dau can de l’un. Dins aquela bauma, que si pòt visitar basta la còpia (Las Caus II), i a de pinturas e gravaduras paleolitiqui. Es pas la soleta bauma en Perigòrd : i a tanben un molons de sites preïstorics e de baumas ornadi en Perigòrd (coma Vilars ò Rofinhac), e tanben de baumas embé d’estalactitas, de monolits e d’estalagmitas (coma Promeissat ò Tortoirac).
M – Merchat/Mercat. Quora dii que veni de Perigòrd, audi sovent : « Si manja ben, aila ». Meme se m’agraderia que lo monde pensan a d’autri cauas, es pas faus. Podèm anar si passejar dau costat dei mercats, coma lo de Perigüers qu’es pròpi tipic. I a un molon de productors que venon vendre la frucha e lu liumes dau moment (Perigòrd es un departament rurau) mas tanben de produchs preparats coma de fromatges, confituras, pastís, eca. Pendant l’ivern, i a tanben lu mercats de gras e lu mercats de trufa negra. Mas, ieu, preferi la prima, quora li maiossas arriban. E son des piramidas de maiossas (la produccion de la maiossa de Perigòrd es un quart de la produccion de França). Vos daissa imaginar l’odor, non lo perfum, quora arribatz au mercat au mes de mai ò de junh.
N – Nontronh. Nontronh es una vila au nord de Perigòrd que fa partit dau PNR (Parc Naturau Regionau) Perigòrd-Lemosin. Nontronh es tanben la capitala dau cotèu en Perigòrd : li cotelarias i existon despí (au mens) 1653. A Nontronh si fa tanben la fèsta dei Bufadors qu’es una mena de carnaval : http://www.soufflaculs.net/historique/15-istori
O – Occitan. En Perigòrd, doi variantas de la lenga occitana son parladi : lo lemosin au nord (Rabairac, Perigüers, Nontronh, Terrasson), lo nòrd-lengadocien au sud (Brageirac, Sarlat). Toi lu parlars occitans de Perigòrd son presentats dins lo libre « Périgord, terre occitane », editat per Novelum, la section perigòrda de l’IEO (http://occitan.blogs.sudouest.fr/tag/p%C3%A9rigord+terre+occitane ).
P – Perigüers. Perigüers es la capitala de Perigòrd, la prefectura du departament de la Dordonha e la mai granda vila dau departament embé a pauc près 30 000 estatjants. La vila es bastida en riba d’Eila, dins una bocla d’aquela ribiera, environada de set costaus.
Q – Quatre. Verd (Nontronh), blanc (Perigüers), negre (Sarlat) e purpau (Brageirac) son lu colors dei quatre Perigòrd. Se la denominacion Perigòrd negre es anciana (ven dei forèsts de garrics, sombri tota una partida de l’annada), d’autri son mai recenti coma lo Perigòrd purpau (remembra la color dei fuelhas de vinha a l’auton) qu’es puslèu toristica.
R – Rugbí. Lo rugbí es l’esport national en Perigòrd. I a un molon d’equipas coma Perigüers (en federal 1, la tresena division du rugbí), Brageirac, Sarlat (Federal 2), Trelhissac, Rabairac, Moissídan, Nontronh (Federal 3). L’equipa de Perigüers a per nom lo CAP (Club Athlétique périgourdin), e a per mascòta « lou Canou », un canard vestit de blu cèu e blanc.
S – Sarlat. Sarlat (ò puslèu Sarlat e La Canedat, lo nom vertadier de la vila despí la fusion dei doi comunas) es la terça vila dau departament mas es la vila la mai visitada e conoissuda per lu toristes.
Es conoissuda per aver la pus granda densitat de monuments istorics classats ò inscrichs dins lo monde. I pòdem veire una lanterna dei mòrts, la maion d’Esteve de La Boetiá, eca. Es una vilòta ben polida, mas embé tròup de visitaires l’estiu.
