Amics occitans, la cronica Ribon-Ribanha d’ancuei titrada « Calènas per Baptista » es una cançon de Michel Maffrand dau grop Nadau, adaptada au niçard da Joan-Pèire SPIES. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Calènas per Baptista
Si rion, si rion,
Toi lu saps tant bei,
Si rion dau frei.
E Barba Calènas,
Que vòla, que vòla,
E Barba Calènas,
Que vòla, ailà.
Sus lu amorós,
Si nèva, si nèva,
Sus lu amorós,
Si nèva, tot doç.
E lo monde autorn,
Que vira, que vira,
E lo monde autorn,
Que vira, tròp cort.
Ieu, que siáu tant bèn,
Que t’aimi, que t’aimi,
Ieu, que siáu tant bèn,
Que t’aimi, tot plèn.
En la cambra amont,
Baptista, Baptista,
En la cambra amont,
Baptista, a sòm.
Joan-Pèire SPIES, adaptacion au niçard de « Nadau tà Baptista »
Nadau tà Baptista
Qui arriden, qui arriden,
I a tots los avets,
Qui arriden deu hred.
E lo pair Nadau,
Qui vola, qui vola,
E lo pair Nadau,
Qui vola la haut.
Sus los amorós,
Que nèva, que nèva,
Sus los amorós,
Que nèva tot doç.
E lo monde autorn,
Que vira, que vira,
E lo monde autorn,
Que vira, tròp cort.
Io tot au dehens,
Que t’aimi, que t’aimi,
Io tot au dehens,
Que t’aimi, tostemps.
Hens la crampa au som,
Baptista, Baptista,
Hens la crampa au som,
Baptista, que drom.
Michel MAFFRAND
Noël pour Baptiste
Qui rigolent, qui rigolent,
Y a tous les sapins,
Qui rigolent, du froid.
Et le père Noël,
Qui vole, qui vole,
Et le père Noël,
Qui vole, là-haut.
Sur les amoureux,
Il neige, il neige,
Sur les amoureux,
Il neige, doucement.
Et le monde autour,
Qui tourne, qui tourne,
Et le monde autour,
Qui tourne, trop court.
Moi, tout en dedans,
Je t’aime, je t’aime,
Moi, tout en dedans,
Je t’aime toujours.
Dans la chambre en haut,
Baptiste, Baptiste,
Dans la chambre en haut,
Baptiste dort.