Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Gílbert Mancini sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Gílbert Mancini encuei dins l’edicion de « Nice-Matin » Grassa.
De pas mancar l’agenda en bas de pagina.
Metètz la sordina, qué !
Quant de còps s’es ausit dire aquesta expression quand un bocan ensordant nos estrassa leis aurelhas. A ! lo bruch, aquò es ben un flèu de nòstre temps. Lo tèrme « bruch » es aplicat a totei lei sons que, per nautres, prenon un caractèr desagradant ò inacceptable, es a dire suggestiu. Lo desvolopament dei tecnicas modèrnas a aumentat de quauquei desenas de decibèus lo bruch environant. Aquela pollucion per lo bruch aduse un problèma important per l’environament, majament, quand lei nivèus sonòres passan d’unei valors que pòdon provocar de daumatges fisics, coma es lo cas per leis avions. L’estadi de conoissenças qu’avèm ara, permete d’amermar lei bruchs a la fònt ò de redurre sa propagacion. Pensi ai parets parabruchs que s’instalan de lòng leis auto-rotas, per exemple. Adonc, vesètz que l’expression «Metètz un pauc una sordina» a ren aquí de despresós. La sordina, mai qu’es aquò ? E bè, es un dispositiu qu’es estat inventat per fin de permetre d’ensordar lei sons de quauqueis estruments de musica. Per leis estruments a còrdas, aquí fa mestier una pinsa d’escaia, de bòsc, de metau ò d’evòri que se plaça sus lo pontet e qu’arrèsta lei vibracions de la caissa de ressonament. Una autra sordina, de fòrma conica s’ajusta au pavalhon de l’estrument. Ansin, per la trompeta, la sordina « oà-oà » permete d’obtenir un vibrato fòrça ample, utilizat en abonde dins lei musicas de films negres. Per lo piano, la pedala de senèstra fa ofici de sordina : sarra lei martèus e demenisse la fòrça dau turt sus lei còrdas, adonc, lo clantiment de la nòta. Sovent, l’efèct de sordina es obtengut en clinant leugierament lei martèus per fin que pican pas que sus una còrda soleta, en plaça dei tres utilizadas de costuma dins lei registres mejans e auts. Es per aquò que la sordina dau piano si sòna « una còrda ». Per clavar, dirai que se, per cas, avèm la crespina que li ague ges de bruch que nos vèngue destorbar, carculem pas, apreciem, sensa mesurança, aqueu silenci.
Gílbert Mancini.
Mettez une sourdine, allons !
Que de fois, avons-nous entendu cette expression lorsqu’un vacarme assourdissant nous déchire les oreilles. Ah ! le bruit, voilà bien un fléau de notre époque. Le terme « bruit » est appliqué à tous les sons qui prennent pour nous un caractère désagréable ou inacceptable, autant dire, subjectif. Le développement des techniques modernes a accru de quelques dizaines de décibels le bruit ambiant. Cette pollution par le bruit entraîne un problème important pour l’environnement, surtout, quand les niveaux sonores dépassent certaines valeurs qui peuvent provoquer des dommages physiques, comme c’est le cas des avions. L’état de nos connaissances actuelles permet d’amortir les bruits à la source ou de réduire leur propagation. Je pense aux murs anti-bruits que l’on installe le long des autoroutes, par exemple. On voit donc que l’expression «Mettez un peu une sourdine» n’a rien, ici, de péjoratif. La sourdine, mais qu’est-ce que c’est ? Eh bien, c’est un dispositif que l’on a inventé pour permettre d’assourdir les sons de quelques instruments de musique. Pour les instruments à cordes, une pince en écaille, bois, métal ou ivoire est nécessaire, elle se place sur le chevalet et arrête les vibrations de la caisse de résonnance. Une autre sourdine de forme conique s’ajuste au pavillon de l’instrument. Ainsi pour la trompette, la sourdine « wah-wah » permet d’obtenir un vibrato très ample, largement utilisé dans les musiques des films noirs. Pour le piano, la pédale gauche fait office de sourdine : elle serre les marteaux et diminue la force du heurt sur les cordes, partant, l’intensité de la note. Souvent, l’effet de sourdine est obtenu en inclinant légèrement les marteaux pour qu’ils ne frappent qu’une seule corde au lieu des trois utilisées d’habitude dans les moyens et les hauts registres. Voilà pourquoi la sourdine du piano est appelée « une corde ». Pour conclure, je dirai que si, par hasard, nous avons la chance qu’il n’y ait aucun bruit qui ne vienne nous déranger, n’hésitons pas, goûtons ce silence sans modération.
Agenda :
Atelier de langue supprimé à La Colle-sur-Loup, lundi de Pentecôte, 12 mai,
Atelier de danses, mardi 13 mai, à Grasse, salle de St Antoine, 20h30,
Atelier de langue, mercredi 14 mai, à Grasse, salle de St Jacques, 17h30
Aujourd’hui, 11 mai, dernier jour des Joutes musicales à Correns (Var) ; informations au 04 94 72 04 21.