Dimarç lo 23 de junh, mai de 60 sòcis e amics de l’IEO-06 si son retrovats en cò de la nòstra segretària Carlòta per festejar la fin dei cors e ateliers. Tot de lòng de la serada siam anats de sorpresa en sorpresa : regals ai magistres, pichin film, cançons, pecetas de teatre de la nòstra chorma… L’ambient èra calorós e convivial. Lu escambis tra sòcis venguts d’ateliers e cors diferents èran pròpi interessants, cadun contant a l’autre cen qu’avia viscut en l’annada. Brefle, un tròç de vida coma n’agrada a nautres IEO, dont la lenga e la curtura nòstri, an tota la sieu plaça.
Avèm pilhat quauqui fòtos de la rapresentacion teatrala que lo plesir si legissia tant sus li caras dei actors coma aqueli dei espectators.
Teatre junh dau 2009
Juliette e Fabien, doi actors en èrba que faguèron sensacion.
Teatre junh dau 2009 (2)
Valeria, una frema a la recerca dei perlas de la sieu colana.
Teatre junh dau 2009 (3)
Joanina, un òme que cerca li perlas en un luec dont l’i es de lume…mas pas de perlas.
Teatre junh dau 2009 (4)
Carlòta e Choaseta, una cobla, que va en cò dau metge : Ricard.
Teatre junh dau 2009 (5)
Ricard un metge que farà parlar un pichon mut.
Teatre junh dau 2009 (6)
Fabien, lo pichon « malaut ».
Teatre junh dau 2009 (7)
Una familha uroa : lo pichon a retrovat la paraula.
Teatre junh dau 2009 (8)
Viviana que tornerà d’aquí doi minutas per pagar l’òste. Mas, bessai pas !
Merci a Joan-Pèire SPIES, lo nostre animator teatre e a toi lu sòcis qu’an fach d’aquesta serada una capitada. Vos donam apontament per setembre dau 2009. Bòni vacanças en toi.
