Amics occitans, la cronica Ribon-Ribanha d’ancuei, titrada « Lo monde animalesc e lu òmes… », v’es prepauada da Carlòta RUBINI, segretairitz de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lo monde animalesc e lu òmes…
Conoissètz manti expressions qu’utilizan un fais de noms, d’adjectius trachs dau monde animalesc per parlar dei òmes e ben segur dei fremas ? Coma, per exemple : aquela granda filha, a lo còl coma una girafa ; aqueu baudo que vau pas escotar ni mai respòndre , fa l’estruci ; aqueu que vos vòu raubar quauqua ren, es furbo ò fin coma un volp , ò encara raubaira coma una agaça ; aquela que ditz totjorn li memi cauas, repepilha coma un papagau……eca
Veètz ben ! Lu mòts pilhats dau monde animalesc son un molon e s’atròvan d’en pertot. La pròva ?
Ja, aquí sobre e mai aquí sota :
Qué siguessiatz supèrbi coma un gal, fòrt coma un bòu, testard coma un muòu, despiechòs coma una monina, caud coma un coniu ò gaubiòs coma una mosca fina, siatz ò seretz, un jorn ò l’autre, devengut cabra per una calhera ai uelhs de cerveta……
Vi vau contar l’istòria que v’es arribada segurament… ò a un amic…
Arrivatz fresc coma un gardon au vòstre premier apontament emb’ una filha e aquí, pas un cat ! degun ! Fètz lo pen de grùa, languissètz, asperatz, vi demandatz se aquela becassa v’ a realament pauat un coniu…
Lo baudo que v’a obtengut aquel apontament amoròs e qu’es vòstre « amic coma pòrc », vos a dich e tornamai dich : « Aquela galineta a de can, una pantèra pròpi ! ».
Segur, serètz un bàbi mòrt d’amor ! Mentre, ela vi tracta coma un can ! Siatz pròche de cridar coma una màrtola, mas non ! arriba la girèla bèla ! Bon, dètz minutas de retard, l’i a pas de que rompre tre patas a l’àneda…
fòra que la rateta famoa, mé la sieu criniera de lion es , en realitat, plana e esquirincha coma una limanda e finda pelada coma lo cuòu d’una vielha gandaula, lua coma un darbon, bofa coma un bòu marin e en mai d’aquò si ritz com’una balena ….
Labrat, restatz mut coma una carpa, ela , prova de vi tirar lu vèrps dau nas, mas sautatz dau gal a l’ae e acabatz per negar lo peis : v’ es venguda la babaròta e avètz envueia de vi laissar venir li làgrimas de cocodrila. Finissètz per v’ inventar una fèbre de cavau e aquò vi permete de filar coma una lèbre….
Revengut au vòstre, cascalhatz li nièras dau vòstre amic, li mandatz lu noms d’estripa-cans, de morre de monina, qu’a pas un sòu per faire balar un garri, qu’es una mena de ratapinhata e qu’es negre coma un corpatàs…..S’es menchonat de vos !
De costuma doç coma un anhèu, esto còup, rugissetz coma una bèstia fèra e sortetz lu vòstres arpions : òu ! cau pas vos pilhar per un colomb !
Carlòta RUBINI
Le monde animal et les hommes.
Connaissez-vous plusieurs expressions qui utilisent beaucoup de noms, d’adjectifs empruntés au monde animal pour parler des hommes et bien sûr des femmes ? Comme par exemple cette grande fille : elle a le cou comme une girafe ; cet homme qui ne veut ni écouter, ni répondre : il fait l’autruche ; celui qui veut vous voler quelque chose : il est fourbe ou malin comme un renard ou alors voleur comme une pie ; celle qui dit toujours les mêmes choses : elle répète comme un perroquet, etc…
Vous voyez bien ! Les mots empruntés au monde animalier sont nombreux et se trouvent partout. La preuve ?
Déjà ci-dessus, et de plus ici en-dessous :
Que vous soyez fier comme un coq, fort comme un bœuf, têtu comme un mulet, facétieux comme un singe, chaud comme un lapin ou habile comme une fine mouche, vous êtes ou vous serez, un jour ou l’autre, devenu chèvre pour une caille aux yeux de biche….
Je vais vous raconter l’histoire qui vous est arrivée sûrement…ou à un ami….
Vous venez, frais comme un gardon, à votre premier rendez-vous avec une fille et là ! pas un chat ! personne ! Vous faites le pied de grue, vous languissez, vous vous demandez si cette bécasse vous a réellement posé un lapin ….
Le type qui vous a obtenu ce rendez-vous amoureux, « amis comme cochons », vous a dit et redit : « Cette poulette a du chien, c’est une vraie panthère ! »
C’est sûr, vous serez un crapaud fou d’amour ! Cependant elle, elle vous traite comme un chien ! Vous êtes prêt à crier comme un putois, mais non ! Elle arrive la belle girelle ! Bon, dix minutes de retard, il n’y a pas de quoi casser trois pattes à un canard….sauf que la fameuse souris, avec sa crinière de lion, est, en réalité maigrichonne et plate comme une limande et aussi pelée comme le cul d’une vieille guenon, myope comme une taupe, elle souffle comme un bœuf et en plus de celà, elle rit comme une baleine…..
Bouche bée, vous restez muet comme une carpe, elle, elle essaie de vous tirer les vers du nez, mais vous sautez du coq à l’âne et vous finissez par noyer le poisson : il vous est venu le cafard et avez envie de laisser couler des larmes de crocodile. Vous finissez par vous inventer une fièvre de cheval et cela vous permet de filer comme un lièvre….
Revenu chez vous, vous secouez les puces de votre ami, vous lui envoyez toutes sortes de noms : tueur de chiens, tête de singe, qu’il n’a pas un sou pour faire danser un rat, qu’il est une espèce de chauve-souris et qu’il est noir comme un corbeau…Il s’est moqué de vous !
Vous d’habitude doux comme un agneau , ce coup-là, vous rugissez comme une bête sauvage et sortez vos griffes : ho ! il ne faudrait pas vous prendre pour un pigeon !