Amics occitans, la cronica Ribon-Ribanha d’ancuei, titrada « LI CONDAMINAS a Niça » v’es prepauada da Carlòta RUBINI, secretairitz de l’IEO 06
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
LI CONDAMINAS a Niça
Carriera de La Condamina a Niça : au principi de la carriera Sant Jousè fins a la carriera dau Castèu n°15 en vila vielha.
Dont ven aquest nom ?
Un pauc d’istòria……
Lo nom « Condaminas » es un afaire de partiment tra senhors laïcs e eclesiastics, au principi de l’Atge Mejan.
En cada caire dau país niçard si tròva una carriera, un luec, un espaci que li dion « Condamina ».
Aqueu nom ven dau latin « con » que vau dire « avec » e « dominii » que vau dire « seigneur »…Trovam « campus domini » per « terre des seigneurs », « condominium » per « terre en co-propriété des habitants d’une ville », « condamen » per « pied des remparts », espaci protejat per de barris e bastions, « tèrras condaminas » per « terres seigneuriales d’une communauté » .
Aquesta comunautat s’entreva de faire fructificar li tèrras , e , soventi fes, a la gaudina d’una favor, per exemple de pas pagar d’impòst, de taxa.
Li condaminas èran de bòni tèrras. En Itàlia, an gardat lo mòt « condominio » per desinhar una co-proprietat tota simpla….
La particularitat d’una condamina es d’èstre un partiment feodal tra doi senhers, un laïc, l’autre , un òme de glèia : abat, preire, evesc….Doncas aquesta carriera de La Condamina en vila vielha remembra lo sovenir d’aquela co-proprietat…Cu son lu doi senhers en aquesta epòca ?
Per saupre, cau aver en ment l’An Mil…..
En aqueu temps, Niça es solament d’amont, sus la còla dau Castèu. Davau sota, en defòra dau Castèu, l’i a ren encara ! Ren ! Degun ! Basta de tèrras , sanhoï, aigaioï de fes, mas tratengudi pus tardi e quauqui maions, una glèia…la Capèla Santa Reparada qu’existe despí lo sècolo onze…..
Es aquest territòri que si compartisson, d’una part, lo Comte de Provença ( governator dei niçards) e d’autre part, lo monge de Sant Pons ( mèstre de la mai famoa e mai potenta abadia dau levant de Var)…..Una premiera ipotesa : donacions, regals, escambis tra laïcs poderós que volian sauvar la sieu ànima… l’abat de Sant Pons que tenia la maja part dei drechs….. perde lo sieu poder e vende lu sieus drechs sus li tèrras e glèias de l’actuala Vila vielha. Una segonda ipotesa : au moment de l’esprefondiment de l’Empire carolengian, de laïcs avian bessai raubat aquesti tèrras e bens religiós…..Cu saup ? Quant au Comte de Provença, despí la fin dau sècolo X, assegura l’autòritat sus Niça. Una autra dinastia es venguda : aquela de la Maion de Barcelona, mau acceptada dei estatjants provençaus. Lo senher dei Bauç e d’autres nòbles refudan la sieu legitimitat.
Pauc a pauc, de pichini repùblicas locali, comunali, naisson e lu sieus privilegis fan baissar l’autoritat dau Comte e de l’Abat. Raimond-Berenger V, es lo darnier comte de Provença sota la dinastia catalana.
A comptar dau sècolo XIII, lu niçards, a l’estrech sobre la còla dau Castèu, entamenan de s’espandir, mé lo pacti dei doi senhers, sus li puadas ponenti pi dins l’espaci que va fins a Palhon.
Ensin, l’espaci rurau, quiet si retròva vila viva ! Lu camps si cuerbon de maions, d’ostaus, de carrieras, d’edificis religiós.
Si pòu veire la Condamina auta, sus li puadas de la còla e la Ccondamina bassa, que va de la plaça Rossetti a l’actuala plaça dau Palais de Justícia (Plaça Sant Domènica/ Prat ai aucas en 1727).
L’evolucion de la societat (1140 comuna de Niça), laissa abat e comte politicament desmunits….Lo promier laissa lu sieus drechs e lo segond es consent per que la comuna devenguèsse mestrejana de l’espaci urban.
