Dissabta passat, l’IEO-06 tenguèt banc au MERCAT LETERARI DE CALÈNAS organizat da l’Assocacion dei Professors de Lenga regionala embé lo sosten dau servici Patrimòni, lenga e Cultura de la vila de Niça, menat da STAN PALOMBA.
Era una jornada de rescòntre alentorn dei libres sus lo banc manejat da QUIQUÍ, MIQUÈLA, MARIDO, MARC, CRESTIAN, ANNA-MARIA, ROMIEG… que permetèt de presentar li publicacions de l’IEO-06 e totplen d’autres libres e CD.
Tres presentacions de libres si faguèron finda.
DAVID ASSAS SILVERI, JOAN-PÈIRE SPIES,
MARIE-HORTENSE CAMOUS,
ANNA-MARIA SGARAVIZZI, OLIVIER PASQUETTI
Après una entamenada d’OLIVIER PASQUETTI, president de l’APLR,
fòto ©JPSPIES2024
OLIVIER PASQUETTI, president de l’APLR,
MARIE-HORTENSE CAMOUS parlèt dau sieu travalh de grafista e presentèt lu sieus libres dei aventuras de descubèrta de Gabi lo Gabian.
fòto ©JPSPIES2024
MARIE-HORTENSE CAMOUS
Laissèt la plaça a JOAN-PÈIRE SPIES, president e responsable dei edicions de l’IEO-06, que presentèt lo travalh de l’associacion, que la sieu reedicion de la NEMAÏDA a reviscolat l’autor niçard JOUSÈ ROSALINDO RANCHER en lo país niçard, mas finda n’a fach espandir la fama en tot lo país de lenaga d’òc, qu’aquesta publicacion es estada causida per faire partida dau programa de l’agregacion d’occitan-lenga d’òc.
JOAN-PÈIRE SPIES, president
e responsable dei edicions de l’IEO-06
Presentèt pi la publicacion novela de l’IEO-06, es a dire lo libret FOTBÒL, Lexique Français-Occitan Niçois sur le ballon rond (Tèxte niçard : JOAN-PÈIRE BAQUIÉ, illustracions : FLORENCE SCHUMPP), dont si tròva tra autre, a costat d’un vocabulari ric, la cançon NIÇA LA BÈLA regalada ai amators de fotbòl, e mai en toi.
Aquelu libres èran sus lo banc de l’IEO-06, e se l’avètz mancat, lu podètz crompar dins la botiga en rega de l’IEO-06 : https://ieo06.com/boutique/
Siguèt pi lo torn de DAVID ASSAS SILVERI, initiator de la publicacion dei 36 VISTAS DAU MONT CAU, de l’artista JOAN-LUC SAUVAIGO, de presentar lo libre publicat ai edicions CAMPANILE.
fòto ©JPSPIES2024
DAVID ASSAS SILVERI
En plaça d’una quarta presentacion, OLIVIER PASQUETTI avia convidat ANNA-MARIA SGARAVIZZI a donar una conferença per presentar la vida e l’òbra dau poeta niçard ALAN PELHON, despartit 30 ans fa. Siguèt un plaser de retrovar li paraulas d’aquest òme que siguèt un dei mesteirant màgers de la renaissença de poesia occitana en país niçard, ai costats dau cantaire MAURÍS e d’autres autors de tria.
fòto ©JPSPIES2024
ANNA-MARIA SGARAVIZZI
fòto ©JPSPIES2024
Aquesti presentacions si debanèron dins l’espaci que presentava una bèla e esmoventa mòstra, dont èran installats mai d’un paneu que remembravan la memòria d’ALAN PELHON, alestits da sa molher Joelle.
