Amics occitans, la cronica Ribon-Ribanha d’ancuei titrada » Marselha : La Ciutat Radioa. » v’es prepauada da Joan-Pèire BAQUIÉ, president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Marselha : La Ciutat Radioa.
Au 280 dau bolivard Michelet de Marselha (9en arrondiment) s’atròva la « Ciutat Radioa » bastida tra lo 1945 e lo 1952 dau Le Corbusier.
Lo bastiment colorat es pauat sus de pilotatges. Dona a l’ensems una impression de laugieretat ben que sigue de beton a l’estat brut. Le Corbusier, dau sieu nom vertadier Charles-Édouard Jeanneret-Gris, avia vorgut defendre una forma de ciutat novèla : aquela d’un vilatge vertical sonat « Unitat d’abitacion ».
L’i si tròvan 337 apartaments desseparats per de « carrieras interni », noms donats ai corredors mai largs que de normala.
Ai terço e quart plans, l’i son de burèus e servicis divèrs (metges, arquitecto, eca…), una libraria, una ostalaria, un restaurant dont si pòu manjar en terrassa. Au uechen plan, una escòla matèrna acuelhe lu pichoi dei estajants de l’imòble. E au darnier plan, una terrassa dont podetz veire una sala d’espòrts e una pichina pesquiera, permeton au monde de si retrovar après dau travalh. Cau apondre tanben qu’en aquest darnier plan li gents si retròvan d’estiu per faire fèsta e beure l’aperitiu.
Aquí siam luenh dau cabanon dont travalhava Le Corbusier a Ròcabruna (06), lu marsilhés de la sieu época, davant tant de modernitat, avion gaire acapit l’arquitecto. Avion sonat lo bastiment : l’ostau dau fadat.
Despi lo 1995, la « Ciutat Radioa » es monument istoric, si pòdon visitar d’unu plans, basta donar a l’entrada lo vòstre nom e s’engatjar de pas anar en li partidas privadi.
Despí la terrassa avètz una vista meravilhoa de Marselha. Siguèsse basta per aquò vos convidi de l’i puar.
Joan-Pèire BAQUIÉ
Fòtos : Regina BAQUIÉ
Marseille : La Cité Radieuse.
Au 280 boulevard Michelet à Marseille (9ième arrondissement) se trouve la « La Cité Radieuse » édifiée entre 1945 et 1952 par Le Corbusier.
Le bâtiment coloré est posé sur un pilotis. Il donne à la construction une impression de légèreté bien ce soit du béton à l’état brut. Le Corbusier, de son vrai nom Charles-Édouard Jeanneret-Gris, avait voulu défendre une espèce de nouvelle cité : celle d’un village vertical appelé « Unité d’habitation ».
On y trouve 337 appartements séparés par des « rues internes », noms donnés aux couloirs bien plus larges de ce qui se fait normalement ailleurs.
Aux troisième et quatrième étages, on trouve des bureaux et des services divers (médecins, architectes, eca…), une librairie, un hôtel, un restaurant où l’on peut manger en terrasse. Au huitième étage, une école maternelle accueille les enfants des habitants de l’imeuble. Au dernier étage, une terrasse où vous pouvez apercevoir une salle de sports ainsi qu’une petite piscine, permettent aux gens de se retrouver l’été pour faire la fête et boire l’apéritif.
Ici nous sommes loin du cabanon où travaillait Le Corbusier à Roquebrune (06), les marseillais de son époque, devant autant de modernité, n’avaient pas bien compris l’architecte. Il avaient surnommé le bâtiment : la maison du fada.
Depuis 1995, la « Cité Radieuse » est monument historique. Le public peut visiter certains étages, il suffit de donner son nom à l’entrée et de s’engager à ne pas aller dans les parties privatives.
Depuis la terrasse, vos bénéficiez d’une vue merveilleuse sur Marseille. Ne serait-ce que pour cela, je vous convie à y monter.