L’Institut d’Estudis Occitans (06) siguèt fièr de presentar divendres lo 24 de novembre una novèla peça de teatre, En Riba de Tèrra Amata, a la sala Laure Ecard de Niça-Sant Ròc. Es la quarta peça que la chorma de l’IEO-06, bailejada da Gilbe COMBE, presenta sus lo pontin. L’intriga siguèt inventada partent d’una galejada : « Es que parlavan niçard a Tèrra Amata 400 000 ans fa ?
Au principi èra esquasi una escomessa de compendiar 400 000 ans en una ora e mieja d’espectacle. E pi, pauc a cha pauc, la peça pilhèt vida, premier a Coarasa en lo 2022 pi modificada per lo nòstre gran plasir ancuei.
Aquesta peça, au còup amusanta e poetica, paua una question de fons : quant de temps per apasimar la tèrra ?
Avèm notat de dichas de :
Boris Vian – Jaume Balestra – Aragon – Mauresca – Vent d’Est – Alan Pelhon – Maurís – Joan-Luc Sauvaigo – Jean Giono – Dante Alighieri – Montaigne – Hubert Reeves – Uvavnuk – Mac Luhan et Curtis – Sarah Teasdale – Miquèu Montanaro – Claude Klotz
Brefle per concludre un pròpi bèl espectacle. Mercí a l’IEO-06, a Gilbe COMBE e ai actors de la chorma per la sieu presença e la qualitat de la lenga.
Arleta
Crestiana
Carlòta
Anna-Maria e Joan-Pèire SPIES
Ricard
Choaseta
Guiu
Gilbe
