Amics occitans, la cronica Ribon-Ribanha d’ancuei, titrada » Lo Capitòli. » v’es prepauada da Rogier GILLI, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo Capitòli
Lo 24 de junh, plaça Sant Francés, embé una bèla chorma d’amics de l’IEO 06 visiteriam lo palais comunau, l’òste de l’aigla d’aur, la glèia e lo monasteri dei franciscans.
Davant l’ancian Palais Comunau
Menats dai Sénhers JL Gag e H Barelli, que fan autoritat dai sieu conoissenças istoriqui de la vila nòstra, nen faguèron passar de la remisa dau pichin tren dei rementas de Vila Vielha au palais comunau e per un juec de « monta-cala » dins lo covent dei franciscans en passant per la glèia dau sècolo XIII.
La glèia dau sècolo XIII
Maugrat lo calor que ne’n faguèt sudar mai que d’un, la visita foguèt mai qu’agradiua e fòrça istructiua.
Mas coma aurii poscut pensar, en lo sègle passat fins dei annadas cinquanta, quora trevavi lo dijòus de près-dinnar lo Capitòli carriera de la Torre, qu’aquesto cinemà èra una « boita » sospenduda dins una glèia de l’atge-mejan e qu’en plaça dei cants liturgicos dei monges e dei preguieras si debanavan d’espectacles que la morala crestiana reprova !
La « boita » sospenduda
Pensatz un pauc : Attila lo flagèl de Dieu, Tòni lo Quint, sagatava lu crestians e violava li sieu fremas, Joan Vaine si barcelava un indian plumejat, Martina Caròl si manjava Gé Felip coma un porpre si fa petar un charlatan e Gina Lòllo si passejava li possas generoï en avant a faire damnar un Sant…E ben d’autres que seria un blastema de ne’n parlar aquí.
La caissa dau cinemà
Pi, lo cinemà despareissèt laissant plaça a un » Dancing » mé la bòcha ai facetas que virava au plafond coma dins la cançon de Regina. Nautres lu joves d’en aqueu temps li diiavam « lo balèti dei fossiles ». Luec de rescòntres per aquelu, mai ancians, que la si volian encara faire bòna ò solament balar per lo plasir.
Pintura en lo « dancing »
E tot aquò dins un luec Sant ! Lu monges si devian picar lo suc au cubercèu de l’ataüt.
Mas lo Diau, escaçat, coma lo tren dei aulescs e lu garris de la clastra gras coma de conius, benlèu, van laissar plaça a quauqua ren de mai dins la nòrma : un musèu, un luec de curtura.
Seràn apaisats lu capochins !
Granmarci ai Sénhers Gag e Barelli, lu nòstres « Cicerònes », que m’an fach descurbir un tròç de l’istòria nòstra, una part dau patrimòni niçard e en mai d’aquò faire un viatge dins lo passat en la mieu joinessa.
Rogier GILLI
Le Capitole
Le 24 juin, place Saint François, avec un groupe de collègues de l’IEO 06, nous avons visité le palais Communal, l’hôtel de l’aigle d’or, l’église et le monastère des franciscains.
Sous la houlette de Messieurs JL Gag et H Barelli, qui font autorité en matière d’histoire locale, nous sommes passés du hangar abritant le petit train collectant les ordures ménagères du Vieux Nice au palais Communal, puis par un jeu de « monta-cala », du couvent à l’église du treizième siècle.
Malgré la chaleur accablante, qui en fit suer plus d’un, la visite fut très agréable et surtout très instructive.
Comment aurais-je pu imaginer, au siècle passé fin des années cinquante, quand je fréquentais assidument le Capitole les jeudis après-midi, que ce cinéma de quartier rue de la Tour, était en fait une boite suspendue dans une église du moyen-âge. Et qu’à la place des chants liturgiques et des prières des moines il s’y déroulaient des spectacles que la morale chrétienne réprouve.
Pensez donc : Attila le fléau de Dieu, Anthony Quinn, embrochant des chrétiens et violant leur femmes, John Wayne « tabassant » un indien emplumé, Martine Carol dévorant Gérard Philippe comme un poulpe se délecte d’un crabe ou Gina Lollobrigida se pavanant , la poitrine généreuse en avant, de quoi faire damner un Saint…Et j’en passe.
Puis le ciné disparut, remplacé par un » dancing » avec sa boule à facettes au plafond, comme dans la chanson de Régine, lieu de rencontres pour les plus anciens qui cherchaient « fortune » ou seulement les amateurs de danse. Nous, les jeunes, l’avions surnommé : le bal des fossiles !
Et tout cela dans un lieu Saint, les moines devaient se cogner la tête au couvercle de leur cercueil.
Mais le Diable bientôt chassé, comme le petit train des poubelles et les gros rats bien gras du cloitre, ce lieu deviendra un musée et un espace culturel bien plus dans la norme.
Les Capucins pourront à nouveau reposer en paix.
Merci Messieurs Gag et Barelli de m’avoir fait découvrir un morceau de notre histoire et du patrimoine niçois et, de plus, fait faire un voyage dans le passé, dans ma jeunesse.