Amics occitans, la cronica Ribon-Ribanha d’ancuei, titrada « A prepaus de conius. » v’es prepauada da Joan-Pèire BAQUIÉ, president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
A prepaus de conius.
Au nòstres avèm sempre tengut de bèstias : conius, porcons d’ĺndia, polons, gals, galinas, ànedas, merlos, colombs, perdís, peis dau Palhon e peis roges, cats de tota mena, bruscs d’abelhas, ti sabi ieu…
Da pichon èri encargat de governar lu conius. De fach, èra sobretot de lu noirrir e de netejar li sieu gàbias. Mon paigran, « parsé », eu s’entrevava de la reproduccion que demanda de ben conóisser tra autre, la genealogia (per fin de pas abastardir la raça) mas tanben lo temps dei naissenças per non s’aretrover d’estiu, temps de secaressa, embé una populacion tròup importanta da noirrir.
Per cen que tocava a la noirritura, a la bèla sason tot anava d’incant : èrba de l’òrt, fuelhas de vinha, peluenha d’ortalha, bren, pan dur… Lo dijòus, jorn que l’i èra pas escòla, anavi sus la còla faire un sac d’èrba en complement d’aquela dau jardin. Tot l’i si mesclava : èrba fera, pissanliech, trefuelh, farígola, brots de romaniu ò brancas d’arzilac emb’ai sieus ponhons.
Bessai lo sabètz pas, mas li dents dei conius creisson de lònga e cau donar en aquesti bèstias de brancas a si roiar per n’assegurar l’usura dei dents. Un còup, deuguèri meme, per manca d’experiença, usar d’estenalhas per redurre, a un coniu, la dimension dei sieu palas que s’encrosavan.
Cen que mi plasia lo mai, èra d’anar per carrobas, aquesti favas farinoï e sucradi, leconaria tant per nautres mainaus coma per lu conius. Lu conius laissavan ren en defòra dei granetas lusenti dei carrobas (1).
D’invern donavi da manjar sobretot de fen, de bren mesclat a de pan dur banhat en l’aiga e de civada qu’a la particularitat de rescaufar li bèstias.
De conius n’augueriam fins a quaranta en lo meme temps.
Un bèu jorn la mixomatòsa s’es convidada au nòstre. Toi lu conius son mòrts, fòra d’una femèla naissuda un jorn d’eclissi emb’una aurelha soleta sus la tèsta. Perqué aquest coniu demorèt en vida non lo pòdi dire. Cen que sabi es que donèt naissença a totplen de conilhons que faguèron soca au nòstre après l’epidemia.
Ancuei, de conius n’ai pas plus e lo devi dire planhi un pauc aquest temps dont governavi de bèstias.. Mi sobran basta lu peis roges dau pesquier, d’unu l’i son naissuts e ben que l’i s’atròvan.
Joan-Pèire BAQUIÉ lo 15 de novembre dau 2014
(1) Lo nom ven de l’ebrèu עץ חרוב « Kharouv » que vòu dire carrobier. Li granas de carrobas an mai ò mens lo meme pes (0,195 grama = 1 carat) e es per aquò qu’an servit a pear li pèiras precioï coma lu diamants fins en lo 1907. Aüra lo carat dich metrica per rason de simplicitat es estat arredonit a 0,200 grama.
A propos de lapins.
Chez nous, nous avons toujours eu des animaux : lapins, cochons d’Inde, poussins, coqs, poules, canards, merles, pigeons, perdrix, poissons du Paillon et poissons rouges, chats de toutes sortes, ruches d’abeilles, que sais-je encore…
Etant enfant, j’étais chargé de m’occuper des lapins. En fait, c’était surtout pour les nourrir et nettoyer leurs cages. Mon grand-père, « parsé », lui s’occupait de leur reproduction qui réclamait de bien connaître entre autre, leur généalogie (afin de ne pas les abâtardir) mais aussi l’époque des naissances pour ne pas se trouver l’été, à cause de la sécheresse, avec un surplus de population.
En ce que concerne la nourriture, à la belle saison tout allait pour le mieux : herbe du potager, feuilles de vigne, épluchures de légumes, son, pain dur… Le jeudi, journée sans école à l’époque, j’allais sur la colline emplir un sac d’herbe en complément de celle du jardin. Tout s’y mêlait : herbe sauvage, pissenlit, trèfle, thym, brins de romarin ou branches de genêt épineux.
Peut-être ne le savez-vous pas, mais les dents des lapins croissent en permanence et il faut leur donner des branches à ronger pour assurer l’usure des dents. Une fois, je dus même, par manque d’expérience, utiliser des tenailles afin de réduire la dimension de ses incisives qui se croisaient.
Ce qui me plaisait par-dessus tout, c’était d’aller chercher des caroubes, ces fèves farineuses et sucrées, friandises aussi bien pour nous enfants que pour les lapins. Les lapins ne laissaient rien sauf les petites graines luisantes des caroubes. (1)
L’hiver je leur donnais à manger surtout du foin, du son mélangé à du pain dur trempé dans l’eau et de l’avoine qui a la particularité de réchauffer les animaux.
Des lapins nous en eûmes jusqu’à quarante en même temps.
Un beau jour la myxomatose s’invita chez nous. Tous les lapins moururent à l’exception d’une femelle qui était née un jour d’éclipse avec une seule oreille sur la tête. Pourquoi ce lapin-là resta-il en vie ? Je ne sais pas dire. Ce que je sais, c’est qu’il donna naissance à beaucoup de lapereaux qui firent souche chez nous après cette épidémie.
Aujourd’hui, je n’ai plus de lapin et je dois bien le reconnaître, je regrette un peu cette époque où je m’occupais d’animaux… Il me reste seulement quelques poissons rouges dans le bassin d’arrosage, certains y sont nés et je pense qu’ils s’y trouvent bien.
(1) Le nom provient de l’hébreu עץ חרוב « Kharouv » qui signifie caroubier. Les graines de caroubes ont plus ou moins le même poids (0,195 gramme = 1 carat) et c’est pour cela qu’elles ont servi à peser les pierres précieuses comme les diamants jusqu’en 1907. Aujourd’hui le carat métrique pour des raisons de commodité est arrondi à 0,200 gramme.