Amics occitans, la cronica Ribon-Ribanha d’ancuei, titrada » Lo veu d’ignorència. », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Corteta de Malanca
Lo veu d’ignorència
Ela, Arutam, de costuma tant doça e tant aimabla, escarrabilhada coma una mostèla dei bὸscs, e en mai d’aquὸ talament barjacarèla que lo monde a son entorn finissián totjorn que cridavan seba. Ambé un sorrire. Ambé un poton. Mai cu podiá saupre çὸ que s’amagava darrier aqueu frὸnt brun e aquela agachada, auturosa de cὸps, de princessa mora? Marc sospichava aquí un tomple de pensadas escuras, descorduradas, un bolh qu’un jorn ὸ l’autre …
A miegjorn, au dinnar, s’èra fach tractar de “paure con” e de “petόs qu’ausava pas viure segon seis idèas”, quand aviá insistit, eu, per que tastèsse un pauc de son anhèu en adὸba. Li èra vengut un choquet a la drὸlla e d’encar un pauc auriá racat dins la sieta. S’anèt embarrar, en quichant lo cadèu blanc cὸntra son pitre, dins la cambra d’amics qu’ambé lo temps e leis abituds aviá facha sieuna. Ne’n sortiguèt solament per cridar: “ Per lei bèstias es Treblinka totei lei jorns!” Diguèt puei pus ren de tota la jornada.
S’èra cargada la colèra subran, mai perqué? E d’aquela paraula, d’onte la teniá la filha? Maria mandèt un regard reprovaire a Marc; aviá pas que de la laissar furnar dins sa bibliotèca sensa s’apensamentir de çὸ que l’i podiá trobar dedins (rescontrar que disiá eu).
L’endeman, siguèt parier. Lenga muda. Per Marc solament, que la drὸlla aviá fach dire a Maria que se voliá anar passejar amb eu per la montanha. “Benlèu qu’a en tèsta de te plombar ton escorreguda dominicala!” li venguèt aquesta, mieg-sorrire.
Ramblèt la veitura a la sortida dei gὸrgas d’Aiguebrun e decidiguèt de laissar lo riu per explorar una draiὸla que pujava fins au crestenc. Aviá agut la sentida qu’aquest jorn d’aquí la suavitat dei ribas non se podriá endevenir ambé lo silenci reguèrgue d’Arutam. Siguèt urόs de sa causida; la montada escalabrosa l’amaissava e dins lo meme temps vesiá que la drὸlla se destiblava a flor e mesura que l’esfὸrç impausava sa lèi. Tanben aviá compres, ela, qu’èran en “terra incognita”.
Ajonhèron lo daut d’una rancareda onte se pausèron un momenton au mitan dei calhaus e de la bauca rossèla. Arutam sorriguèt quand Marc li porgiguèt la cogorda. Davalèron puei de l’autre costat per un corredor estrech. Dos cὸps Marc la deguèt prene a la braceta per l’ajudar. E après un cengle, just avans d’arribar au pè dau rocàs, s’aplantèron estabosits. Una banhadoira èra aquí pausada, cotada entre dos euses. Es pas qu’un cὸp l’estonament passat que s’avisèron de la baumeta dins lo bauç. Una vὸuta mai exactament, amb un postam instalat a quauquei mètres dau sὸu e subremontat d’una mena de terrissa facha de brondilhas, d’èrbas secas e d’argiela. Una cὸrda nosada permetiá d’i accedir.
Tot d’una Marc sachèt onte èran. Avián retrobat la sosta de l’ermitan, aqueu que cada dimenge, sus lo mercat d’Ate, jogava au “sâdhu”. Personatge estranh que donava d’èr a un faquir deis Índias mai que pasmens se passejava au mitan de la fola dei toristas ambé un trident ( de carton) digne de Poseïdon.
Anava sempre pès-descauç, que que siegue la sason, e d’estiu cargava pas qu’un panhe per vèstit. Èra tras que bèu, d’escondons lei fremas lo badavan. Leis ὸmes tanben, que se podiá comptar cada muscles e cada nèrvis dau cὸrs. Mèstre de iogà, segur que deviá l’èstre, basta de remirar l’espectacle qu’ofrissiá en totei per quauquei pèças gitadas dins una estraça au canton de la Grand-carriera.
Restava pus aicí, s’èra agut dich qu’aviá fugit Leberon per un endrech encara mai perdut d’Ardecha. Una autra baumeta onte dei cassaires aurián retrobat son cadabre. Intrigat, Marc tirèt bruscament sus la cὸrda. Li semblèt solidament ancorada. S’issèt, aviá pas perdut son biais d’esportiu e n’èra fièr. I aviá pus ren dins çὸ qu’auriá poscut èsser una mena de cambron, rocassier dins son fons, vuege de tota preséncia umana.
