Amics occitans, la cronica Ribon-Ribanha d’ancuei, titrada » La Grata » v’es prepauada da Roger GILLI, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
LA GRATA
Mes de julhet, annadas cinquanta e subla, son totjorn li vacanças. Un ‘pres-dinnar a denedar laissa de traças, lo gavai ben salat nen demandava una bòna refrescada d’aiga doça.
Au principi dau bolivard Franc Pilate si trovava una fònt dapé de la beguda «A cò de R», mas lo mèstre dau botigon, furbo coma lo malin, nen barrava lo luquet. Calia asperar d’arribar a la fontassa sota la plaça ĺsola de Beutat per beure un còup. Mas quora aviavam quatre pitos dins li bornieras, alora èra fèsta, si faiavam petar una «Grata». Lu coes sus la banca asperavam coma passeras, au sieu torn d’èstre servits.
L’òme agantava una barra de glaça enfolopada dins una estrassa de tela de juta, pi, m’un rabòt metalic, la rasclava per nen faire de pichini bòfas que emplissia un gran gòto. Achapava la botilha de siròp (menta, granadina, orjada…) ne’n mandava una bòna gisclada e ficava dedintre aquesto mesclum, un culher.
Per nautres assetats sus lo banc, coma una filanha de cebetas, cadun lo sieu gòto en man, la magia començava. Li promieri culheradas ben sucradi d’aquest’ elixir nen mandavan en paradís . Lo semàforo si seria profondat, l’auraviam manco vist.
Mas aquesta meravilha es coma la joinessa, non dura ! Maugrat l’envuièa d’espranhar per faire durar lo plaser, a pauc a pauc sobravan que quauqui bòfas de glaça sensa gust.
Lo moment de s’en tornar èra arribat.
L’igièna ? Siam jamai estats malauts, aviavam de budèus de fèrre bessai !
Au jorn d’ancuei, la beguda es totjorn en plaça, si ditz «la grata quequa»
A encara gust de paradís la Grata ? – Sabi pas ! E … belèu que vòli pas saupre.
Roger GILLI
… fin des années cinquante.
C’est le mois de juillet, les vacances, le bonheur! Un après midi de jeux nautiques en mer laisse des traces: le gosier bien salé réclame un rinçage à l’eau douce!
Au début du boulevard Franck Pilate, à côté du kiosque «chez R» se trouvait une fontaine, mais le patron de la buvette, bien malin, en condamnait l’arrivée d’eau en fermant le robinet la plupart du temps! Nous devions donc attendre d’arriver à la grande fontaine , sous la place Île de Beauté pour nous désaltérer, non sans avoir copieusement pesté contre le bistroquet!
Mais quand nous avions quelques sous en poche, c’était la fête, pour lui et pour nous: on s’offrait alors une «gratta»
Les coudes sur le comptoir, nous attendions comme une nichée de moineaux, d’être servis chacun à notre tour. L’homme attrapait une grande barre de glace enveloppée d’une toile de jute, puis l’ayant découverte la raclait à l’aide d’un rabot métallique pour en tirer de petits copeaux dont il emplissait de grands verres. Il se saisissait alors des bouteilles de sirops: au choix menthe, grenadine, orgeat, dont il arrosait la glace pilée et plantait une cuillère dans le mélange.
Pour nous assis en rang d’oignons sur le banc de bois , la magie opérait!
Les premières cuillerées bien sucrées de cet élixir nous envoyaient au paradis! Le phare aurait été englouti par la mer, nous ne nous en serions pas aperçu!!!
Mais cette merveille était comme notre jeunesse: éphémère!
Malgré l’envie de faire durer le plaisir, bien vite il ne restait que quelques glaçons insipides au fond du verre. L’enchantement aussi avait disparu et le moment de rentrer était venu.
L’hygiène? Nous n’avons jamais été malades, mais peut être étions nous «solides»
Aujourd’hui la «beguda» n’a pas changé de place: elle s’appelle «La Gratta»
Cette gratta a-t-elle encore ce goût divin? … je ne sais pas et … peut être ne veux pas savoir…