T – Torrin. Es lo nom d’una sopa. Per ieu, a l’odor e lo gost de l’enfança que ma maigrand ne’n fasia sovent. Pòdetz torvar la recèpta –en occitan- sus http://www.pays-de-bergerac.com/pages/occitan/vins-gastronomia/recettes/Torrin.asp
U – Urban ?… Calia trobar un mot que comença per un U, mas Perigòrd es vertadierament pas un departament urban, es un departament rurau embé environ 400 000 estajants. L’economia es ligada a l’agricultura, e a la transformacion de produchs agricòles. Tanben lo torisme s’es força desvolopat (22% de l’economia).
V – Vinta-quatre. Es lo numerò dau departament de la Dordohna.
W –Aí, lo sabi, lo w fa pas partit de l’alphabet Occitan, mas mi fasia mestier que vos vòli parlar aquí d’un autor britanic qu’a per nom Martin Walker. Ne’n profieti per suprimir lo X d’aquel alfabet : ai pas trobat de mòts que commençant per X e qu’an un liame embé Perigòrd. Adonc, Martin Walker es un autor britanic (que fuguèt jornalist au Guardian) qu’a una maion en Perigòrd. A publicat de romans policiers que si debanan en Perigòrd. Dins aquelu romans, Perigòrd (e sustòt lo monde d’aquelu vilatges de Perigòrd) es descrich d’un biais remirable.
Z- Zo ! Coma es la fin d’aquela cronica, podèm acabar embé aquela interjeccion que s’emplega tant en Perigòrd qu’a Niça. I a un molon de luecs qu’ai demembrats dins aquela presentacion, mas esperi vos aver donar envuèia de descubrir ò tornar descubrir Perigòrd. Coma si ditz en Perigòrd : « ‘Chabatz d’entrar. »
Alexandra DESMOULIN
Mon Périgord de A a Z, petite présentation complètement subjective.
A – Aquitaine. Le Périgord, qui correspond de nos jours au département de la Dordogne, est dans la région Aquitaine, plus précisément au nord-est de cette région. En Aquitaine, le Périgord est voisin de la Gironde et du Lot-et-Garonne ; les autres départements frontaliers du Périgord sont la Charente et la Charente Maritime (Poitou-Charente), la Haute Vienne et la Corrèze (Limousin), et le Lot (Midi-Pyrénées).
B – Bergerac. Bergerac est la deuxième ville du Périgord par le nombre d’habitants. C’est aussi la capitale du vin en Périgord. Autour de Bergerac, on trouve les vignobles de Montbazillac, Pécharmant, ou de Montravel. Une page est consacrée aux vins de Bergerac sur le site du pays de Bergerac http://www.pays-de-bergerac.com/pages/visiter/passons-a-table/vignobles/index.asp.
B – Bertran de Born. Bertan de Born (V. 1140-v. 1215) était un troubadour du Périgord. Ce troubadour a vécu à l’époque d’Aliénor d’Aquitaine et de Richard Cœur de Lion. Il fut d’ailleurs impliqué dans les luttes entre les fils d’Aliénor d’Aquitaine. D’autres troubadours étaient périgordins : Arnaut Daniel de Ribérac, Giraut de Borneil d’Excideuil ou Arnaut de Mareuil.
C – Château. Il y a un grand nombre de châteaux en Périgord. On parle de plus d’un millier, mais ce nombre comprend aussi bien les châteaux que les manoirs qui sont souvent aussi appelés châteaux. On peut citer des châteaux comme les « ennemis » Beynac et Castelnaud situés sur les rives de la Dordogne, Bourdeilles (où il y a un audioguide en occitan), Monbazillac (où la visite se termine par une dégustation d’un verre de vin), la tour de Michel de Montaigne à Saint Michel de Montaigne, etc.
D – Dordogne. La Dordogne, pour moi, c’est surtout le nom du fleuve qui traverse le sud du département. C’est également le nom du département créé sur le territoire du comté du Périgord, mais ce nom est surtout administratif, les gens continuant d’employer le nom de Périgord.
E – Isle (Eila en occitan). L’Isle est la rivière qui passe à Périgueux. Elle a sa source en Limousin et rejoint la Dordogne à Libourne en Gironde.
