Amics occitans, la cronica Ribon-Ribanha d’ancuei, titrada » La nuech dei viroletas. », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça :ribonribanha@yahoo.fr
« La garderem ribon-ribanha, nòsta rebèla lenga d’Òc !
Corteta de Malanca
La nuech dei viroletas.
S’èra encara desdich Marc. Un cὸp de mai. Coma sovent. Emai s’avisèsse de jamai respὸndre trὸp lèu. Flaquesa de la vigilància, inchalhènça d’un moment, e lei mots rars, rebats de sa volontat de viure, maugrat tot, au mitan deis autres, derrabats per un tendre riset, promessa, aquest, d’una doça e assolarèla serada d’estiu sus la placeta dau vilatge. Òc, anariá a l’alhὸli dau comitat dei fèstas.
“ Brave! li tornèt lo riset, as ben rason! Laissa un pauc ta frema malautejar soleta a l’ostau. Te gasta la vida aquesta ambé son baujum!”
Maria, la molher, èra fὸla, verai, mai solament per crisis, asclada segurament, d’un biais cronic coma se ditz, dempuei trente ans. Remembres mau-segurs fins qu’a se faire faus, de lὸnga farlatats per d’allucinacions qu’abolissián en ela lei raras dau temps e de l’espaci coma per donar mai de consisténcia a son deliri. Mai de sens benlèu. Aviá pus ges de temps, èra tot au cὸp la drollèta qu’èra estada e la frema qu’auriá degut èsser. Un autre monde, un monde de badas, vuege, “per ela pasmens, realitat absoluda”, qu’aviá dich, un jorn, un psiquiatre. Lei neurὸleptics èran aquí que per l’engardar de la foliá fonsa e de l’embarrament. Aviá de lei prene, mai estent que se pensava d’aguer rason, en qué aurián servit? Esquisofrenia paranoïda.
Leis “invisibles”(es ansin que disiá Marc) la secutavan tot lo sant clam dan jorn e tenián totei les mejans; contrarὸtlavan lei satellits de comunicacion, leis ordinators, lei telefonets, lo sieu subretot. Sièis mes fai, siguèt ospitalisada en urgència, e ela, ara, se soveniá pus de ren. N’aviá tirat la conclusion que li avián fach una operacion clandestina; un trauquet qu’anava dau nas fins ai cervèlas, per li faire passar un poison que dempuei la rosegava dau dedins, pauc a cha pauc, sota l’ὸsse dau crani. N’aviá dei migranas. Ges de rasons rasonablas aquí que la podián rassegurar, aviá la tèsta que bolhiá, ὸ que cracinava, e mai que petejava de cὸps.
Esto sera d’aquí, Marc èra per montar a la placeta quand Maria li demandèt de la menar subran a son ostau dei Cevenas, escondut ailamondaut au fins fons d’una vau escura onte degun la podriá destoscar. Petèt un ceucle, eu, se desbondèt dins d’escὸrnas nerviosas que pasmens disián la veritat. Caluga qu’èra! Completament barrada! Dempuei quant de temps li gastava la vida ambé sei conariás?
Imbrandabla, Maria alestissiá sa saca. Vouguèsse restar aquí, eu, qu’ela fariá d’estὸp.
Arribèron passat miejanuech. Au fons de sa combèla, l’ostau senhorejava un raiolet dei ribas doças que Marc aviá laissadas s’aboscassir. S’entestardissiá a vouguer gardar lo ben de sei gents e mai aguèsse pas lei mejans per aquὸ. I aviá ges d’electricitat, urosament de la luna qu’anuech èra dins son plen. Dins la clartat lachosa, leis aubres tornats fèrs semblavan de se devorar l’un l’autre, mesclant sei varietats, fasent s’enflorir dins un rebat d’argent vièlh un ramèu de passa-rὸsa entre la rama d’una figuiera solitària qu’un jorn aviá creissut au pè de la muralha. Lei brancas lei mai nautas pujavan fins au “plancador”, un bescaume a la sosta dau fustatge onte, avans, dins dei banastas de ruscas de castanhier, lo monde d’aicí laissavan se dessecavar lei bolets copats en lescas primas.
Lo passejaire improbable, d’azard esmarrat dins aqueu rὸdol, se seriá pensat premier a una cabana bastida dins lei brondas, e lei mai sensibles a un radèu destemporat, encalat sus lei sobras d’una seuva originala encara desconeguda deis ὸmes. “Benlèu qu’as rason, faguèt Marc, teis “invisibles” te seguiràn pas aquí qu’an pas sa plaça.”
