L’enfant silenciós
Maugrat de sa talha grana, èra un enfant freule. Parlava gaire, ò ren, aquò permetia ai autres de s’exprimir dins un bolum qu’es pas d’audir, que degun podia per de ver sentir cen que lo vesin diía. Eu diía ren, ò pauc mas degun s’enavisava dau bòn.
Per si parar, avia bastit una bòfa giganta alentorn d’eu, facha de pantais, d’istòrias lejudi dintre de libres.
Aquò, li reprochèron mantu viatges mas contunhava parier a viure en lu sieus pantais e lo sieu silenci aparent.
Li agradava a d’autres enfants de lo butassar, de lo bolegar, de lo bostigar, ‘mé de marridetat de còups que l’i a, èra propi plasent dau fach que non protestava.
De metges s’èran interessats en eu, que provavan d’acapir per la bòfa e per lo silenci, mas coma sempre mai non parlava, lu metges l’i capission un còrno.
Èra estat tengut de dessenhar cen que s’apensamentiva sus d’una fuelha, pi escriure finda cen que s’apensamentiva sus d’una fuelha autra.
Lu metges s’èran recampats, avian parangonat li doi fuelhas, avian agachat l’escritura e lo dessenh, avian estudiat la plaça precisa de l’escritura e dau dessenh sus cada fuelha e avian concebut una explicacion que degun, fòra d’elu, lo s’èra pensat.
Alora l’enfant tornèt dins la sieu bòfa e lo sieu silenci. Lu metges se’n tornèron ocupar d’un autre enfant.
Un jorn, l’enfant despareissèt. En aqueu moment basta, s’audèt lo silenci que faia. Mas èra tardi de tròup, èra partit.
Revirat en niçard da Joan-Pèire Spies
L’enfant silencieux
Malgré sa grande taille il était un enfant fragile. Il parlait peu, ou pas, cela permettait aux autres de s’exprimer dans un vacarme assourdissant où personne n’entendait vraiment ce que le voisin disait. Lui ne disait rien, ou pas grand chose mais nul ne s’en rendait réellement compte.
Pour se protéger, il s’était constitué une immense bulle autour de lui, faite de rêves, d’histoires lues dans des livres.
Cela lui fut reproché maintes fois mais il continuait tout de même à vivre dans ses rêves et dans son silence apparent.
D’autres enfants aimaient bien le bousculer, le chahuter, le taquiner parfois avec méchanceté, cela était très plaisant puisqu’il ne protestait pas.
Des médecins s’étaient intéressés à lui, en tentant de comprendre pour la bulle et pour le silence mais, comme il ne parlait toujours pas, les medecins ne comprenaient pas.
Il avait dû dessiner ce qui lui passait par la tête sur une feuille, puis écrire également ce qui lui pasait par la tête sur une autre feuille
Les médecins s’étaient réunis, avaient comparé les deux feuilles, observé l’écriture et le dessin, étudié l’emplacement précis de l’écriture et du dessin sur chaque feuille et avaient imaginé une explication à laquelle personne hormis eux n’avait pensé.
Alors l’enfant retourna dans sa bulle et dans son silence. Les médecins repartirent s’occuper d’un autre enfant.
Un jour l’enfant disparut. À ce moment seulement, on entendit le silence qu’il faisait. Mais c’était déjà trop tard, il était parti.
Antoine Vissuzaine,
extrait du livre de nouvelles Les Silences assourdissants
ÉDITIONS VALROSE