F – Saint-Front. La cathédrale Saint Front de Périgueux est de style roman-byzantin. C’est une cathédrale du XIIième siècle, rénovée au XIXième siècle par Paul Abadie, l’architecte du Sacré Cœur de Montmartre. Depuis 1998, la cathédrale est inscrite au patrimoine mondial de l’humanité, au titre des chemins de Compostelle.
G – Guerre de cent ans. La Dordogne (le fleuve) fut par moment la frontière entre la Franca et l’Angleterre, avant et pendant la guerre de cent ans (le Périgord est devenu anglais après le mariage d’Aliénor d’Aquitaine et de Henri Plantagenêt ou Henri II d’Angleterre). Ce qui peut d’ailleurs expliquer la quantité de châteaux présents dans ce coin.
Pendant toute cette période (depuis le mariage d’Aliénor d’Aquitaine et jusqu’à la fin de la guerre), un grand nombre de bastides furent fondées en Périgord. Ces bastides sont des villes neuves ayant des caractéristiques communes d’ordre économique, politique et architectural. En Périgord, des bastides furent fondées par les rois d’Angleterre (comme Montpazier), par les rois de France (comme Domme) ou par d’autres seigneurs (comme Eymet fondée par le comte de Toulouse Alphonse de Poitiers).
H – Hautefort. C’est le nom d’un village du Périgord où se trouve un superbe château de style classique (et ses jardins), château qui a brûlé en 1958 et a été rénové depuis. C’est également le village du troubadour Bertan de Born et de l’écrivain Eugène Le Roy.
I – Histoire (oups, I comme istòria, ça fonctionnait bien en occitan, mais plus en français…). Des témoignages préhistoriques (comme les grottes ornées, Lascaux étant la plus connue, mais pas la seule), des vestiges gallo-romains (comme ceux de Vesunna à Périgueux), des châteaux ou des ruelles de l’époque médiévale, des maisons renaissances, de témoignages des différentes époques de l’Histoire sont visibles en Périgord.
J – Jacquou le Croquant. En Périgord, quand on parle de croquants, on ne pense pas à des gâteaux. En Périgord, les croquants, ce sont les gens qui ont participé à la révolte des croquants aux siècles XVI, XVII et XVIII (en Périgord, Quercy, Rouergue, Limousin). Jacquou le Croquant est un roman d’Eugène le Roy publié en1899 et adapté à la télévision en1969 par Stellio Lorenzi. L’histoire de ce roman se passe entre 1815 et 1830.
L – Lascaux. Lascaux est la grotte ornée la plus connue du Périgord, découverte le 12 septembre par quatre adolescents à la recherche du chien de l’un d’eux. Dans cette grotte, dont on ne peut visiter que la copie (Lascaux II), il y a des peintures et gravure datant du paléolithique. Ce n’est pas la seule grotte du Périgord : il y a d’autres sites préhistoriques en Périgord (comme Villars ou Rouffignac) mais aussi des grottes à concrétions (c’est-à-dire stalactites et stalagmites) comme Proumeyssac ou Tourtoirac.
M- Marché. Quand je dis que je suis originaire du Périgord, j’entends souvent : « on y mange bien là-bas. ». Même si ça ne me dérangerait pas que les gens pensent à d’autres choses, ce n’est pas faux. Pour illustrer cela, on peut aller se promener du côté des marchés, comme par exemple celui de Périgueux. On y trouve un grand nombre de producteurs (aussi des revendeurs) qui viennent vendre les fruits et légumes de leur production (le Périgord est un département rural), mais aussi des produits préparés comme des fromages, confitures, gâteaux, etc. Pendant l’hiver, il y a aussi les marchés de gras et les marchés de truffes. Mais moi, je préfère le printemps, à l’époque des fraises : ce sont alors de pyramides de fraises sur le marché (la production de fraises en Périgord, c’est un quart de la production française). Je vous laisse imaginer l’odeur, non le parfum, quand vous arrivez au marché aux mois de mai et juin.
