Resson dei imatges dau Blagaire de l’IEO-06 Jan-Jaume de Niça ven de nen mandar la sieu quinta crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
Aritmetica : calcular de tèsta
Estent que, coma de costuma, per alestir coma ma mia, lo dissabte de pasta, te fau 1 uòu fresc per 100 gramas de farina, quant de dormidas vendrà faire aquela fenhanta de filheta que sa maire mandèt, emé de polida grana que faguèt lo sieu jardin, au bèu molin de Falicon, per utilizar tot entier lo cargament polalharenc escapat indemne de l’estrict contraròtle sanitari ( Sant Lactalís de Besnier pregatz per nosautrei paures galavards ) !
PS 1 : emé un tau femelam procreator fau pas èstre estonats : après aquesta proesa, plus ges de caracaca … lo gau es mòrt !
PS 2 : avètz totei ben notat l’engenh dau menaire de l’antica Vespa romana per tenir, de temps, a la fresca, lo sieu fondament.
JJ de Niça