Amics occitans, la cronica Ribon-Ribanha d’ancuei titrada « Lo Prètz dau fum » es un cònte prepauat da Choasa FERRANTI, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo Prètz dau fum
Siam lo 24 de decembre, comença de faire pròpi frei. Joan si pressa. Si remonta lo còl de la vèsta e estrenhe lo vestit dapé d’eu mas la vèsta es ben tròup corta per eu e lo tessut ben tròup fin per li tenir caud. S’abriva : saup que a gaire de distança s’està un aubèrge que l’i porrà s’escaufar.
Quora ientra dins l’aubèrge, li son de molons de gents dins la peça : lo monde si pressan toi a l’entorn d’un bòn fuèc. Sente bòn. En la chaminèia, de polàs, de conius e de porquets viran sus lu astes e lo jus s’escola dins lu plats dispauats sota li carns que gresilhan. Li pèus ben dauradi luson brilhanti, abocanti. L’odor de la cuecha s’espande dins la peça, gostoa, embriaganta, enmascanta… L’aigueta ven en boca dau jove païsan. Es paure e per sobreviure, fita lu sieus servicis là dont la man d’òbra fa mèstier : a fach li missons, li recòltas de fruchas, li vendèmias mas en aquest temps de frei, lo travalh si fa quist e lu sòus finda. Maugrat l’envueia que li ven, Joan non a d’argent a bastança per s’ofrir aquelu bèi mocèus de carn. Eu comanda simplament a l’aubergista una sieta de sopa e un tròç de pan, conservant ensinda quauqu pitos per l’endeman…
Assetat davant la sieu bòla de sopa, pròche la chaminèia, lu uelhs de Joan s’entornan da ret sobre lu rostits daurats.
Afarat a servir li sieu pràtigas, l’aubergista ten un uelh sus Joan. Non entende si far raubar una briga de carn ò un chícol de jus. S’abriva de servir una pràtiga coma li agradan : un òme de bèla andana, vestent una levita ben talhada e de braias dau velut espès. De segur, un ric merchand, un d’aquelu qu’an d’argent a bodre en li pòchas, que comandan sensa comptar e li permeton de s’enriquir.
Tot en un còup, Joan si leva, ne’n pòu pus… Pilha una forqueta sus la taula a costat, l’i fica lo sieu tròç de pan e lo fa virar sobre lu astes. Aquí, aspera un moment, lo temps que lo pan s’impregne dau gust dei carns e lo si mete en boca. Mmmm… que bònur : lo pan aüra a lo gust de la carn !
L’aubergista que tenia d’uelh Joan s’avanta e l’aganta :
– « Ladre, ti vau emparar ieu a mi raubar ! »
Joan, espaventat, brama :
– « Mas enfin, aqueu pan, l’ai pagat, non l’ai raubat ! »
– « Lo pan aí. E lo fum, ne, l’as pagat bessai ? »
– « Mas lo fum non si crompa ! Lo fum s’envola.»
– « En d’autres luècs bessai… mas aquesto fum d’aquí es mieu, vòli que lo mi pagues ! »
En la sala, li charaïssas son caladi, non s’aude pus minga bosin ; toi lu morres son virats devèrs la scèna. Toi asperan…
En aquel instant, l’òme que l’aubergista èra a servir, s’avesina e li demanda :
– « Quant vòs coma prètz dau fum ? »
– « Tres liras », respònde l’aubergista tot urós de la sieu ajuda.
Lo merchand fica pi la sieu man en la pòcha e ne’n traie tres pecetas qu’estrenhe dins lo sieu ponh. L’aubergista tende la man per pilhar lu sòus mas l’òme fa ginginar lu pitos en l’aurelha de l’aubergista.
– « Per pagament dau fum, lo tintin dei peças basta, ne ver ? »
Toti ensems, li pràtigas si son levadi, pòrjon lo sieu gòto en rient :
– « Si, si, per pagament dau fum, lo tintin basta ! »
L’aubergista non aspera la seguida, s’es refugiat lèu lèu dins la sieu coïna, vergonhós e contrit, jurant mas un pauc tardi de jamai pus si far encastrar.
Joan a soguinhat, a remarciat lo merchand e s’entornava devèrs la sieu taula quora…
– «Ven l’amic, ai en lo plat ben milhor dau fum. Partissem lo mieu past, es triste de manjar solet una vigília de Calènas. »
Aqueu cacha-fuèc, Joan lo denembrerà jamai : la carn èra bòna de segur… mas… cen que per sempre a conservat en memòria, es lo gust dau fum !