Dabàs, Arutam aviá tirat lo rechauchon de la biaça. Cantorlejava. Eu, s’alonguèt sus lei pὸsts e dins un estirament lent e progressiu comencèt de se levar una tension d’esquina. Sospirèt. Se faguèt solament atentiu au brusiment dau vent dins lei brondas e au bresilhadís de l’aucelilha. Un piutadís, mai menut encara, a pron pena audible, benlèu un aucelonet crentόs au fons de l’espaci, s’esquilhava darrier sei parpèlas plegadas. Marc se laissèt anar a son doç encant.
L’ὸme se teniá d’assetat davant eu, lei cambas plegadas sota leis ancas, coma se dèu per un “shâdu”.
“La reïncarnacion, la metempsicὸsi mai exactament per ieu, i creses pas? Que m’enchau! Es pas necite per çὸ qu’anam faire. Te fau simplament faire un esforcet d’imaginacion. Imagina que siás una arma nὸva. Una arma vueja de tota coneissença, just avans que s’incarnèsse. Aquí l’esforç d’imaginacion, te fau cargar un veu d’ignoréncia per capitar; l’arma nὸva a tot oblidat de sei vidas passadas, pὸu pus ren saupre de la societat deis ὸmes, dei bèstias nimai. Pὸs pas saupre dins qunta gàbia de carn te vas retrobar. Pièger qu’a la rodeta, qu’as pas manco l’espèr de quauquei probablitats enganarèlas.
Que vodriás, tu, per l’èsser novèu que seriás, lèst a espelir au Monde?…
Vὸs qu’aquest, coma totei leis autrei, e segon lo biais de son espècia e segon tota mesura (que seriá injust que lei generacions avenidoiras aguèsson una vida demesida en causa dau present), posquèsse gausir dei beutats dau Monde. Aquel anhèu, lo de l’adὸba, segur que se seriá ameritat de cambadejar un pauc mai de temps, non?”
Arutam se radassava dins la banhadoira en fasent pendolar braç e cambas de cada costat. Auriatz dich una mariὸta desmalugada abandonada aquí.
“-Te fau excusa, ma nina!
-Vai ben, per aquest cὸp te la passi. Es adaut lo tipe?
-Bè, non! Perqué?
-T’ai ausit parlar ambé quauqu’un.”
Joan Claudi Puech
Le voile d’ignorance
Elle, Arutam, d’habitude si douce et si aimable, enjouée comme une belette des bois, et tellement volubile que les gens finissaient toujours par lui demander grâce. Avec un sourire. Avec un baiser. Mais qui aurait pu savoir ce qui se cachait derrière ce front brun et ce regard, hautain parfois, de princesse maure ? Marc suspectait ici un gouffre de pensées obscures, décousues, un bouillon qui un jour ou l’autre …
A midi, pendant le déjeuner, alors qu’il insistait pour qu’elle veuille bien goûter la daube d’agneau qu’il avait préparé, il s’était fait traiter de “pauvre con” et de “péteux” qui n’osait pas vivre selon ses idées. Elle avait eu un hoquet et il s’en fallut de peu qu’elle ne vomisse dans l’assiette. Elle alla s’enfermer, en serrant le petit chien blanc contre sa poitrine, dans la chambre d’amis qu’avec le temps et les habitudes elle avait fait sienne. Elle en ressortit seulement pour crier : ” Pour les animaux c’est Treblinka tous les jours !”. On ne l’entendit plus ensuite de toute la journée.
Quelle mouche l’avait piquée et où diable était-elle allée pêcher ces mots ? Maria jeta un regard désapprobateur à Marc ; il n’avait pas qu’à la laisser fouiller dans sa bibliothèque sans se poser de questions sur qu’elle pouvait y trouver (rencontrer, lui il disait).
Le lendemain ce fut pareil. Bouche cousue. A son égard seulement, car la petite avait fait dire à Maria qu’elle voulait bien aller se promener avec lui dans la montagne. “”Peut-être qu’elle a dans l’idée de te plomber ta randonnée dominicale !” lui fit cette dernière, moitié sourire.
Il gara la voiture à la sortie des gorges de l’Aiguebrun et décida de quitter le bord du ruisseau pour explorer une sente qui grimpait jusqu’à la crête. Il avait eu le sentiment que ce jour-là la douceur des berges ne pourrait s’accorder avec le silence revêche d’Arutam. Il fut heureux de son choix ; la montée escarpée l’apaisait et en même il voyait la petite se détendre au fur et à mesure que l’effort imposait sa loi. Elle avait également compris, elle, qu’ils étaient en “terra incognita”.
