45 collegians e collègianas de 4ena venon de passar una setmana a visitar lo país niçard. Ièr de sera, l’IEO-06 lu a rescontrats dins lo balèti organizat per l’associacion Bolega-Bolega e li musicianas dau grope OccitaNiss. Doi collègianas niçardi qu’emparan (qu’aprenon) lo niçard èran vengudi tanben emb’au sieu professor Anna-Maria Sgaravizzi-Garcia.
Lo collège Calandreta Leon Còrdas (44, carrièra Antoine Jérôme Balard – 34790 GRABELS), que festeja lu sieus dètz ans de vida, a tres especificitats:
– l’escolarisacion en occitan
– la pedagogia dins la seguida de Calandreta
– la mesa en òbra dau projecte Latinitas per arribar devèrs a un plurilinguisme.
Se ne’n voletz saupre mai sus d’aquest collège que presenterà una quinta classa a la rentrada de setembre dau 2008 anatz visitar lo sieu site :
http://collegi-calandreta-leon-cordas.ouvaton.org/
Vequí quauqui fòtos de la serada :
