Remesa dau Diplòma Escapolaire A2 e B2
121 laureats d’ESCAPOLAIRE au CIRDÒC lo 16 de setembre dau 2009 !
Per lo primier còup dins l’istòria de la lenga occitana, esquasi cent pichoi ensems obtenon lo primièr diplòma de la sieu vida… lo sieu diplòma d’occitan.
Lo CIRDÒC aculhirà, lo dimècres 16 de setembre dau 2009 a comptar de 16 oras, 1 bis Baloard Du Guesclin a Besièrs, la uechena remesa dau diplòma d’ESCAPOLAIRE.
Mas aquesta remesa dei Diplòmas es diferenta dei precedenti. Marca una etapa particulara estent que lo congrès dei Calandretas decidèt au mes de mai dau 2008, qu’aqueu diplòma seria l’evaluacion oficiala dau nivèu de lenga dei calandrons de CM2.
Vequí la rason perqué tant de pichoi son diplomats en lo 2009 !
Una autra innovacion de la còla dau CFPO (1) aquesta annada es lo tot novèu diplòma de nivèu B2 dau Quadre Europèu Comun de Referença dei lengas, en lenga occitana.
Aqueu diplòma sera remés ai 8 premiers laureats en fin de serada. Dòna Catarina Carrière-Pradal, lu sòcis dau Consèu d’Administracion dau CFPO e la còla dei emplegats dau CFPO convidan toi lu amics de la lenga nòstra per que vengan assistre a la remesa dei diplòmas d’ESCAPOLAIRE e B2 ai candidats qu’an capitat lu examens au mes de junh dau 2009.
Lo gòto de l’amistat, un pauc de musica e de dança festejeràn l’ocasion bèla !
Contact : http://www.cfpoccitan.org