Per 5 a 6 personas : 1 caulet – 100 gramas de ris – 3 òus – 1 ceba – 200 gramas de petrina e 200 gramas de cambajon chaplats – 50 gramas de parmesan -1 dòssa d’alhet – sau – pebre – òli d’òuliva.
Lo façum de Grassa (1)
Pas de receta sensa façumier, una mena de crespina de coton, que sierve a tenir ensems li fuelhas dau caulet, l’element màger dau façum grassenc. Ieu, crompèri lo mieu, tres ans fa, a Grassa, en la vila vielha, dins un grand bazar, dont si vendia de tot.
Metre dins l’aiga salada e bulhenta, un caulet e lo laissar dètz minutas de temps. Lo sortir de l’aiga e destacar li gròssi fuelhas dau calós.
Faire rostir en una sartaia, una ceba embé d’òli d’òuliva, ajónher la petrina e lo cambajon, li fuelhas chapladi plus pichini que constituisson lo grelh, una dòssa d’alhet. D’unu li meton finda un pauc de blea (lo verd) e de peus.
Mesclar en un saladier, ris, ceba, petrina e lo resta dau caulet emb’ai òus batuts e lo fromai gratat. De pas denembrar se salar-pebrar coma conven.
En un segond saladier alargar lo façumier per li metre li gròssi fuelhas dau caulet, de maniera a lo tornar constituir tot autorn. Vuar l’emplum dau premier saladier dins lo façumier. Aquò fach, basterà plus que d’estrénher lo façumier per empresonar l’emplum au mitan dei fuelhas dau caulet. Metre a còire embé d’aiga ò emb’un bolhon, dins la cocòta-minuta una ora de temps.
Lo façum de Grassa (2)
Sortir lo caulet dau façumier e presentar dins un plat.
