A Canas, son 40 personas que venguèron, a la convidacion dau Centre Occitan de l’Escomessa e de la seccion de Grassa de l’IEO-06, per la dictada que se debanava au 5 de la carriera d’Oran. I aviá d’ancians, mai tanben de joves, escolans, collegians e liceans. La mai joine (8 ans) veniá de Seranon, lo decan aviá fach lo viatge despuei .. Erau !
La dictada (çai-juncha) aviá dei nivèus diferents per lei joves et leis adults. Era presentada per l’Andrieu Saissi, qu’aviá pres per aquò un texte : la lenga es la clau ! E lo nivèu èra fòrt bòn !
Cadun a reçauput quauquaren : un present (pòrta-clau, pins, escudet, embé la crotz occitana), e lo diplòma oficiau dau Centre Occitan Castrés. Lei mai sabents reçaupèron de libres en guierdon…
Pendent la correccion, lo mond se congostèron de la còca dei reis, embé la musica de Martina Chirio, e lo Se Canta clavèt la serada a grand gaug de cadun.
