Amics occitans, la cronica Ribon-Ribanha d’ancuei titrada « Lu esportius dau diménegue. » v’es prepauada da Marc Waltzer, secretari-ajonch de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lu esportius dau diménegue.
Si siam levats a pas d’ora.
Basta lu uelhs dubèrts que calia, coma lu cats, mandar au luenh la pega de la nuech.
Lèu, un pichin café, una lesca de pan-confitura, e es lo moment de si vestir, de ben chausir la camieta, li braias, cauçuras, caucetas …
Un còup d’uelh defòra, va ben, lo soleu s’enauça, non farà mestier de si curbir de tròup.
La pòrta clavelada, mieja-ora de camin en veitura e aicí siam radunats, lèsts e lo soguinhe ai labras.
Coma per lu calinhaires, lo mai bòn es aqueu moment quiet que s’alestisse la jornada.
Per nautres, ancuei, avèm decidat un pichin percors de dètz quilomètres en lo bòsc.
Lo soleu començava da picar, un mèrlo ò quauqua ren com’ aquò (que siáu pas especialista) sus una branca sublava la sieu amiga, au luenh la mar s’estirassava plan planin, li gents mi semblavan uroï, bessai un pauc de tròup, m’aurii deugut maufidar.
Es alora que debutava lo suplici, la tortura… l’ora d’espòrt dau dimènegue.
Lu joves, lu botèus lusents, li cavilhas leugieri que semblavan volar, son partits davant, pastrolhant quiets, sensa denembrar de mandar, de temps en temps, un regard sobre l’espatla per s’assegurar qu’eravam sempre darrier d’elu, qu’aviavam pas trovat una beguda aculhenta.
Non s’èra passat un quart d’ora que comencèt la sofrença, lo mieu còr s’embalava, lo piech a l’estrech demandava d’ària.
– Anatz davant que devi tornar pilhar lo buf.
L’aucèu, d’amont sus la branca, qu’avia trobada la sieu companha mi donèt l’impression marrida de si rire de nautres, de ieu.
– Basta doi minutas.
Continuar sensa pensar au mau, laissar li pensadas si passejar e bessai s’ajudar m’una cançon per faire denembrar la fatiga.
Aüra es lo genolh! Non pensar a la sofrença, laissar lo ment barrotlar …
Sèt qm ! Mi cau trovar una cançon e la faire virar en tèsta… Sèt qm ! Son lu pens aüra que non vòlon escotar. Mefi aquela pèira, aquela soca…
Uech qm, ai tot lo còrs que m’implora de m’arestar, e l’autre aucèu d’amont… mas non, juste trovar la cançon per sègre lo camin… Ai un ària en tèsta mas m’an levat li paraulas…
Nòu qm, veï au luenh lu joves, encà un esfòrç… son a s’estirar en blagant e ieu que cerqui totjorn…
mas dont es l’amiga que mi devia faire denembrar fatigas e entravadís?
L’i siáu arribat, dètz qm, jòia, rires, fiertat…
– É ! La connoissi aquesta cançon que non t’arrestes de sublar, es una cançon de Provença fòrça celèbra, mi ditz un amic.
– Li dion: «La gamba mi fa mau.»
E l’autre aucèu d’amont, que si plora dau rire !!!
Marc Waltzer
Les sportifs du dimanche
Nous nous sommes levés de bonne heure.
A peine les yeux ouverts qu’il fallait comme les chats éloigner la colle de la nuit. Vite un petit café, une tranche de pain confiture et c’est le moment de s’habiller, de bien choisir le maillot, le pantalon, chaussures et chaussettes.
Un coup d’œil dehors, ça va, le soleil se lève, pas la peine de trop se couvrir.
La porte fermée, une demi-heure de voiture et nous voici réunis prêts et le sourire aux lèvres.
Comme pour les amoureux, le meilleur moment est celui de la préparation de la journée.
Pour nous, aujourd’hui, nous avons décidé un petit parcours de 10 km dans le bois.
Le soleil commençait à taper, un merle, ou quelque chose comme ça (je ne suis pas un spécialiste) sur une branche sifflait son amie, au loin la mer se traînait doucement, les gens semblaient heureux, peut-être un peu trop, j’aurais dû me méfier.
C’est alors qu’a commencé, le supplice, la torture…l’heure de sport du dimanche.
Les jeunes, les mollets luisants, les chevilles légères qui semblaient voler sont partis devant, devisant tranquilles sans oublier de jeter de temps en temps un regard sur l’épaule pour s’assurer que nous étions toujours derrière eux, que nous n’avions pas trouvé une brasserie accueillante.
Il ne s’était pas passé un quart d’heure que commença la souffrance, mon cœur s’emballait, ma poitrine à l’étroit demandait de l’air.
– Allez devant, que je dois reprendre mon souffle.
L’oiseau, là-haut sur la branche, qui avait trouvé sa compagne, me donnait la mauvaise impression de rire de nous, de moi…
– Juste deux minutes.
Continuer, sans penser au mal, laisser les pensées se promener et peut-être s’aider d’une chanson pour faire oublier la fatigue. Maintenant c’est le genou, ne pas penser à la souffrance, laisser les pensées se promener…
Sept km, il me faut trouver une chanson et la faire tourner en tête… sept km, ce sont les pieds qui ne veulent plus écouter maintenant. Attention à cette pierre, à cette racine…
Huit km, j’ai tout le corps qui m’implore de m’arrêter, et l’autre oiseau là-haut… mais non, juste trouver la chanson pour suivre le chemin… j’ai bien un air en tête mais ils m’ont enlevé les paroles…
Neuf km je vois au loin les jeunes, encore un effort, ils sont en train de s’étirer en discutant, et moi qui cherche toujours… mais où est l’amie qui devait me faire oublier fatigues et embûches ?
J’y suis arrivé, dix km, joie, rires, fierté…
– Hé! Mais je la connais cette chanson que tu n’arrête pas de siffler, me dit un ami, c’est une très célèbre chanson de Provence.
– elle s’appelle : « j’ai la jambe qui me fait mal »
Et l’autre oiseau là-haut qui pleure de rire ….