Ils atteignirent le haut d’une barre rocheuse où ils se reposèrent un moment au milieu des cailloux et des graminées sauvages. Quand Marc lui tendit la gourde Arutam sourit. Ils passèrent ensuite de l’autre côté en descendant un couloir étroit. Par deux fois Marc dut la prendre à bras le corps pour l’aider. Et après une vire, juste avant d’arriver au pied du rocher, ils s’arrêtèrent interloqués. Une baignoire était posée là, calée entre deux chênes verts. Ce n’est qu’une fois l’étonnement passé qu’ils aperçurent la petite grotte dans la paroi. C’était une voute plus exactement, avec un plancher installé à quelques mètres du sol et surmonté d’une sorte de torchis grossier fait de brindilles, d’herbes sèches et terre argileuse. Une corde nouée permettait d’y accéder.
Marc sut aussitôt où ils se trouvaient, c’était l’abri de l’ermite, celui qui chaque dimanche, sur le marché d’Apt, jouait au “sâdhu”*. Personnage étrange qui ressemblait à un de ces fakirs des Indes mais qui pourtant se pavanait au milieu de la foule des touristes avec un trident (en carton) digne de celui de Poséidon.
Il allait toujours pieds-nus quelle que soit la saison et, l’été, vêtu d’un simple pagne. Il était très beau, les femmes le regardaient en coin, les hommes aussi. On pouvait compter chaque muscle et chaque tendon de son corps. Maître de yoga, il devait l’être assurément, il suffisait pour s’en convaincre d’admirer le spectacle qu’il offrait à tous, pour quelques pièces jetées dans un chiffon, au coin de la grande rue.
Il n’habitait plus ici, la rumeur disait qu’il avait fui le Luberon pour un endroit encore plus isolé de l’Ardèche. Une autre grotte où des chasseurs auraient retrouvé son cadavre.
Intrigué, Marc donna un coup sec sur la corde. Elle semblait bien ancrée. Il se hissa, il n’avait pas perdu sa forme de sportif et il en était fier. Il n’y avait plus rien dans ce qui aurait pu être une sorte de petite chambre, rocheuse dans son fond, vide de toute présence humaine.
En bas, Arutam avait sorti le pique-nique du sac. Elle chantonnait. Il s’allongea sur les planches et dans un étirement lent et progressif essaya de soulager une tension qui maintenant engourdissait son dos. Il soupira, se fit attentif au bruissement du vent dans les branches et au gazouillis des oiseaux. Un pépiement, menu encore, à peine audible, peut-être un oisillon craintif au fond de l’espace, glissait derrière ses paupières closes. Et Marc se laissa aller à son doux enchantement.
L’homme se tenait assis devant lui, les jambes en tailleur, comme il se doit pour un “shâdu”.
“ La réincarnation, plus exactement pour moi la métempsychose, tu n’y crois pas ? Peu importe ! Ce n’est pas nécessaire pour ce que nous allons faire. Il te faut simplement un peu d’imagination. Un petit effort. Imagine que tu sois une âme neuve. Une âme vide de toute connaissances, juste avant qu’elle ne s’incarne. Je sais, tu n’y crois pas, là est l’effort d’imagination que je te demande, il te faut revêtir un voile d’ignorance pour y parvenir ; l’âme neuve a tout oublié de ses vies passées, elle ne peut plus rien savoir de la société des hommes, des bêtes non plus. Tu ne peux pas savoir dans quelle cage de chair tu vas te retrouver. Pire qu’à la roulette car tu n’as même pas l’espoir de quelques probabilités trompeuses. Que voudrais-tu, toi, pour l’être nouveau que tu serais, prêt à éclore au monde ? Tu veux que ce dernier, comme tous les autres, et selon la manière d’être propre à son espèce, et selon toute mesure (car il serait injuste que les générations à venir aient une vie diminuée à cause du présent), puisse jouir des beautés du Monde. Cet agneau, celui de ta daube, aurait bien mérité de gambader un peu plus de temps, non ?”
Arutam se prélassait dans la baignoire en faisant balancer bras et jambes de chaque côté. On aurait dit une marionnette désarticulée abandonnée là.
“-Je m’excuse, ma douce !
-Pour cette fois ça va, je te la passe. Il est en haut le type ?
– Bien, non ! Pourquoi ?
-Je t’ai entendu parler avec quelqu’un.”
*Shâdhu, mystique indien