AG 2014 de l’IEO-06 a Còntes
Cara amiga, car amic, cars sòcis de l’IEO-06
Aquest an, l’AG de l’IEO-06 si debanerà a Còntes lo dissabta 18 de genier dau 2014 a la Maion per Toi (quartier du Gheit, 06390 Contes). La sala es estada reservada per la jornada tota da Joan-Pèire Spies e Marc Waltzer.
Se li es un moment fòrt dins la vida de la nòstra associacion e que lu sòcis son moralament convidats d’èstre presents, es ben l’Acampada Generala annuala. Vos esperam, adonc, lo mai numeròs possible, per un moment de rescòntres, d’escambis tra sòcis.
Per aquelu que venon de luenh, vos conselham lo cò-veituratge.
Vos fau la propòsta per lo debanament d’aquesta jornada :
– AG de l’IEO-06 de 9 oras 45 a miegjorn e mieg.
– Rapòrt d’activitats, rapòrt morau, rapòrt financier ,
– La vida dei diferents ataliers,
– Questions autri : activitats diversi, sortidas, dictada…….,
– Renovelament dau terç sortent dau CA
– Vòtes/ Eleccion dau Burèu.
Miegjorn e mieg : Aperitiu e past (repais sortit de la biassa,cadun porta un salat, un sucrat, de que beure)
– Après-dinnar (a comptar de 2 oras e mieja) pichin espectacle « cadun es cantaire, cadun es contaire » embé la participacion de l’atalier teatre de l’IEO-06 e dei sòcis volontaris. Aquò porria èstre seguit d’un babèti tra sòcis embé la participacion dei 2 ataliers de danças de l’IEO-06 (Grassa e Niça).
AG 2013 a La Còla : atalier danças
– Diaporama sus li caminadas de l’IEO-06 e pichin filme sus la fabricacion dei campanas de Saorge.
– Fin de la jornada prevista alentorn de 5 oras dau vèspre..
Dins lo mieu esprit fau ben la diferença tra l’AG de l’IEO-06 qu’es un moment fòrt de la vida de la nòstra associacion e previst dai estatuts e l’après-dinnar festiu prepauat, que serà un moment de rescòntres mens formal mas que mi sembla important per lo rescòntre, lu escambis tra sòcis espantagats sus d’un territòri important e qu’an pas sovent l’ocasion de si veire.
Aquesta segonda partida es pas prevista en lu estatuts de l’IEO-06 e si pòu realizar basta se l’i a una volontat collectiva. Esperi que seretz numerós a l’i participar coma l’an passat a La Còla (de Lop).
AG de l’an passat a La Còla
Per aquelu que l’aurion pancara fach, vos demandam de pagar la vòstra cotisacion 2013- chèc a l’òrdre de l’ieo-06 : 30 € individuala, 38 € cobla e associacion afrairada, 12 € joves.
Poder (da donar a un sòci present a l’AG ò da mandar da Carlòta RUBINI, 67 Rte.de la Paillos, 06300, Nice)
Ieu, (Nautri), sota-firmat(s) :
(Noms /prenoms) :—————————————————————–
balhi (balham) poder a ————————————————————————————————————- (si pòu laissar en blanc ò nomar un sòci present) per mi (nos) representar a l’AG dau 18/01/2014
[Firma e mencion manuscricha “ Bòn per poder “ (per li coblas :2 mencions e 2 firmas manuscrichi)]
Pouvoir (à donner à un adherent present à l’AG ou à envoyer chez Carlòta RUBINI, 67 Rte.de la Paillos, 06300, Nice)
Je,(Nous), sous-signé(s) :
(Noms/Prénoms) :——————————————————————
donne(donnons) pouvoir à ——————————————————————————————————— (on peut laisser en blanc ou nommer un présent) pour me (nous) représenter à l’AG du 18/01/2014
[Signature et mention manuscrite ‘’Bon pour pouvoir’’(2 mentions ,2 signatures pour les couples)]
Podetz mandar un messatge au segretariat de l’associacion per anonçar la vòstra participacion :