Resson dei imatges dau Blagaire de l’IEO-06 Jan-Jaume de Niça ven de nen mandar la sieu 18ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
Lo caco.
Òu, lo caco !
Ges la pena de faire creire que siás a cargar la tieuna darniera Audi Quatre espòrt.
Ges la pena de te gavar de creatina per levar cada jorn mieg quilò de rondèlas de plastic.
Ges la pena d’emplir d’embalatges vueges un desenau de saquetons.
Ges la pena de faire creire que siás pairinejat per lei malhots « mitat de gau esportiu ».
Ges la pena de t’esquichar la ventresca emé un corset aitant pichonet que discrèt.
Ges la pena, emé de calcomanis, de faire creire que siás un vertadier tatoat.
Adieu lei filhas ! Siás desmascat : auriás pas degut faire lo Dagobert que, emé tei braias de l’envèrs, se vei, coma per Leleta, l’etiqueta de Damart !
JJ de Niça