Amics occitans, la cronica Ribon-Ribanha d’ancuei, titrada « Parets de ma memoria. », v’es prepauada da Françon DALBERA sòcia de l’IEO 06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Parets de ma memòria
En la campanha nòstra avèm totjorn vist de parets de pèiras sequi.
Son aquí despí de sègles e fan partida dau patrimòni locau.
D’un temps lu païsans pilhavan de jornadas per aquò faire e s’ajudavan per tratenir li parets.
Au jorn d’ancuei li faissas son degalhadi, lu barris s’encalan e a pauc a pauc son cuberti de baranhas.
De collectivitats locali an decidat d’aparar aquestu elements dau paisatge. An prepausat d’estagis de formacion ai volontaris.
An finda mòstrat l’exemple en assegurant la formacion d’emplegats municipaus qu’an posqut faire de realisacions coma aquí a Casternòu Vilavielha embé un barri de sosten per un parc.
An demandat la reconoissença au label « Patrimòni curturau e immateriau » de l’UNESCO.
Lu antenats an bastit de barris perqué avian besonh de tèrras e ne’n cercavan encara de mai per cultivar d’oliviers, de ceriers, de gran, de lieumes. Lu barris son estats bastits embé de pèiras pilhadi en lo canton .
Quora la penda es importanta, l’autessa de la paret aumenta e li faissas son estrechi. Per anar d’una faissa a l’autra, si podia faire una escalinada ò una puada.
L’aparament dei parets es important per lo manten e lo desvolopament de l’agricultura, per empedir lo passatge dei fuecs, per afortir la beutat de l’environament, per apaisar l’aiga que regòla ò per lu sorgents.
Es una galeria vòutada d’un sorgent a Casternòu Vilavièlha.
Per sensibilizar lo monde, la comuna a editat un libret, a fach de radunanças embé de sortidas.
Li comunas d’alentorn an fach d’accions sus aquela dràia .
Pareisse qu’en lo 2014 li son encara de parets que n’asperan.
Alora…
Françon DALBERA
Murs de ma mémoire
Dans la campagne nous avons toujours vu des murs de pierres sèches. Ils sont là depuis des siècles et font partie du patrimoine local.
Autrefois les paysans prenaient des journées pour faire cela et ils s’entraidaient pour entretenir les murs.
Aujourd’hui les « planches » sont abîmées, les murs tombent et peu à peu elles sont couvertes de ronces.
Des collectivités locales ont décidé de préserver ces éléments du paysage.
Elles ont proposé des stages de formation à des volontaires.
Elles ont aussi montré l’exemple en assurant la formation d’employés municipaux qui ont pu faire des réalisations comme ici à Châteauneuf Villevieille avec le mur de soutènement d’un parking.
Elles ont demandé la reconnaissance au label « Patrimoine culturel et immatériel de l’UNESCO ».
Les anciens ont bâti des murs parce qu’ils avaient besoin de terres et ils en cherchaient encore plus pour cultiver des oliviers, des cerisiers, du blé, des légumes. Les murs ont été construits avec des pierres prises sur place.
Quand la pente est importante, la hauteur des murs augmente et les « planches » sont étroites.
Pour passer d’une « planche »à l’autre, on pouvait faire des marches ou une montée.
La restauration des murs est importante pour le maintien et le développement de l’agriculture, pour empêcher le passage des feux, pour enrichir la beauté de l’environnement, pour calmer l’écoulement des eaux et pour entretenir les sources.
Pour sensibiliser les gens la commune de Châteauneuf Villevieille a édité une brochure, organisé des réunions et des sorties.
Les communes environnantes ont fait des actions dans cette voie.
Il paraît qu’en 2014 il y a encore beaucoup de murs qui nous attendent.
Alors…