Choasa FERRANTI
Le Prix de la fumée
C’est le 24 Décembre, il commence à faire bien froid. Jean se presse. Il remonte le col de sa veste et serre le vêtement contre lui mais la veste est bien trop courte pour lui et le tissu bien trop fin pour lui tenir chaud. Il se dépêche : il sait que non loin de là se trouve une auberge où il pourra se réchauffer.
Quand il pénètre dans l’auberge, il y a foule dans la pièce : les gens se pressent tous autour du feu.Ca sent bon. Dans la cheminée, des poulets, des lapins et des porcelets tournent sur les broches et le jus dégouline dans les plats disposés sous les viandes qui crépitent. Les peaux bien dorées luisent, brillantes, appétissantes .L’odeur de la cuisson se répand dans la pièce, délicieuse, enivrante, envoûtante…L’eau vient à la bouche du jeune paysan. Il est pauvre et pour survivre, loue ses services là où on a besoin de main d’œuvre : il a fait les moissons, les récoltes de fruits, les vendanges mais en ces temps de froid, le travail se fait rare et l’argent aussi. Malgré l’envie qu’il en a , Jean n’a pas assez d’argent pour s’offrir ces beaux morceaux de viande .Lui , il commande simplement à l’aubergiste une assiette de soupe et un morceau de pain gardant ainsi quelques pièces pour le lendemain…
Assis devant son bol de soupe, près de la cheminée, les yeux de Jean reviennent sans cesse sur les rôtis dorés.
Affairé à servir ses clients, l’aubergiste garde un œil sur Jean. Il n’a pas l’intention de se laisser voler un bout de viande ou un peu de jus. Il s’empresse de servir un client comme il les aime: un homme de belle allure, portant une redingote bien coupée et un pantalon au velours épais .Sûrement un riche marchand, un de ceux qui ont de l’argent plein les poches, qui commandent sans compter et lui permettent de s’enrichir.
Tout à coup, Jean se lève, il n’en peut plus…Il prend une fourchette sur la table d’à côté, y plante son bout de pain et le fait tourner au-dessus des broches. Là, il attend un moment, le temps que le pain s’imprègne de l’odeur des viandes et le porte à sa bouche. Mumm… Quel bonheur : le pain a maintenant le goût de la viande !
L’aubergiste qui surveillait Jean du coin de l’œil se précipite et l’empoigne :
– « Voleur, je vais t’apprendre à me voler ! »
Jean, affolé, s’écrie :
– « Mais enfin, ce pain, je l’ai payé, je ne l’ai pas volé ! »
– « Le pain ,oui. Et la fumée, hein, tu l’as payée peut-être ? »
– « Mais la fumée, ça ne s’achète pas ! La fumée, ça s’envole. »
– « Ailleurs peut-être… mais cette fumée-ci est à moi, je veux que tu me la payes ! »
Dans la salle, les conversations se sont tues, il n’y a plus un bruit ; tous les visages sont tournés vers la scène. Tous attendent…
A cet instant, l’homme que servait l’aubergiste s’approche et lui demande :
– « Combien veux-tu pour prix de la fumée ? »
– « Trois pièces », répond l’aubergiste tout heureux de son aide.
Le marchand plonge alors sa main dans sa poche et en retire trois piécettes qu’il enferme dans son poing. L’aubergiste tend la main pour prendre l’argent mais l’homme fait tinter les pièces à l’oreille de l’aubergiste :
– « Pour paiement de la fumée, le bruit des pièces est suffisant, n’est-ce pas ? »
Comme un seul homme, tous les clients se sont levés : ils ont tendu leur verre en riant :
– « Oui, oui, pour prix de la fumée, le bruit suffit ! »
L’aubergiste n’a pas attendu son reste, il s’est réfugié bien vite dans sa cuisine, honteux et confus en jurant, mais, un peu tard, qu’on ne l’y prendrait plus !
Jean a souri, il a remercié le marchand et s’en retournait vers sa table quand…
– « Viens l’ami, j’ai dans mon plat bien meilleur que la fumée. Partageons mon repas, il est triste de manger seul une veille de Noël. »
Ce réveillon-là, Jean ne l’oubliera jamais : bien sûr, la viande était bonne… mais … ce qu’il a toujours gardé en mémoire, c’est le goût de la fumée !