Reinat-Pèire ANFOSSO, 73 ans, èra una figura importanta dau païsatge cultural niçard. Militant de la premiera ora èra present sus lo Larzac. Avia una conoissença grana sus totplen de subjècts que la sieu nomenàia n’èra « La Sciença ». Parlava mai d’una lenga en mai de l’occitan e dau francés coma lo còrso, lo vietnamian, l’italian, l’inglés.
L’avii rescontrat per lo premier còup au teatre de Niça dont vendia d’exemplaris de la « Ratapinhata Nòva » revista dont escrivia embé totplen d’autres coma Jan-Luc SAUVAIGO. Avia per amics, Alan Pelhon, Guiu Pelhon, Mauris, Tuck, e ben d’autres. Avia escrich finda dins « L’Estrassa » que n’èra estat un dei creators.
Sòci de mai d’una associacion, animava d’emissions sus Ràdio NEMO, pi Ràdio Nissa Pantai. Era autor, actor (Vilatge : 130 rapresentacions embé la companhia Balin-Balan de Bernadette BELLANTONIO, Li rementas nucleàrias peça de Bernard VATON adaptada au niçard embé lo CCOc-Pais-Nissart e Aupenc…). Avia jugat en doi filmes de Crestian PASSUELO « Going back to Nissa la Bèla » e « Garibaldi made in Nissa », …
Aquesti doi darnieri annadas trevava l’IEO-06 dont l’i avia finda trovat d’amics. Avia adaptat en occitan-niçard de cançons coma « Let it Be » e « Imagine » dei Beatles, Mi plason lu baudos, de Jacques Dutronc), Non plus ren m’estona deTIKEN JAH FAKHOLY, mai de 25 cançons per la cantairitz ZINE que presentèron totai doi a la MJC Bòn-Viatge per la nòstra darniera AG en Genier dau 2016.
Pantaia un pauc ZIne e Sciença : https://soundcloud.com/zine-chansons/pantaia-un-pauc-zine
Venia de començar a escriure li « Cronicas de l’embilat » sus « Lo Jornalet » (gaseta occitana d’informacions): http://opinion.jornalet.com/reinat-anfosso
Tanta Chiqueta per desfortuna es venguda segar la sieu vida e n’a privat d’un amic sensa cridar para ni gara.
Adieu La Sciença ! Capelada per lo tieu engatjament per Niça, lo niçard e l’espaci occitan qu’as aparat la tieu vida entiera e dins de cors de lenga.
Going back to Nissa la bèla
http://www.christianpassuello.com/films/goingback.html
Garibaldi made in Nissa
http://www.christianpassuello.com/films/garibaldii.html
Nice-Matin dau 09/04/2016 :
Respòndre a l’article :
Es una pèrda que planhi sincerament. Reinat Matalot
Presenti li mieu complanchas a la familha de Reinat. JPB
Adieu La Sciença ! Marc Waltzer
Adieu Sciença, nen manqueràs totplen ! émoticône heart Anne-Marie Milardi
Adieu la Sciença! Tant d’annadas au servici de la lenga e de l’amistat ! Nen manqueràs, es segur ! Adieu la Sciença ! Reinat TOSCANO
Un amic de mai de 40 ans ! Ives MARIA
Lo nòstre amic Sciença èra sempre plen d’estrambòrd, apassionat, portaire d’una idea de projèct, e sus lo pontin coma en la vida joiós e pelandron… Segur que nen farà fauta, segur. Joan-Pèire SPIES
Bien triste information. Amistats, Bernard CHAUCHARD
Tu vas nous manquer…..à coaraze ! !!! Noel Delfin 
Adieu l’artiste, si reveiren. Alain Cauvin
Suis super triste Laurence Sarfati
Avii descubert Reinat Pèire au cors de lenga . Eri mai qu’estonada dau sieu saber. De segur mi fa pena. Françon.
Adieu René…Véronique Milardi
(1) La crémation de notre ami René Anfosso aura lieu mardi 12 avril à 14h30 au Crématorium de Nice Côte-d’Azur – Vallon du Roguez – RD 6202 – 06670 COLOMARS – Tél : 04.93.29.03.50
Le rendez-vous est à 14h et il y aurait seulement 20 minutes pour faire une mini-cérémonie. Tout le monde peut venir et c’est à nous d’organiser la petite cérémonie en lisant des textes où un des article paru récemment.
ZINE