Amics occitans, la cronica Ribon-Ribanha d’ancuei, titrada « Autra cançon, autra istòria », v’es prepauada da Enric SEREN sòci de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Autra cançon, autra istòria
Niça, filha dau soleu, País d’un Metge que si sonava Joan Gavòt, ancuei gonflada de gents malauti, malauti d’un mau que, eu, non sabia garir.
Lu sieus vielhets son quasi toi crepats, aquelu que restan parlan embé un accent vengut d’un autre monde !
Lu sieus Joves parlan lo « Verlan », marrida lenga venguda d’un País maladit que lo Metge non volia conóisser !
Alora, chavirat e deceuput, se’n es anat, devèrs aquesto país, Fraire de Nom, que li donia la man !
A seguit Var, travessant un molon de pichoi país, de Malàussena a Vilars, de Toet a Puget, d’Entrevaus a Guedan, semenant la nòva d’aquesto mau que manjava la sieu Vila, e que porria ben, un jorn, coma eu, remontar lu rius, per anar roiar li nòstri campanhas, encara verdi e viergi de tot mau !
Degun lo cresia, lo tractavan de fòl ! Alora, a continuat de caminar, mai d’amont dins la valada, en pantaiant de trovar quauqu’un que lo creseria ! Caçat de Daluis, s’estirassèt de Vilaplana fins a Sauze ! Aià, lu uelhs làs e li aurelhas endurmidi si drevilhèron quora un vielh pastre, assetat sota un castanhier, l’audèt, rièt, e diguèt :
« Ò, Metge, pilha la mieu cabra, LARA, la ti doni, conóisse lo camin devèrs la Patz. Cala a Guilherme, sus l’autra riba de Var, pilha lo camin dau castèu de la Regina Joana, e segue-lo !
Tot amont, vire-ti, assete-ti, e regarja ! »
Cen qu’a fach, la cabra davant, eu darrier. Arribats dessamont de la terribla puada, èra a Bochanièras !
La cabrèta s’arrestèt d’un còup, lo regarjèt, anèt dins un prat, e si metèt a pàisser. Eran arribats !
Alora, si renembrant li paraulas dau vielh òme de Sauze, s’es virat devèrs lo Sud, e contemplèt lo sieu País a tracòl de d’amont li sieu montanhas banhadi de soleu, e rièt.
Si setèt sobre un ròc (*), pilhèt lo sieu fifre, e començèt de sublar. Alora, Lara la cabreta s’apressèt, lo regarjèt drech dins lu uelhs, e li nòtas d’aquela cançon, que li dediquèt, sota vent s’envolèron a travèrs li nòstri valadas gavòti fins a cap dau monde !
Ensinda èra naissuda la cançon de LARA, dau Metge J………..Gavòt
Enric SEREN
lllustracion : Bochanieras . Pastel originau dau vilatge da Silvia Sercia.
Autre chanson, Autre histoire
Nice, Fille du Soleil, Pays d’un Médecin qui s’appelait Jean Gavot , aujourd’hui pleine de gens malades, malades d’un mal que, lui, ne savait pas soigner.
Ses vieux sont presque tous morts, ceux qui restent parlent avec un accent venu d’un autre monde.
Ses jeunes parlent le Verlan, mauvaise langue venue d’un pays maudit que le médecin ne voulait surtout pas connaître.
Alors, tout secoué et déçu, il s’en est allé vers ce pays, Frère de Nom, et qui lui tendait la main !
Il a suivi le Var, traversant les petits villages, de Malaussène à Villars, de Touët à Puget, d’Entrevaux à Gueydan en répandant la nouvelle de ce Mal qui rongeait sa ville, et qui un jour pourrait, comme lui, remonter les cours d’eau, pour aller ronger nos campagnes, vertes et vierges de tout mal !
Personne ne le croyait, on le traitait de Fou. Alors, il a continué son chemin, plus haut dans la vallée, pensant trouver des gens qui croiraient à son histoire. Chassé de Daluis, il erra de Villeplane jusqu’à Sauze. Là, ses yeux las et ses oreilles endormies se réveillèrent quand un vieux berger, assis sous un châtaignier, l’écouta, sourit, et dit :
« Ho, Toubib, écoute-moi ! Prends ma biquette, Lara, je te la donne, elle connaît le chemin vers la paix. Descends à Guillaumes, de l’autre côté du Var, prends la route du château de la reine Jeanne, et suis-la ! Tout là-haut, tourne-toi, assieds-toi et regarde ! »
Ce qu’il fît, la biquette devant, lui derrière ! Arrivés là-haut, tout au bout de cette terrible montée, c’était Bouchanières !
La biquette s’arrêta d’un coup, le regarda, alla dans un pré, et se mit à brouter. Ils étaient arrivés !
Alors, se rappelant les paroles du vieil homme de Sauze, il se tourna vers le Sud et contempla son pays à perte de vue, du haut de ses montagnes baignées de soleil, et sourit.
Il s’assit sur un caillou, sortit son fifre, et se mit à jouer.
Alors, LARA la biquette s’approcha, le regarda droit dans les yeux, et les notes de cette chanson, qu’il lui dédia, dans le vent s’envolèrent, à travers les vallées de notre pays Gavòt, jusqu’à l’autre bout du monde.
Ainsi était née la chanson de LARA, du Docteur J…..Gavòt !
Eric SEREN