« Bom ! » e Balandrin.
Festinov dau 2022 s’acabèt lo divendres 25 de novembre embé la peça « Bom ! », òbra collectiua e burlesca de l’Atalier Comèdia de l’IEO 06.
Peça que mescla l’istòria de Niça embé li legendas locali dins un monde imaginari mas esquasi real. Peça dont li fremas an de ròtles d’òmes e vice-versa. Cu a raubat lo canon de miegjorn ? Lo sabèm totjorn pas, mas bessai que…
Aquí volèm aremerciar la chorma per lo sieu travah, lo sieu investiment per presentar ai espectators un divertiment que li faguèron si rire e passar un bòn momenton.
Volèm tanben aremerciar « Lu Balandrins » de Còntes que acabèron la serada emb’un concert « A Capela » ‘mé de cantairitz e de cantaires de tria, que a totplen plasut a l’auditòri. Que de travalh per arribar a capitar ensin, una capelada !
Esperam que l’idèa farà camin e que d’autres escasenças si presenteràn per mostrar que la lenga qu’aimam tant es viua e encara druda e que l’IEO 06 contunha de portar li pèiras au clapier per lo sieu espandiment.
Aremerciam la comuna de PELHON que nos a assostats en aquesta bèla sala.
E Viva !
Rogier GILLI
NOS AN ESCRICH :
Joan Pèire: Una pròpi bèla serada ! Aremercii toi aquelu que l’i participèron.👍
Charles De Drap : Si sen propi regalat e peta de rire 👏👏👏
Monique Delle Cave : Bella serada
Patrick Bertaina : Que bòn moment aven passat. Asperen e esperen un’autre bèla serada com’aquela.