N – Nontron. Nontron est une petite ville au nord du Périgord qui fait partie du PNR (Parc Naturel Régional) Périgord-Limousin. Nontron est aussi la capitale du couteau en Périgord : les couteleries existent depuis (au moins) 1653. A Nontron, il y a aussi la fête des Soufflaculs, qui est une sorte de Carnaval : http://www.soufflaculs.net/historique/14-historique-fr
O-Occitan. En Périgord, deux variantes de la langue occitane sont parlées : le limousin au nord (du côté de Ribérac, Périgueux, Nontron ou Terrasson par exemple), le nord-languedocien au sud (Bergerac, Sarlat). Pour une description plus détaillée des différents parlers de l’occitan en Périgord, je vous conseille le livre « Périgord, terre occitane », édité par Novelum, la section périgordine de l’IEO (http://occitan.blogs.sudouest.fr/tag/p%C3%A9rigord+terre+occitane ).
P- Périgueux. Périgueux est la capitale du Périgord, la préfecture du département de la Dordogne, et la plus grande ville du département avec environ 30 000 habitants. La ville est bâtie sur les bords de l’Isle, dans une boucle de cette rivière, entourée de 7 coteaux.
Q- Quatre. Vert (Nontron), blanc (Périgueux), noir (Sarlat) et pourpre (Bergerac) sont les couleurs des 4 Périgord. Si la dénomination Périgord noir est ancienne (elle vient des forêts de chênes, sombres une partie de l’année), d’autres sont plus récentes comme le Périgord pourpre (rappelant la coulour des feuilles de vignes à l’automne) qui est plutôt touristique.
R- Rugby. Le rugby est un sport très présent en Périgord. Il y a beaucoup d’équipes comme celles de Périgueux (en Fédérale 1, la troisième division du rugby), Bergerac, Sarlat (Fédérale 2), Trélissac, Ribérac, Mussidan, Nontron (Fédérale 3). L’équipe de rugby de Périgueux est le CAP (Club Athlétique périgourdin), et a pour mascotte « Lou Canou », un canard vêtu de bleu ciel et blanc.
S- Sarlat. Sarlat (ou plutôt Sarlat-la-Canéda), le nom complet de la ville depuis la fusion des deux communes) est la troisième ville du département en nombre d’habitants, mais la plus visitée et connue des touristes. La ville est connue pour avoir la plus grande densité de monuments historiques classés ou inscrits au monde. On peut y voir une lanterne des morts, la maison d’Etienne de la Boëtie, etc. C’est une jolie petite ville, mais avec trop de touristes l’été.
T- Tourain. C’est le nom d’une soupe traditionnelle. Pour moi, cette soupe a l’odeur et le goût de l’enfance, car ma grand-mère en faisait souvent. Pour la recette, vous pouvez consulter : http://www.pays-de-bergerac.com/gastronomies/archives/tourain.asp
U- Urbain ?…Il fallait bien trouver un mot commençant par un U, mais le Périgordn’est pas vraiment un département urbain ; c’est au contraire un département rural avec environ 400 000 habitants. L’économie est liée à l’agriculture et à la transformation de produits agricoles. Le tourisme s’est également développé pour atteindre 22% de l’économie du département.
V- Vingt-quatre. C’est le numéro d’un département de la Dordogne.
W- Je sais, le w ne fait pas parti de l’alphabet occitan, mais je voulais vous parler d’un auteur britannique dont le nom est Martin Walker. D’ailleurs, j’en profite pour me débarrasser dans cet alphabet du x, vu que je n’ai pas trouvé de mot commençant par x ayant un rapport avec le Périgord. Martin Walker est un auteur britannique (il a également été journaliste au Guardian) qui a une maison en Périgord. Il a publié des romans policiers dont l’action se déroule en Périgord. Dans ces romans, le Périgord (et surtout les gens des villages du Périgord) y sont admirablement bien décrits.
Z- Zou ! Comme c’est la fin de cette chronique, terminons avec cette interjection qui s’emploie aussi en Périgord. Beaucoup d’endroits ont été oubliés dans cette présentation du Périgord, mais j’espère vous avoir donné envie de découvrir ou redécouvrir le Périgord. Comme on dit en Périgord : « ‘Chabatz d’entrar. » (Mot à mot « Finissez d’entrer »).