Amics occitans, en ocasion dei fèstas de fin d’annada, l’IEO-06 e lo comitat de redaccion de Ribon-Ribanha, la cronica esquissa-baranha, vi mandan en champostre lu sieus sovets lu mai sinceres :
V’auguram
una ribòta sensa fin, brinde, manjuca e sarpantèus
en companhia d’una fòga d’amics gaujós e sempre sinceres
de mùsica embriaganta e mantu baletis sota-sobre
e de cantadas ganassanti da v’esclatar la gargamèla.
V’auguram pi
de rescòntres ralegrants au asard dei caminadas
de descubèrtas a bati-còr que pòsquon v’enfuecar l’esperit
e una passion que vos mene m’una fe solevant li montanhas.
V’auguram enfin
de travalh e d’estudis basta cen que ne’n fau
mentre de petaradas de rire totjorn, longtemps e sensa repaus
e per cadun a cada moment, la jòia inocenta e confianta d’un pichin mainau enfaissat dintre la grúpia d’una bauma.
