Lo retorn a Niça dau tranvai en lo 2007, après 54 ans de desparicion, es estat finda l’ocasion de donar vida torna en un pan de la cultura dau país nostral. Tot au lòng dau sieu camin, podètz remarcar d’elements ornamentaus mesclant passat e present e sobretot diversi ensenhas en lenga niçarda, ai fermadas tanben coma sus li façadas dei botigas costejanti.
Tot aquò nen donèt l’idea de vi prepauar ancuei un juec sus lo tema dau trambalan
Jugam ensems ?
Non, asperi lo trame !
Demanda 1 : A Niça, lo sonam tranvai, trame, trambalan (nom umoristic donat au premier trame dau 1878 au 1953). L’i conoissètz d’autri nomenaias ?
Demanda 2 : Vequí çai-sota li fòtos de tres negòcis gimbrats de noms niçards inspirats dau trambalan. Mas dont s’estàn exactament ? Porriatz ne’n citar tanben d’autres ?
1
2
3
Demanda 3 : E vautres, auguessiatz da nominar lo vòstre negòci dont passa lo tranvai, que nom li doneriatz ?
Demanda 4 : Auguessiatz da causir un eslogan per lo quadre d’una fermada, de que seria ?
Demanda 5 : Lo titre d’aquest article es la parodia d’un dialògo niçard famós a prepaus dau trame, cen que ditz en veritat ? Conoissètz d’autri frasas niçardi entradi dins la legenda ?