Li tèrras de la Condamina an despareissut despí uech sècolos ! Resta plus que lo nom de la carriera per imortalizar aqueu temps ancian !
Recercas e compendi de Carlòta per lo cors de Sant Ròc.
Les CONDAMINES à NICE
Rue de La Condamine à Nice : au début de la rue St.Joseph jusqu’au n°15 de la rue du Château en Vieille Ville.
D’où vient ce nom ?
Un peu d’histoire…..Le nom « Condamines » est une question de partage entre seigneurs laïques et ecclésiastiques, au début du Moyen Âge. En plusieurs endroits du pays niçois, on peut trouver une rue, un quartier, un espace, une terre, portant le nom de Condamine. Ce mot vient du latin « con » qui signifie « avec » et de « dominii » qui signifie « seigneur »….On trouve « campus domini » pour « terres des seigneurs » , « condominium » pour « terres en co-propriété des habitants d’une ville », « condamen » pour « au pied des murs », espace protégé par des murailles et des bastions (enceintes), « tèrras condaminas » pour « terres seigneuriales d’une communauté ».
Cette dernière s’occupe de faire fructifier les terres(entretenir et cultiver), et, souvent en échange d’une faveur : celle de ne pas payer d’impôt, de taxe, par exemple.
Les Condamines étaient de bonnes terres . En Italie, ils ont gardé le mot « condominio » pour désigner simplement une co-propriété….La particularité d’une condamine c’est d’être un partage entre un seigneur laïque et un homme d’église :abbé, curé, évêque….Donc, cette rue de La Condamine en vieille ville rappelle le souvenir de cette co-gérance…..A cette époque qui sont ces deux seigneurs ? Pour savoir, il faut se souvenir de l’An Mille.
A cette époque, « Nice » est seulement en haut, sur les pentes du Château. En-bas, à l’extérieur du Château il n’y a rien encore ! Rien ! Personne ! Juste une étendue de terres , humides et marécageuses parfois (qui furent entretenues plus tard) avec quelques maisons, une église…la Chapelle Sainte Réparate qui est là depuis le XI° siècle….C’est ce territoire que se partagent d’une part, le Comte de Provence( gouverneur des Niçois), et d’autre part, le moine de St. Pons (maître de la plus fameuse et plus puissante abbaye à l’est du Var)…..Une première hypothèse : donations, cadeaux, échanges entre laïques puissants voulant sauver leur âme… et les religieux de St.Pons détenant la majeure partie des biens, font que ces derniers perdent peu à peu leur pouvoir et vendent leurs droits sur les terres et églises de l’actuelle Vieille Ville. Une deuxième hypothèse : au moment de l’effondrement de l’Empire carolingien, des laïques avaient peut-être volé ces terres et biens religieux….Qui sait ? Quant au Comte de Provence, depuis la fin du X°siècle, il assure l’autorité sur Nice. Une autre dynastie est apparue : celle de la Maison de Barcelonne, mal acceptée des autochtones provençaux. Le Seigneur des Baux et d’autres nobles refusent sa légitimité.
Peu à peu de petites républiques locales , communales voient le jour et leurs privilèges diminuent l’autorité du Comte et de l’Abbé. Raymond Béranger V est le dernier Comte de Provence sous la dynastie catalane. A partir du XIII° siècle, les Niçois, à l’étroit sur les pentes du Château, commencent à occuper, avec l’accord des deux seigneurs, les pentes ouest puis la plaine qui va jusqu’au Paillon.
Ainsi, l’espace rural, tranquille, devient ville animée ! Les champs se couvrent de maisons, de bâtiments, de rues, d’édifices religieux. On peut voir la Condamine haute sur la colline et la Condamine basse qui va de la Place Rossetti à l’actuelle Place du Palais de Justice( Place St. Dominique/Pré aux oies en 1727).
L’évolution de la société( en 1140 : commune de Nice), laisse curé et comte politiquement démunis….Le premier abandonne ses droits et le deuxième accorde à la commune la maîtrise de l’espace urbain.
Les terres de la Condamine ont disparu depuis huit siècles ! Ne reste que le nom de la rue pour immortaliser cette époque ancienne !
[NB.sanhoï=couvert de plantes palustres(roseaux/massettes/typha augustifolia ou latifolia) ou plantes des marais].
Recherches et résumé de Carlòta pour le cours de St. Roch.