Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Andrieu Goyot sòci de l’ieo-06.
Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Andrieu Goyot encuei dins l’edicion de « Nice-Matin » Grassa.
Cònte : Lo papet.
Es ròse lo cèu, estosera. Immobile sus la riba dau camin, gachant l’orizont que darrier trecòla lo soleu, lo papet murmura, emé quauqua ren d’inabituau dins la votz : « Serà bèu, deman, lo temps ! » Volastrejant d’un aubrilhon an un autre, un rigau e doas lardieras capeludas l’acompanhan dins lo sieu lent caminament. L’avent precedit d’una leugiera alada, l’encoratjan : l’un embé lo sieu cant agut e rajant coma un estrech fieu d’aiga pura, lei doas autras, emé lei sieus crits rotlats tras que doç. De temps en autre, lo papet entreduerbe lo tap de súver d’un cilindre de canèu que sòrte de la sieu pòcha. Se n’escapan quauqueis aludas entredormidas ò quauquei granas de vira-soleu. Un pauc mai luenh, s’arrèsta un instant, l’ancian, e vira la tèsta per verificar que caduna dei sieus donas es ben estada descurbida per lei sieus destinatàris. Rassegurat, reparte.
Ressentent un prefond lassitge, reduguèt, fa gaire, la distància de la sieu passejada dau vèspre. L’alen cort, si recampa a pas reglats. Quand l’i arriba, l’i es aculhit per una òrquestra encantarèla. Aquela interprèta una melodia gaujosa e leis sieus innombrablei musicaires si bolegan dins leis aubres dau jardinon emb un bruch de plumas folament batudas.Tanlèu, se’n va lo papet aprovesir lei manjadoiras e leis abeuradors dispausats un pauc d’en pertot. Una nèbla d’affamats si meton a remolinar au sieu entorn e lei mai audaciós si plomban sus la sieu casqueta, sus leis espatlas de la sieu vèsta, fins que sus lei sieus mans. Aquò fach, lo bònòme rintra dins la sieu cosina, rescaufa lo sieu repàs, s’entaula davant l’èstra totjorn dubèrta durant la bòna sason e manja, breçat per lei cants dei sieus protegits.
A jorn falhit, tot bèu just, lo bruch calant, tira lei sieus paravents. Ressòna pus que la votz dau rossinhòu barjacaire. Si derrompe quauque còp, per quauqueis instants, e tòrna renàisser emé mai de vigor, mai sonora encara.
(seguirà)
Andrieu Goyot.
Conte : Le vieil homme.
Le ciel est rose, ce soir. Immobile sur le bord du chemin, regardant l’horizon derrière lequel le soleil se couche, le « papet » murmure, avec quelque chose d’inhabituel dans la voix : «Il fera beau, demain.» Voletant d’un arbuste à un autre, un rouge-gorge et deux mésanges huppées l’accompagnent dans son lent cheminement. L’ayant précédé d’un léger coup d’ailes, ils l’encouragent : l’un avec son chant aigu et fluide comme celui d’un étroit filet d’eau pure, les deux autres, avec des cris roulés très doux. De temps à autre, le « papet » entrouvre le bouchon de liège d’un cylindre de roseau qu’il a sorti de sa poche. Quelques fourmis ailées assoupies s’en échappent, ou quelques graines de tournesol. Un peu plus loin, il s’arrête un instant, l’ancien et tourne la tête pour vérifier que chacun de ses cadeaux a bien été découvert par ses destinataires. Rassuré, il repart.
Ressentant une profonde lassitude, il a réduit depuis peu la distance de sa promenade vespérale. Le souffle court, il retourne chez lui à pas comptés. Quand il y arrive, il y est accueilli par un orchestre enchanteur. Celui-ci interprète une joyeuse mélodie et ses innombrables musiciens s’agitent dans les arbres du jardinet avec un bruit de plumes follement battues. Aussitôt, le « papet » s’en va approvisionner les mangeoires et les abreuvoirs qu’il a disposés un peu partout. Une nuée incroyable d’affamés se mettent à tournoyer autour de lui et les plus audacieux s’abattent sur sa casquette, sur les épaules de sa veste, jusque sur ses mains. Ceci fait, le bonhomme rentre dans sa cuisine, réchauffe son repas, s’installe à table devant la fenêtre toujours ouverte durant la bonne saison et mange, bercé par les chants de ses protégés.
Le jour à peine tombé, le bruit cessant, il tire ses volets. Seule résonne encore la voix du rossignol volubile. Elle s’interropmpt quelquefois, pour quelques instants, et renaît avec plus de vigueur, plus sonore encore.
(à suivre)