Amics occitans, la cronica Ribon-Ribanha d’ancuei titrada « Cronica de l’endeman » v’es prepauada da Anna-Maria MILARDI, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Cronica de l’endeman
Capissi e compatissi, porrii dedicar l’article setmanier au passacarriera dau 24 d’octòbre dau 2009 a Carcassona, descriure l’estrambòrd contagiós dei 25 000 participants occitans de França, Espanha, Itàlia e finda Japon, li bramadas d’alegria, lu soguinhes e galejadas escambiats, lu cants e colors festius, li músicas mescladi, lu sarpantèus, li piramidas umani, l’acuelh e li ovacions d’una populacion en deliri sota lu barris de la ciutat ò tanben lu rescòntres m’ai figuras de proa occitani, aqueli que jorn après jorn defendon oralament coma per escrich la necessitat de mantenir, difusir e transmetre la riquessa dau patrimòni nòstre.
Pura lo farai pas. Aüra lu jornaus dau país entier ja si son empossessats de la nòva e troveretz mai de 20 000 baudos per ne’n chicolonar lo menut. M’aquò qu’agissi jamai coma cadun, ieu vos conterai d’endeman la vísita guidada de Narbona per lu sòcis dau 06. A l’auba mai una ora oferta dau cambiament semestrau, lo grop s’aviava donca a la descubèrta de Narbona l’Onrada, menat da man de mèstre per lu nòstres GO (gentils organizators), Evelina Maiolino e Maurici Casciani.
La vila s’enorguelhisse d’un passat bimilenari que la veguèt a torn a torn venir capitala de Gàlia “Braccata”, un pòrt famós de comerci roman pi residença a l’Atge Mejan dei viscòntes e arquevèscos. De tota aquela Istòria rica d’eveniments, lo guida nen presenta lu vestigis, partent dau canal de Robina classat au Patrimòni mondiau de l’Umanitat e d’un tròç desclapat de Via Domiciana, doi axos de comunicacion romans de premiera importança. Viravotam a l’entorn de la catedrala maestosament ajocada sobr’ai barris antics per observar li gòrgolas, lo clautre medievau e, despí lo cort Sant Eutròpi, la façada tormentada da l’absida cruciforma a pena esbauchada e divèrs elements d’arquitectura tristement demorats en dètz-e-vuech, victimas de l’ostilitat dei cònsols e de la pèsta negra dau 14en. La vísita si persègue dintr’au palais dei arquevèscos emb’ai sieu curioi pèiras de recuperacion gravadi en latin, ancuei sedi de la Comuna e dau musèu d’arqueologia, e s’acaba en apoteòsi per una incursion en lu “orrea”, d’impressionants entrepaus soterrans romans vielhs de 2 000 ans, ornats d’afrescs funeraris, dedicas, scenas de caça, luchas de gladiators…
Terminat lo periple delà dei milenaris, la puada au lume e a la realitat quotidiana s’avera malaisada e, tèsta totjorn tra li neblas, m’aventuri a cas sobre l’encaladat galambre dau pichin carrat Domician, fins qu’un mainau corroçat m’invective qu’aquest sieu terren de juec es « ges reservat ai mamàs ! ». Fin dau viatge.
Tèxto : Anna-Maria MILARDI
Fòtos : Valeria ROSSO / Joan-Pèire BAQUIÉ
Chronique du lendemain
Je comprends et compatis, je pourrais dédier l’article hebdomadaire à la manifestation du 24 octobre 2009 à Carcassonne, décrire l’enthousiasme contagieux des 25 000 participants occitans de France, Espagne, Italie et même Japon, les cris de joie, les sourires et plaisanteries échangés, les chants et couleurs de fête, les musiques mêlées, les pétards, les pyramides humaines, l’accueil et les ovations d’une population en délire sous les remparts de la cité ou encore les rencontres avec les figures de proue occitanes, celles qui jour après jour défendent oralement comme par écrit la nécessité de maintenir, diffuser et transmettre la richesse de notre patrimoine.
Pourtant je ne le ferai pas. A présent, les journaux du pays entier se sont déjà emparés de la nouvelle et vous trouverez plus de 20000 gus pour en détailler chaque bribe. Etant donné que je n’agis jamais comme tout le monde, je vous raconterai moi la visite guidée du lendemain à Narbonne par les adhérents du 06. A l’aube plus une heure offerte par le changement semestriel, le groupe se mettait donc en route pour découvrir Narbonne l’Honorée, mené de main de maître par nos GO (gentils organisateurs), Eveline Maiolino et Maurice Casciani.
La ville s’enorgueillit d’un passé bimillénaire qui la vit tour à tour devenir capitale de Gaule « Braccata », un célèbre port de commerce romain puis résidence au Moyen-Age des vicomtes et archevêques. De toute cette Histoire riche d’évènements, le guide nous présente les vestiges, partant du canal de la Robine classé au Patrimoine mondial de l’Humanité et d’un morceau déterré de Via Domitiana, deux axes de communication romains de première importance. Nous virevoltons autour de la cathédrale majestueusement perchée sur les remparts antiques pour observer les gargouilles, le cloître médiéval et, depuis la cour Saint Eutrope, la façade tourmentée à abside cruciforme tout juste ébauchée et aux divers éléments d’architecture tristement demeurés inachevés, victimes de l’hostilité des consuls et de la peste noire du 14ème. La visite se poursuit à l’intérieur du palais des archevêques avec ses curieuses pierres de récupération gravées en latin, aujourd’hui siège de la Mairie et du musée d’archéologie, et s’achève en apothéose par une incursion dans les « horrea », d’impressionnants entrepôts souterrains romains vieux de 2 000 ans, ornés de fresques funéraires, dédicaces, scènes de chasse, luttes de gladiateurs…
Terminé le périple par-delà les millénaires, la montée vers la lumière et la réalité quotidienne s’avère difficile et, la tête toujours dans les nuages, je m’aventure au hasard sur les pavés inégaux du petit carré Domitien, jusqu’à ce qu’un gamin courroucé m’invective car son terrain de jeu n’est « pas réservé aux mamans ! ». Fin du voyage.