A mens que l’endrech siguèsse pas que lo recapte d’un encantaire, bὸrd que çὸ que pivelava lo mai après la descuberta de l’ostau, èra tota aquela mata de viroletas d’ornava la cima de la teulissa. Es lo paire de Marc que leis aviá fargadas. Èra estat son passatemps d’anacorèta quand aviá decidit de se retirar dau monde per assajar de viure (gausir que disiá eu) solament de çὸ que sa tèrra li voliá ben donar. Forra-borra, èra tot un pichὸt pὸple dei bὸscs e dei bastidas que se costejava; la colomba ambé son brot d’olivier dins lo bèc, lo rainard de la coa ben druda per ben prene lo vent, lo caçaire qu’engautava son fusiu, la mainatgiera que trigossava sa selha de lach, lo carbonier e sa carboniera … Siloetas d’un teatre d’ombras, entre elei indiferentas, caduna guinhant a sa sageta un nὸrd desparier.
E sota aqueu cubert dei teules gris, dins aquela tuna sonὸra, s’ausissiá de cὸps lei cranilhaments alternats de tot aqueu pichὸt pὸple de fèrre e de zinc que degun onchava pus dempuei la despartida dau paire. Mai aquesta nuech d’aquí siguèron dei figas d’una autra banasta que lei vents avián decidit de s’emponhar, se ronçant dei quatre cantons per se liurar batalha, butant de l’ubac per tornar lo temps clar e sorgissent dau miegjorn dins un bolh de nivas que menava la plueia. Lei luὸcs solitaris an coma lei rὸsas dei vents que semblan de portar tot lo pes dei tempèstas dau cèu, emborigόls misteriόs onte se van afrontar lei titans oblidats. Infèrn per leis ὸmes, vida de Gaià.
Marc pleguèt lei parpèlas un pauc avant l’auba quand tot aqueu chafaret se vouguèt ben amaissat. Maria alenava quietament a son costat. Dormiá d’un sὸm prefond. Es ela qu’a miegjorn lo revelhèt.
“As entendut aquesta nuech? La colomba volava au nὸrd e la tartarassa au ponent! Lei vents èran venguts fὸls! Lo caçaire amirava au levant! La mainatgiera a escampat son lach, e lo rainard, pas tant nèci, coma cadun saup, n’a tirat profiech! E tanben a empassat totei mei cervèlas que lei invisibles m’avián fachas venir coma d’alhὸli! Verai qué!”
Au vilatge, tèsta sota, Marc diguèt simplament qu’aviá agut una empacha. Imprevista. Apondèt ren de mai que degun l’auriá poscut comprene.
Joan Claudi Puech
La nuit des girouettes.
Marc s’était encore dédit. Une fois de plus. Comme souvent. Et même fît il toujours attention de ne jamais répondre trop vite. Faiblesse de la vigilance, indolence d’un moment, et les mots rares, reflets de sa volonté de vivre, malgré tout, au milieu des autres, arrachés par un tendre sourire, promesse d’une douce et reposante soirée d’été sur la placette du village. Oui, il irait à l’aïoli du comité des fêtes.
“ Bravo ! Lui répondit le sourire, tu as bien raison ! Laisse-la un peu traîner toute seule à la maison ta femme. Elle te gâche la vie, celle-là, avec sa folie !”
Maria était folle, c’est vrai, mais seulement par crises, “fêlée” assurément, de façon chronique comme on dit, depuis trente ans. Souvenirs incertains jusqu’à se faire faux, continuellement frelatés par des hallucinations qui abolissaient en elle les frontières du temps et de l’espace comme pour donner plus de consistance à son délire. Plus de sens peut-être. Elle n’avait plus d’âge, elle était tout à la fois la fillette qu’elle avait été et la femme qu’elle aurait pu être. Un autre monde, un monde en vain, vide, “pour elle pourtant, réalité absolue”, avait dit, un jour, un psychiatre. Les neuroleptiques n’étaient là que pour la garder de la folie absolue et lui éviter l’enfermement. Elle devait prendre ces médicaments, mais comme elle était sûre d’avoir raison, à quoi auraient-ils servi ? Schizophrénie paranoïde.
Les “invisibles” (c’est ainsi que les appelait Marc) la persécutaient toute la journée et avaient tous les moyens ; ils contrôlaient les satellites de communication, les ordinateurs, les téléphones portables, le sien surtout. Six mois avant, elle avait été hospitalisée en urgence, et elle, maintenant, ne s’en souvenait pas. Elle en tirait la conclusion qu’ils lui avaient fait une opération clandestine ; un petit trou qui va du nez jusqu’au cerveau, pour lui faire passer un poison qui depuis la rongeait de l’intérieur, peu à peu, juste sous l’os du crâne. Elle en avait des migraines. Aucun argument raisonnable ne pouvait la rassurer, elle avait la tête qui bouillait, ou qui grinçait, et qui pétillait même parfois.
