Resson dei imatges dau Blagaire de l’IEO-06 Jan-Jaume de Niça ven de nen mandar la sieu 35ena crònica inspirada dei dessenhs umoristics que l’IEO-06 mete en rega cada setmana. Esperam que vos agraderà :
Lo/la drollet-a au boton (1)
… ton, au boton de :
– de braietas coma lo cantava ma grand ?
– d’acne joveneta ?
– dau fornet de micro-ondas ?
– de la ladra que son paire mandèt au bòsc ?
– de la radio Niça Pantais ?
– de la fèbre dau dissabte a vespre ?
– d’alumatge ( Santa Clara pregatz per nosautrei ) dau fuòc d’artifici nuclear ?
– de flor d’agolancier, lei gents dau gratacuòu ?
– de contraròtle, via lo Sistèma de Posicion Generala, de l’activitat de totei lei guidas toristics municipaus (2) ?
– de ràbia que m’en donat l’ensudacion muselierena de la Provença e la blanquerisacion de l’ensanhament dei lengas regionalas !
1. vos siatz avisats coma son vengudas tras qu’aisadas tant la lectura que la comprenença immediata dei tèxts, emé aquesta mòda de feminisar totei lei mòts … e vos disi pas lo temps que fau per cagar la darniera mesa a jorn de la correccion automatica ( ortografica e gramaticala ) de l’ordinator : maugrat lo desplegament dau malhun telefonic emé la fibra, lo mieu engenh es totjorn a molinar …
2. la comuna « Bolèga pas la Parpèla » a fach la chausida per aprovesir sei guidas, la societat « grate-mi la niera qu’ai sus l’esquina », fornisseire oficiau dei malhòts de totei leis equipas de rugbí dau monde entier …
2 bis. son de marrits esperits a chifrar per l’usença d’aquestei botons ais autreis emplegats de la comuna, de la comunautat de comunas, de despartaments e de la region miegjornala en riba senestra de Ròse, orfanèla dau sieu nom istoric …
PS : d’Aventis fins a Ròche, totei lei farmacians se son mes candidats per faire sa reclama sus aquest airau immaculat …
JJ de Niça