Lo nòstre amic e soci de l’IEO 06, JOAN RAMI, ven de defuntar mas l’òme e la sieu òbra demòran en la nòstra memòria…
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Peireta
L’istòria que vi vau contar ancuei es una istòria qu’es pas veraia. Es l’istòria de Peireta e dau topin de lach de Joan de la Font ò l’istòria de la pòrca e dei porquets.
Dins un vilatge n’i aviá un que si sonava Joan coma ieu. Èra un pichòt paisan. Viviá solet. E fau dire que èra un pauc badago. Aviá tres galinas, doi lapins, tres liumes, una pichina faissa de jaussemins, una de rosiers, quatre oliviers. Mas aviá de mai una pòrca.
Quora èra pichon, èra anat un pauc a l’escòla e lo mèstre li aviá fach aprendre la fabla de Peireta e dau topin de lach. Sabètz, aquela joina frema que s’en va au mercat emé sus la tèsta la gròssa topina. Si mete a pantaiar, fa de castèus en Espanha, si mete a balar sus lo camin, si rompe lo morre, lo lach s’es tot escampilhat per sòl. Adieu vedèu, vaca e pòrc. E bessai qu’en entrant a l’ostau, lo sieu òme li manderà doi bacèus.
Eu a pas de vaca mas a la pòrca que, se aviá de porquets, lei porriá anar vendre coma Peireta. Mé l’argent comprariá un vedèu que devendriá una vaca, qu’auriá de vedèus, eca, eca… Per aver de porquets, li fau menar la pòrca au pòrc. Deman, si ditz Joan, anerai en cò de Robèrt que eu n’a de pòrcs.
E l’endeman, mete la pòrca dins la bariòta, traversa la plaça dau vilatge e lei gents que èran assetats a la terrassa dau bar : – Vé, gachatz un pauc, i a aqueu badago de Joan que si promena la pòrca dins la bariòta. Es pas verai de veire de causas coma aquò.
Arriban en cò de Robèrt : – Digue-mi un pauc, ti sovenes a l’escòla de la fabla de Peireta e dau topin de lach ?
– De segur que me n’en soveni.
– Mi siáu pensat que la mieu pòrca porriá aver de porquets, tu as de pòrcs e per aquò ti siáu vengut veire.
– N’ai un pichin e un gròs. Tot aquò es pas a gratís. Ti fau pagar quauqua ren, vint euròs per lo pichin, trenta per lo gròs.
– Prenem lo pichin que de sòus ieu n’ai pas gaire.
Lo pòrc e la pòrca passan un moment ensems. Joan mete la pòrca dins la bariòta e s’entornan a l’ostau. Lei gents sus la plaça : – Vé, son de retorn. Que la pòrca a l’aire contenta de si promenar.
L’endeman de bòna ora, Joan corre au porciu veire se lei porquets son naissuts dins la nuech. Ren, de segur. A bèu cercar dins totei lei cantons. Ren. E la pòrca que dòrme.
– Aqueu de còp, si ditz Joan. Pasmens, emé Robèrt avèm ben gachat. Per la pòrca èra lo bòn moment, tot s’es passat naturalament, e aquesto matin i a ren. Mi fau entornar en cò de Robèrt.
Mete la pòrca dins la bariòta e s’en van. Lei gents sus la plaça : – Vé, son mai aquí. I a petat lei plombs a Joan de promenar cada jorn la pòrca. Cen qu’es de viure tot solet !
Robèrt lei ve arribar : – Òu, i a quauqua ren que va pas ?
– Esto matin, de porquets dins lo porciu n’i aviá pas. Lo tieu pòrc es tròp pichin, a ren donat.
Robèrt ne’n pòu plus de si rire : – Se recomençam emé lo gròs pòrc, de segur deman i aurà de porquets.
Lei doas pòrcs passan un bòn moment ensems. Mete mai la pòrca dins la bariòta e s’entornan a l’ostau. E l’endeman de bòna ora, quora Joan va veire la sieu pòrca : Miracle ! Miracolo ! Devinatz un pauc cen qu’a vist ?!?!
La pòrca s’èra assetada dins la bariòta e asperava de s’entornar encara un còp en cò de Robèrt perqué a n’aquela putan de pòrca, li agradava fòrça d’anar veire lo pòrc.