Ce soir-là, Marc s’apprêtait à aller au repas du comité des fêtes lorsque Maria lui demanda de la conduire sur le champ à leur maison des Cévennes, cachée tout là-haut au fin fond d’une vallée sombre où personne ne pourrait la retrouver. Lui, il péta un câble, se débonda en injures nerveuses qui néanmoins disaient la vérité. Tarée qu’elle était ! Complètement barrée ! Depuis combien de temps elle lui gâchait la vie avec ses conneries ?
Imperturbable, Maria préparait son sac. Il pouvait rester ici s’il voulait, elle, elle ferait de l’auto-stop.
Ils arrivèrent après minuit, la maison dominait un petit ruisseau aux pentes douces que Marc avait laissées se couvrir d’une végétation anarchique. Il s’entêtait à vouloir garder le bien de ses parents malgré qu’il n’en eût pas les moyens. Il n’y avait pas l’électricité mais la lune était dans son plein et dans la clarté laiteuse de la nuit, les arbres redevenus sauvages paraissaient se dévorer les uns les autres, mélangeant leurs essences, faisant fleurir dans un reflet argenté un rameau de rose trémière entre les feuilles d’un figuier solitaire qui un jour avait poussé au pied de la muraille. Les branches les plus hautes grimpaient jusqu’au “plancadou”, un balcon bien abrité par une avancée du toit où, avant, dans des paniers en écorce de châtaigner, les gens d’ici laissaient se dessécher les cèpes coupés en tranches fines.
Le promeneur improbable qui par hasard se serait égaré en ce lieu, aurait tout d’abord pensé à une cabane bâtie dans les branches, et les plus sensibles à un radeau sans âge, échoué sur ce qui restait d’une forêt originelle encore inconnue des hommes. “Peut-être que tu as raison, fit Marc, tes “invisibles” ne te suivront pas jusqu’ici, ils n’y ont pas leur place.”
A moins que l’endroit ne fût le refuge d’un enchanteur, car ce qui fascinait le plus après la découverte visuelle de l’habitation, était toute cette touffe de petites girouettes qui ornaient le faîtage. C’est le père de Marc qui les avaient fabriquées et installées. Cela avait été son passe-temps d’anachorète quand il avait décidé de se retirer du monde pour essayer de vivre (de jouir disait-il) seulement de ce que sa terre aurait bien voulu lui offrir. Pêle-mêle, c’était tout un petit peuple des bois et des fermes qui se côtoyait ; la colombe avec son brin d’olivier dans le bec, le renard à la queue bien touffue pour bien prendre le vent, le chasseur qui mettait en joue, la fermière qui traînait péniblement son seau de lait, le charbonnier et sa charbonnière … Silhouettes d’un théâtre d’ombres, entre elles indifférentes, chacune désignant de sa flèche un nord dissemblable.
Et sous ce toit aux tuiles grises, dans cette grotte sonore, on entendait parfois les grincements alternés de tout ce petit peuple de fer et de zinc que plus personne ne graissait depuis la mort du père. Mais cette nuit- là, ce furent des figues d’un autre panier car les vents avaient décidé d’en venir aux mains, se ruant des quatre coins pour se livrer bataille, poussant du nord pour faire revenir le temps clair et surgissant du sud dans un bouillon de nuages qui amenait la pluie. Les lieux solitaires sont comme les roses des vents qui semblent porter tout le poids des tempêtes du ciel, nombrils mystérieux où vont s’affronter les titans oubliés. Enfer pour les hommes, vie de Gaia.
Marc ferma les yeux un peu avant l’aube quand tout ce vacarme voulût bien s’apaiser. Maria respirait calmement à son côté. Elle dormait du sommeil des justes. C’est elle qui à midi le réveilla.
“ Tu as entendu cette nuit ? La colombe volait au nord et la buse au couchant ! Les vents étaient devenus fous ! Le chasseur visait à l’est ! La fermière a renversé son lait, et le renard, pas si bête, comme chacun sait, en a tiré profit ! Et il a aussi avalé tout mon cerveau que les invisibles avait fait devenir comme de l’aïoli ! Si, c’est vrai quoi !”
Au village, tête basse, Marc dit simplement qu’il avait eu un empêchement. Un imprévu. Il n’ajouta rien car personne n’aurait pu comprendre.