L’istòria es pas ben finida. En Provença tot finisse per una cançon. Cinc mes après, si podiá cantar :
N’a fach un, n’a fach doas, n’a fach tres…” Vaquí.
Joan RAMI
Perrette
L’histoire que je vais vous raconter aujourd’hui est une histoire qui n’est pas vraie. C’est l’histoire de Perrette et du pot au lait de Jean de la Fontaine ou l’histoire de la truie et des porcelets.
Dans un village, il y avait un homme qui s’appelait Jean comme moi. C’était un petit paysan. Il vivait seul. Et il faut dire qu’il était un peu idiot. Il avait trois poules, deux lapins, trois légumes, une petite planche de jasmins, une de rosiers, quatre oliviers. Mais il avait aussi une truie.
Quand il était petit, il était allé un peu à l’école et le maître lui avait fait apprendre la fable de Perrette et du pot au lait. Vous savez, cette jeune femme qui s’en va au marché portant sur la tête une grosse jarre. Elle se met à rêver, fait des châteaux en Espagne, se met à danser sur le chemin, se casse la figure et le lait s’est tout répandu sur le sol. Adieu veau, vache et cochon. Et peut-être qu’en rentrant à la maison, son mari lui enverra deux baffes.
Lui n’a pas de vache mais il a la truie et, si elle avait des porcelets, il pourrait aller les vendre comme Perrette. Avec l’argent, il achèterait un veau qui deviendrait une vache, qui aurait des veaux, etc, etc… Pour avoir des porcelets, il faut mener la truie au porc. Demain, se dit Jean, j’irai chez Robert qui en a lui des porcs.
Et le lendemain, il met la truie dans la brouette, traverse la place du village et les gens qui étaient assis à la terrasse du bar : – Vé, regardez un peu, il y a cet idiot de Jean qui promène sa truie dans la brouette. C’est incroyable de voir des choses pareilles.
Ils arrivent chez Robert : – Dis-moi un peu, tu te souviens à l’école de la fable de Perrette et du pot au lait ?
– Bien sûr que je m’en souviens.
– J’ai pensé que ma truie pourrait avoir des porcelets, tu as des porcs et c’est pourquoi je suis venu te voir.
– J’en ai un petit et un gros. Tout cela n’est pas gratuit. Il te faut payer quelque chose, vingt euros pour le petit, trente pour le gros.
– Prenons le petit car je n’ai pas tellement de sous.
Le porc et la truie passent un moment ensemble. Jean met la truie dans la brouette et ils s’en retournent chez eux. Les gens sur la place : – Vé, ils sont de retour. Ce que la truie a l’air contente de se promener.
Le lendemain de bonne heure, Jean se précipite à la porcherie pour voir si les porcelets sont nés durant la nuit. Rien, bien sûr. Il a beau chercher dans tous les coins. Rien. Et la truie qui dort.
– Ça c’est la meilleure, se dit Jean. Pourtant, avec Robert nous avons bien regardé. Pour la truie c’était le bon moment, tout s’est passé naturellement, et ce matin il n’y a rien. Il faut que je retourne chez Robert.
Il met la truie dans la brouette et ils s’en vont. Les gens sur la place : – Vé, ils sont encore là. Il a pété les plombs, Jean, de promener tous les jours sa truie. Voilà ce que c’est de vivre tout seul !
Robert les voit arriver : – Oh, quelque chose ne va pas ?
– Ce matin, il n’y avait pas de porcelets dans la porcherie. Ton porc est trop petit, il n’a rien donné.
Robert n’en peut plus de rire : – Si nous recommençons avec le gros porc, demain sûrement il y aura des porcelets.
Les deux cochons passent un bon moment ensemble. Il met à nouveau la truie dans la brouette et ils s’en retournent à la maison. Et le lendemain de bonne heure, quand Jean va voir sa truie : Miracle ! Miracolo ! Devinez un peu ce qu’il a vu ?!?!
La truie s’était assise dans la brouette et attendait de retourner une fois de plus chez Robert parce que ça lui plaisait beaucoup à cette putain de truie d’aller voir le porc.
L’histoire n’est pas tout à fait terminée. En Provence, tout finit par une chanson. Cinq mois après, on pouvait chanter :
Elle en a eu un, elle en a eu deux, elle en a eu trois…” Voilà.